薛可正作品 - 回到過去，星晴擱淺，說好的幸福呢？: 32

收到這個訊息，我也懶得再回覆，直接撥了一通電話給潘靜雅。

「靜雅，妳點解咁問？」

「問得你，就當然有方法幫你地啦，你答我想唔想見先啦。」

「我點會唔想？時間地點？講！」

「你而家嚟我屋企啦，德福花園，唔好遲過六點呀。」





潘靜雅掛了線後，我想也不想，換過衣服然後跟媽交代一聲便向九龍灣出發。我依著潘靜雅給我的那個地址，很快便去到她的家。

叮噹！

站在門口的我緊張的按下門鐘，腦海還一直盤算著，等一下會發生什麼事。幾秒之後，我聽到一輪急促的腳步聲，然後門便打開。

「喂，葉青倫，入嚟入嚟！」一身睡服，頭髮比我更亂的潘靜雅為我打開門，然後邊跑回房間邊向我招手。我關好門後向她的房間走進去，冷不防發現她家裡的大廳還有兩位長輩，那應該是她的父母吧。

「爸爸媽咪，佢叫葉青倫呀，係我同你講嗰個同學，我地入房先。」潘靜雅又從房間內跑出來跟她的父母解釋，我看到她父母友善的點點頭後，她便把我拉到她的房間，害我連招呼也沒時間打。





「喂，做咩呀妳？妳唔怕妳阿爸阿媽鬧呀？」

「得啦，我同佢地講咗成件事喇，總之你聽我講就得啦。」

潘靜雅跟我說完，自己便走到一旁打電話。我粗略的掃視過她的房間…嗯，果然是亂到一個點。

「喂，如素姨姨呀，我係靜雅呀。係呀我返到屋企，妳可以叫人送杰寧過嚟呀…係呀係呀，我爸爸媽咪都喺屋企，唔怕唔怕…杰寧留到幾點都冇問題，好…唔該如素姨姨。」

潘靜雅掛線後，側臉看著我：





「一陣你匿入床下底，我叫你出嚟先好出。」

「點解呀？妳個房咁亂，床下底都唔會乾淨得去邊啦。」雖然我從她跟如素姨的對話中知道，她應該是瞞著如素姨把杰寧騙到她家中跟我見面，但總不需要跑到床下吧。

「入唔入，自己揀。」潘靜雅鐵著臉說。

「得喇得喇，我入去…但妳都話俾我知杰寧點先得喎，我呢兩日都收唔到佢訊息喇。」

潘靜雅聽到我的問題，面上露出不屑的表情：「你啲咁嘅麻煩友，幫你又唔信我…呢兩三日如素姨搵人二十四小時睇住杰寧，電話電腦都唔俾佢用。如果唔係尋日杰寧叫我去佢屋企陪佢，佢都唔會叫我搵呢個方法嚟見你。

如素姨真係請咗保鑣去監視住杰寧，你當我冇嘢叫你上我屋企有得分呀？我今朝同我爸爸媽咪講到口水都乾，佢地先明我想做咩咋。好在佢地夠開明，如果唔係你呢世都見唔到杰寧呀。」

「呢世…有冇咁嚴重呀？返學離遠都見到啦。」我賭氣說，我總不信如素姨的霸道可以阻礙我和杰寧。

「佢話唔俾杰寧再返學校，已經搵人去咗英國幫杰寧搵學校喇。」





潘靜雅的這個消息，的確是震懾了我的心靈，有錢人的確不同，原來彈指之間已經可以把一個人的學業搬到一個那麼遠的地方。

還有點不著痕跡的感覺…

「唔好發呆喇，見得就見啦，你快啲落床下底等，得我就會叫你。」潘靜雅拍拍我，把我從那個還未開始的惡夢中拉回來。

「哦…」我爬到潘靜雅的床下，這地方果然很恐怖，我利用外面那微微的燈光看到，這個地方有穿過的衣服、書本、唱片、用過的紙巾，還有吃完的薯片包裝、半個麵包…………

我把頭擰到另一邊，不看就是喇。

我納悶的伏在那個地方過了一段時間，當中聽到潘靜雅在跑來跑去。我沒心情管她，自己一個人想著想著，快要睡著了……

叮噹！





聽到這如雷的訊息，我立馬打開眼晴，作出了一百巴仙的準備…

杰寧來到了。