《我要追番我老婆》: 尾聲

就在我摟住了小惠滾到地上時，我聽到了一下悶響的同時後腦就傳來一陣痛楚。

眼前一個發黑，就在我快要暈倒之際，我感到有人不斷拍打著我的臉，又感到有水滴在臉上。

下雨嗎﹖

我清醒了一點，耳際馬上聽到小惠的聲音﹕「呀鋒！呀鋒！醒吓呀！你唔好有事呀......」

太好了！我終於抓住小惠了！



我還是緊閉雙眼，但雙手緊緊抱住了她，道﹕「你只要唔走同我一齊，我就唔會有事啦。」

小惠聞言大喜﹕「你無事啦......」接著她卻想掙脫我的懷抱﹕「你...你放開我呀......」

我當然不會放過她，我將她壓在我身下，直視她的雙眸﹕「我搵咗你好多日啦你知唔知﹖點解你要避開我﹖點解你唔比我去見你﹖」

她迴避著我的目光，淚水卻一直湧出來﹕「你...你都揀咗Rachel啦......你仲搵我做咩......」

我百思不得其解﹕「咩呀﹖我幾時揀咗Rachel呀﹖」



小惠淚眼汪汪的看著我﹕「你頭先唔係攬住咗Rachel咩﹖你唔係多謝佢一直以嚟陪住你、支持你咩﹖咁你仲唔係揀咗佢﹖」

看來小惠只聽了上半部份，我正想解釋一二，卻感到有人拍了拍我的肩膊﹕「喂，你哋無事呀嘛﹖駛唔駛call白車呀﹖」。我鬆開小惠轉個身去，卻是一個陌生男人。疑惑之際，那個男人訝道﹕「咦﹖又係你哋呀﹖你哋又嗌交呀﹖」他見我疑惑的樣子，續道﹕「我係上次喺西貢車你哋去荃灣嗰個的士司機呀，嗰次你哋又係嗌交，估唔到今次仲差啲撞到你哋，你哋無事呀嘛﹖」

我有點認出了他的聲音，話說回來多得他我才可以和小惠開始。正想回答他時，懷裏的小惠卻突然逃離我的懷抱，往海防道逃去。

我顧不得理會的士司機，馬上追了上去，還好遊人如鯽，被頻頻擋路的小惠逃得不遠，我沒多費勁就再次抓住她了。

我從背後緊緊的摟住她，將頭枕在她的肩膊上﹕「我唔會再比你走㗎啦......」



小惠掙扎著，哭道﹕「你...你放開我呀......你去搵返Rachel啦......」

我收緊了一點力度，在她耳邊柔聲道﹕「盧家惠，你可唔可以唔好次次都聽一半就算啦，你聽我講埋先啦。」我沒等她回應，續道﹕「我頭先係多謝佢一直以嚟陪住我、支持我。但我意思只係多謝佢，因為佢幫手，我先可以搵番你，我先可以同你喺埋一齊，我只不過當Rachel係朋友，而我只係鐘意你一個咋。」我頓了一頓，又道﹕「如果你仲係唔信嘅，我哋而家一齊去搵Rachel，我喺你面前同佢講清楚好唔好﹖」

她聞言停止了掙扎，哽咽道﹕「但...但係我都唔係你老婆，一直以嚟我都係呃你咋......」

我拿出了那一枚指環，將它套在小惠左手的中指上﹕「你無呃我呀，而家咪係囉。咁你願唔願意做我老婆呀﹖」

小惠看了看指環，又將它脫下來放在我的掌心裏，我愕然之際，她道﹕「等你幫我鑲番粒珍珠，我先收番啦。」然後她轉過身來，破涕為笑的凝視著我。

我壞壞笑道﹕「咁你下次收咗，就要嫁比我啦！」

小惠鼓起腮，嗔道﹕「唔制呀！我起碼要收兩卡鑽石介指。」

我裝作驚訝﹕「吓﹖！要兩卡﹖」然後垂頭喪氣道﹕「咁算啦，我去搵番Rachel算啦，我諗佢收隻潮特買嘅銀介指都會......呀！！！」



我還沒調侃完，小惠已經瘋狂扭著我的雙臂，怒瞪著我道﹕「陳洛鋒，我比個機會你講多次！」

我將她擁入懷裏，在她耳邊情意綿綿道﹕「盧家惠，我第一日識你，你已經係我老婆啦，所以我以後剩係會送介指比你一個，咁你滿意未呀﹖」

小惠沒有回答我，只是笑著點了點頭。
 
(全文完)

PS﹕仲未完㗎，睇埋花絮同後記先好走！