我最錯，在鬼節遊船河: 第二十八節

我看著眼前的老豆，感覺有點陌生，究竟我認識的老豆是一個什麼樣的人？
 
「世伯，你講咩落蠱呀，我地唔知你講緊咩。」子嫣想胡混過去，如我所願不想讓老豆擔心。
 
老豆字正詞嚴說：「你地幾個，去廁所照鏡，望一望被眼皮遮蓋住既眼白位置，睇下有冇黑色既小點，有既話就係中左蠱毒！」
 
我和子嫣征了一征，對老豆的說話有點錯愕，特別是我，很難相信老豆現在竟然說出了這樣的話，接著我們不多說的便走進了浴室照鏡。
 
拉開了自己的眼皮，果真發現眼球的眼白位置有很多的黑色點。
 




中蠱的除了嚴國旋外，還有我和子嫣。
 
只是，為何同被落蠱，沈師父和陳偉他們的情況那麼嚴重，而我和子嫣卻像常人一樣，一點不適的感覺也沒有？
 
在浴室內，嚴國旋低聲的問：「你老豆咩人黎架？點解佢會識呢啲野？」
 
「我唔知呀！我都係第一次聽佢講呢啲野，佢係中醫黎，會唔會我老豆識醫蠱毒？」
 
「同係用藥，但係我唔相信中醫會識得解蠱毒，不過問左先都無壞！」嚴國旋焦急的說。
 




我明白他緊張沈師父的心情，如果老豆知道解毒蠱的方法，那麼我們便可以省卻尋找巫師的時間，亦即我們有更多的時間可以對付紅衣女鬼。
 
我點頭同意。
 
從浴室步出，只見老豆正神情凝重的翻看著一本殘舊得泛黃的簿。
 
「老豆........」
 
「唔好講咁多住，你地而家中既應該係金文蠱，唔會咁快有事既，我而家去執幾劑藥俾你地就好快冇事，落蠱既人睇黎唔係想置你地於死地.......」老豆喃喃自語說。
 




「老豆，你有冇聽過黑毒蠱？」我問。
 
「黑毒蠱？你問黎做咩呀？」老豆聽到黑毒蠱三個字後，不禁面色一沈。
 
嚴國旋搶在我身前說：「世伯，我有朋友被巫師所害，中左黑毒蠱，而家情況好危殆，我地想搵個巫師幫佢地解蠱毒，但係我地搵唔到個巫師，我地而家冇晒辦法......」
 
老豆眉頭緊湊，望了嚴國旋一眼說：「你係咩人？黑蠱毒同巫師呢啲字眼你都識，睇黎你唔止係藍楠既朋友咁簡單。」
 
「老豆，佢係道士黎幫我架，佢唔係壞人。」我說。
 
「你攪咩呀仔，昨日先至出院，一晚冇返黎就俾我發現你中蠱毒，而家又有個道士響道，你究竟發生咩事呀！」
 
「成件事我諗藍楠會再慢慢同你解釋，而家我真係好想知黑蠱毒究竟有冇辦法可以解到，如果今晚十二點前搵唔到解決方法，咁我兩個朋友就死硬架啦！」嚴國旋說。
 
老豆嘆了一口氣：「黑毒蠱係蠱術裡面最惡毒既一種，中左呢種蠱既人可以話死九成。」




 
老豆對黑毒蠱的分析和之前嚴國旋所說的差不多一樣，讓我不其然的對他多了一種敬意。
 
「老豆，你有冇方法可以救到佢地？因為佢地係因為我先至攪成咁。」
 
老豆再翻查著手中的記事簿說：「呢個蠱，施法既人自己都未必有辦法可以解到，不過呢個情況下，我諗我地咩都要試一試。」
 
我們屏息靜氣，等待老豆說出解救方法。
 
老豆拿出了紙和筆說：「你地第一樣要知道既就係蠱，其實係一種毒，透過施法去加強毒性，蠱既強弱唔係視乎毒性，而係要睇施法者既功力。只係呢個解藥只能夠延長中毒者既死期，唔能夠完全去除蠱毒，要完全去除我地就一定要加埋施法者既血！」
 
老豆接著在紙上寫下了數個字：「要破釜沈舟，破解黑毒蠱，我地要用五毒，亦即以毒攻毒！」
 
老豆把紙遞給嚴國旋，內裡寫下了：「蛇、蜈蚣、蠍子、蜘蛛及蟾蜍」，簡稱五毒。
 




只簡單的看了動物的名稱，已經可以聯想到用牠們來製造毒藥，毒性會是何等猛烈。
 
「搵到呢五種毒之後點做成藥？」嚴國旋問。
 
「好簡單，放入攪拌機裡面攪成汁液，俾你地朋友飲就得，不過我要重申，要絕對根治黑毒蠱，我地一定要施法者既血！」老豆說。
 
嚴國旋思忖了片刻說：「咁我地而家唯有做住五毒解藥先，至於施法者，我地等沈震龍佢地清醒返再查落去……..」
 
「咁短時間，你有方法搵到呢五毒？打算去郊野公園捉佢地返黎呀？」
 
「咁...........」
 
「交俾我啦，我有辦法搵到返黎，之後我攞過黎俾你地啦！橫掂個衰仔同未來新抱都俾人落左蠱，我一次過攞晒啲藥黎。」
 
子嫣聽到老豆說「未來新抱」一詞後，害羞得低下頭來。




 
「老豆，佢係我大學同學，唔係咩未來新抱呀，你咁講，人地好尷尬架！」我說。
 
老豆淺笑：「緣份呢啲野，我一眼就睇得出啦！唔講呢啲住，你之前話返黎搵出世證明，究竟係咩事？仲有呢個人係道士，你係咪撞鬼？細輝佢地既死，係咪都係同你地撞鬼有關？」
 
原先我打算自己一個人處理紅衣女鬼的事，不想讓老豆擔心，只是事情發展到這個地步，再加上發現老豆原來懂得解蠱，這讓我開始猶豫是否要把事情的來龍去脈告知老豆。
 
「點呀？我答左你地咁多問題，你係咪小小野都唔話我知？」老豆追問。
 
「老豆……響我答你問題之前，我想問你，點解你會識解蠱術，你係巫師？」我懷著緊張的心情問，對我來說老豆是巫師或道士也好，我也欣然接受，因為每種術本身也有正反兩面，只視乎施法者的心德，我在意的是，老豆對自己的坦白。
 
「我唔係巫師……….」老豆豪不猶豫的回答。
 
「咁點解你會識解蠱？識得睇我地有冇中蠱毒？老豆！我唔係要審問你，我只係想知道點解，因為而家有隻女鬼纏住我…….我可能今晚就要死架啦……..所以…..」說到這裡，雙眼不其然的流下淚來。
 




一直以來，我以為老豆只是一個醫術精湛，行善積德的中醫，日出工作，日入而息。為怕獨力養家的老豆擔心，從小開始我便好好的規劃自己的生活，所以自己即使遇到紅衣女鬼及自己或將遭遇不幸，我亦自己默默承受，不讓他操心，只是在這個絕望時刻，發現老豆原來是一個或許可以拯救自己的人，心靈得到安慰下終按捺不住流下淚來。
 
老豆行到我的身邊，用他那粗厚但溫暖的手輕撫著我的頭說：「衰仔，我同你講過做男人唔可以喊，因為喊係解決唔到問題，不過有事你就記住搵老豆，因為萬大事都有老豆響你身邊支持你。」
 
聽到這裡，一直壓抑著的壓力和恐懼終於崩潰，我在老豆的懷裡肆意的嚎哭起來。
 
在生命快將走到的同時，我才知道原來一個末期病人，需要的不是希望，而是切實的有自己的親人陪伴在身邊。