《我要追番我老婆》: 花絮2

「原來你嗰陣突然間消失咗，之後喺日文班你又唔認得我，係因為撞咗車然後失憶......」我竟然相信小惠，以為她真的是從未來回來，我真是有夠蠢的了！

我不服氣的瞪著小惠，她像是知道我在想甚麼似的，朝我伸了伸舌頭，裝了個鬼臉道﹕「係你自己蠢咋嘛！咁都信。」

「哼！」悶哼一聲後，我馬上想到如何反擊，我以嘲弄的語氣道﹕「不過呢...估唔到有人會暗戀咗我咁耐啫......唉...天生靚仔真係煩惱，咁多人鐘意......」

小惠馬上走過來揉捏著我的雙頰﹕「咩啫咩啫！而家係你追我㗎！係你追我㗎！」

我給她弄得眼淚鼻水也快要擠出來了，我連忙道﹕「係啦係啦！係我追你啦皇帝！」



她鬆開了手，擁著我道﹕「其實你記唔記得你救過我㗎﹖」她的聲音出奇地溫柔。

我搔搔頭道﹕「我剩係記得我救過人咋，係男係女我都唔記得啦。不過如果係靚女嘅話我一定......」

小惠聞言馬上瞪著我，怒道﹕「死嘢！你話邊個唔係靚女呀！」然後使勁的扭著我的手臂。

「呀！！」