[FF] [甜故] AINYs──再說n次我愛你: Chapter 8 Part 8C - 誰願意去證實
我拿起這杯紅酒，根本想不到居然會發生這樣的事。
「其實呢……我都同你講過，」我望著面前的男人說「我唔鐘意飲紅酒架！我淨係鐘意飲啤酒渣！」
「但係咁難得約你出嚟……」在這一刻，我只怠到他的眼中只有我「賞下面啦！」
「但係你咁樣約我出嚟，你老婆知唔知架？」
「知，佢實知架。咁多線眼，我唔講，佢第時自己刮出嚟，咪仲大鍋。」
「咁你點講呀？話同我出嚟食飯呀？」
「唔係點呀？話晒你以前都係佢學生嚟呀！都唔會信你唔過啩？」
「呢樣好難講，我咁多年都摸唔清佢份人……你應該仲熟過我。」
「唔使驚。我同你只係同事關係姐。」
我喝了一口紅酒，實在是不習慣。面對在我面前的Ryan，我真的不覺得他單純當我只是同事般簡單。
「呢一班同學真係幾難搞。」
「我唔知呀，我好手鬆渣……佢哋唔搞啲大撚鍋嘅嘢我就當冇事發生過啦！」
「阿邊個呀……總之好煩啦！」
「佢哋呢一班化骨龍……我硬係覺得有仔女嘅老師做班主任會勝任好多囉！」其實Ryan和太太正育有一個1歲大的兒子，但他們仍然在這兒教書，大部份時間只靠菲傭照顧。
「Chelsea……」他的狀態……很不正常「說話呢，就唔係咁講嘅……」
「都叫你唔好咁叫我啦！我一聽到呀，就好似阿邊個邊個喺廁所講完粗口之後全身打冷震咁呀！」
「咁我要點叫你姐，叫你Miss Cheung又太見外，Chelsea你又話打冷震。我都唔知你想點！」
「見外咪見外囉！你估我同你好熟咩！你又未教過我，我最多都係同你老婆熟少少加埋阿死鬼Alex俾你教過渣嘛！」我真的不知道，你在想甚麼。
「唔好發埋咁嘅後生女脾氣啦！你廿幾歲啦！」
「我邊度有廿幾歲呀？我22渣！無三不成幾呀！阿哥！」
「都唔知而家啲人咩構造……咁容易就咁大火……」
「阿叔，我M come呀今日，忍耐下啦！」
*
Ryan這一個人，我其實一直以來都沒有對你有太大的感覺。我根本和你沒有太大的交雜，我只是當畤從其他的同學口中聽問他是一個有老婆，上了年紀的毒撚。只是會毒在家中而少上街，我不知他們兩個是如何相識，誰追誰，根本沒有意義，我只是想Get my job done。
算了吧。不要再說Ryan了，他只是一個工作上的伙伴，也不是要和他共度餘生－－我有我的Glen（不然幹麼要和他買樓呀？），而Ryan也有他的女蛋人。根本沒有所謂的競爭……他畢竟我男未婚女未嫁，情理上都可以……而Ryan也可以有課外活動……為他製造一些感情缺失－－喂！不要出軌呀！
說回我教的書或許會比較好－－畢竟我對那些Zinc oxide沒有甚麼的興趣。
在之前second in的時候，李sir問我的教學方式是不走抄他，我說是。而且，我現在更是抄得十足十。
我們當年，ICT的elective是Multimedia，因此就參加了不少的短片創作比賽，而我就當然蕭規曹隨，使李sir坐時光機抄考我的絕世好橋，再使他去花時間複印。
今次都是一樣，他們又組隊參賽－－配合學校的專業攝影器材，加上他們的創意，使學校在我還在唸書的時候，已經在學界打出了名堂。
而這一次，一組的同學預約了我外出都其中一位同學的家中拍外景。
那一位同學的住處其實都不太方便。他住在屏山－－是否原居民，有沒有丁權我就不得而知－－有否僭建……假如我問他，他或許會答我在他的印象中，從來沒有說過他沒有僭建－－但是打丁……總都是有的（不知道對象是不是我）。
雖然輕鐵有屏山站，但是屏山的範圍都其實很大，再加上要拿著一件又一件的器材－－看來又是我烈火戰車出動的時間了。
我打開車尾箱，放了腳架、大燈等等的東西進車尾箱。
「Miss Cheung，你架車好型呀！」其中一位同學說，他就是放我上網的始作俑者－－James「大包圍、尾翼、呔鈴……乜你都會飛車架咩？」
「你上車咪知囉！」
「會唔會太勁！」上了車之後，他的反應卻更大「你連軚盤都換埋呀？」
「Can't you see, rubbish?」吵吵鬧鬧，一定要好好調教……呀！不是！是教訓你們。
「胡……胡……」
「Engine聲好勁……到底你dum咗幾多錢落架車度架？」
我懶得答你……一嘢踩落去……
「嘩！唔好加速咁快啦好嗎？」
「鬼叫你咁多嘢講啦！」一個飄移轉彎「再吵啦！」再來一個……好。
「好。唔講。收聲。」
拍完之後，我逐一送他們回家。這樣好的老師，夫復何求呀？
但之後尚有其他組別，想起都……呀！
「啲架餐點呀？」這個James問我。
「得啦，你唔使理。放喺車尾箱得啦，我聽日車番返去得啦。」
「真係無問題？你一個人拎唔拎到呀？」
「你唔好睇小我呀！」我舉出手臂，展出我強健的臂彎（好似係）「我其實體能好犀利架！」
「吹水。」他正想轉身離去。
「你跑過馬拉松未？」
「吓？」
「42.195公里。」
「你跑晒？」
「好出奇呀？」
「有眼不識泰山，失敬失敬。」
「遲啲……運動會我會join 3000米囉。」
真的別小覷我，我跑起上來，真的不是每個人都可以追到我的。（難道人們說靚女特別難追）
*
我站在起跑線上，身邊的人都對我虎視眈眈。
無論我跑多快，也是注定是一個獎都得不到。因為我並不是這一場比賽的參賽者。
我身邊的都是參加這一場男甲3000米的參賽者，無論怎樣，我都只是陪跑。
我只是玩票性質地參與這一場比賽。正如我Form 3的時候，校長也玩票地跑過一次。
「On your mark...」
「Ready...」我把身子往前傾，隨時預備起步。
「啪！」
一起步呀！前面的53號同學一馬當先……而我都不弱呀！在他後面排第二。
別小看我……長跑並不是要鬥前留後，而是要留前鬥後。
比賽已進行了3個多圈，前面的53號同學開始後勁不繼，落在我的後面。我能夠短暫地感受一下跑第一的滋味。
沒錯，是短暫。我很快就被其他同學從後追上來了。先是64號同學，在暫時位列第一，而我就是第二。呀！又有一個……89號同學……看他能否平反……行了。現在的排位是：89、64、我……
跑馬拉松是要耐力，我不是沒有，每一個星期都最少有兩三次，每次都最少有一個小時或以上。
運動量方面──根本就是兩回事，怎能夠比較呀？
3000米，馬拉松的十分之一也沒有，當然是easy job，我最後以第三名衝線。而在我的後面，還有十多名的學生跟住……又真的是一蟹不如一蟹。男生居然比女生跑得更慢──抑或是我的體能太好呢？
就在衝線的瞬間，到處都是學校的御用龍友。一場賽跑的重點，一般都是冠軍。但今次他們都違反了這一個定律──他們全部的焦點都落在我的身上。我又有一個強烈的預感……這一輯的相片，定必會成為他們的素材。但這也別沒他法，又要威，又要戴頭盔。我今次的跑步服，的確是會有很大機會被他們用作累積飛行里數──一件誘人的紫色背心，再加一條跑步短褲……你認為呢？
用我來打丁不是一個問題，但……別那樣明顯示，好嗎？
呀。除了跑步，我又有甚麼可以做呢？
以往作為一個學生，運動會都是一個災難以及是耐力的考驗。站在哪裡食花生，都會被Prefect驅趕，坐在座位上又會悶到不得開交，真的是左右做人難。
但我總是一個老師，怎樣象徵式做一點事。
我對甚麼紀律的事沒有甚麼興趣，甚至可能會被高層說我這一個人根本就是一個沒有紀律的反面教材。
做一點較為Engineering的事，可能會更加適合我。
我就走了去做計分這一個席位，一眼盡是學生各項比賽的成績：15.96、23.84、1:55:03……
看見同學的手不停在keyboard上飛馳，把上面的數字不停打進電腦，再用Query、database等等的東西來計算各社的得分──不好意思，我的職業病又發作了。
「計成咁……等我嚟啦……」我按捺不住了。
「唔使喎，我哋得啦……」但在這一刻，我已經坐到了他們的旁邊，開始看起他們的計分紙起來。
「你哋做咗咁耐……休息下啦，我而家技癢呀……」
「咁都有得技癢？」
「你哋又有冇聽書呀？我以前做開咗就自然有條癮架啦……」
「啪啪啪啪啪……」他們都只有一句。
「你唔好打得再快啲？」
而運動會的第二日，我這一個新老師，自然會被邀請去跑那個甚麼教職員接力跑……一棒只有100米……What the fuck！
我跑得快，是一回事，但同組的其他人卻跑得慢，甚樣都是於事無補。算了，這個比賽都只是Just for fun而已。勝敗根本都不是甚麼的一回事。
第二日，就是最後一日。開學距今都只是過了兩個多月的時間，想不到班中的同學這樣快就混熟了，嚷著要和我以及Ryan在放學之後去吃下午茶──食Tea……我沒有問題呀！
「Ryan，你跟唔跟啲同學去呀？」
「吓？未必……」
「係唔係又係你老婆呀？」
「呀……」
「你叫埋佢嚟啦……反正我哋班嘅人又唔係唔識你老婆。」
「咁……好啦。」Ryan，在我面前就是一個狗公，在他老婆面前就只是狗縮。
*
在一路上，我班的同學不停地圍著我團團轉。而Ryan就在我的後面和他的老婆咬耳朵。更甚的是，他們身後又有一批學生在竊竊私語。相信是為他們兩個在配音……以下為設計對白：
「做乜同佢出嚟食嘢姐……你明知我唔係太鐘意佢……」
「你妒忌佢姐……」
「係呀，我係妒忌佢呀！點解身材咁好咁撚靚女呀？」
「你估人哋有得揀咩？生成咁靚女都唔係佢有得揀咩？」
「總之你同佢唔可以行得咁埋啦！你得我一個渣！」
「幾廿歲啦！老婆！唔好講埋啲咁嘅啦……」
「今晚……咩呀……」
「咩呀？」
「咩囉……」
「你班衰嘢呀！」我已經飄到了後面，而他們，一直都沒有察覺。
「嘩！Di……你行路冇聲架！」
「好心你哋十幾歲人就唔好咁多幻想啦！」
「我哋點會幻想佢呀？咁重口味！」
「唔。好彩你哋唔係變態姐！」
「嘻嘻……」鄭子誠式的奸笑，更令我深信，我昨天衝刺一刻的飛bra走奶已在昨晚被他們肆意糟蹋。
「食乜呀！又叫我出嚟又唔講食乜！懶神秘！」我同前方的同學大叫，但這一種無拘無束的生活態度，又何嘗不是當年的自己？
「喂喂喂！Miss！」又有同學在前方大叫。
「乜事呀？」我也慢慢跑到前方，查過究竟。
「你睇下！」前方的一男一女……喂！是我們班的「佢哋兩個……」
「哦！Wow咗。」
「乜你知架？」
「你班嘢……我有乜係唔知。你估我唔知佢哋拍拖呀？你估我唔知你同阿邊個邊個……」
「唔好講啦！」他的反應，和阿源實在有90%相似。
我搖搖頭，心諗＿＿＿。自己當年和Alex一起不知道是多麼的光明正大呀！為何他們還要閃閃縮縮？不想給我知道？應該不是。可能只是怕我在家長日的時候向他們的老豆老母爆大鑊吧！放心吧！我是會保守秘密的。
「喂！你哋到底係去邊度食架？你哋com好未呀？」
「Com？乜唔係你哋諗咩？」
「我諗？乜唔係你哋諗好咗架咩？」
「吓？吓？吓？」他們的表情都是一樣，相當之驚愕。
「唉……算啦算啦……我諗啦……就B仔啦，好冇？」
「呀……是但啦……」講就兇狠，做就＿＿，這似乎都是大家的通病。
其實，馳名港九新界的B仔涼粉，店子面積不大，面對著我們這一批突如其來的客人，也有一點不知所措。
大家都唯有……痴痴呆呆，坐堆一台──同桌的是班會的中堅分子，而Ryan和他老婆就在另一張桌，和其他同學吹水（好似係）。
「嗱食乜嘢食乜嘢……」餐牌都要我遞出來，到底他們懂得甚麼？我之前改的測驗卷……I have no eyes to see!
「香蕉船！喳喳！我要……」在這一班的化骨龍面前，我的錢包註定是死路一條。
結果，在沒有節制的情況之下，每一張的桌子上都放滿了極多的糖水甜品，而當中肯定會產生大量廚餘。
「你哋班友仔……嗌咁多……食唔食得晒架？」
「唔知呢？」一名同學回答。但我肯定的是，他們醉翁之意不在食，大多都拿起相機，在互相拍照。而當然又有不少的同學又找我拍照了，屈指一算，在這兩天中，我已經拍了超過200張了──而Ryan兩夫妻就完全被冷落，坐在餐廳的一角，即使他們就地敦倫，我相信也不會有人理會他們。
「嗱，你哋就同我影完啦。咁拎我部同我去影得唔得先！」我拿出我的巨型相機，身邊的學生再一次O了。
「嘩！頂你居然係呢部！」
「唔得呀！妒忌呀！我個袋仲有幾支鏡呀！」
「我幫你揸機啦！」班中的一位龍友同學主動過來「Canon同Nikon果然係死對頭！扭個方向都唔同嘅？」
「Wow！」誰是N，誰是C，自己想一下吧！我只記得我這兩天已經拍爆了一張8GB卡，以及我今晚定必再一次體無完膚。
但是，這一些的gathering，每一次都是以同一種的方式作結──頂你！又係大合照？
沒錯，又是，而且陸續有來。
*
「嗱，話說我細個嗰陣呢上網就盼過一個post，就話佢自己就收到通知有間大學叫佢in BBA」我握著手中叉著雞翼的燒烤叉，談起這一件曾經令我捧腹大笑的事「咁佢就上網問下應唔應該著suit。」
「喂BBA喎，點都要著架啦！其實仲唔止BBA，應該去親interview都著啦！」另一個坐在燒烤爐的老師說──姑且別問我們會有這樣的閒情逸緻在BBQ，待一會兒我才答你，即使答你，我也不會直接答你。
「著唔著suit唔係重點，至弊佢將『BBA』打咗做『BBQ』呢。」
「咁又點呢？打錯字……好奇咩？」Ryan……你不要這樣的沒趣，好嗎？
「問題就係出喺呢度啦！就因為打咗做『BBQ』所以啲人就答啲九唔搭八嘅嘢出嚟啦。又話要乜帶雞翼呀……買炭呀……之之之後……」我已經按捺不住了，已經……不停在狂笑……
「哈哈哈……」笑到我肚痛「RRR……Ryan幫我揸住先……」我控制不到了，簡直是完全失控了，而其他的都只是會心微笑，反應並不大。
我本人已經完全反控了，並開始引來其他同學的圍觀。
「Miss Cheung，你笑乜……我乜嘢咁好笑……」
「唔得呀……笑死我啦！Hi！」我再也坐不住了，滾到草地上，望著藍天白雲，放聲大笑。
我所看見的天空逐漸收細，吸引了愈來愈多的同學來圍觀我這一個瘋子。
開始有人舉機拍攝，但我再沒勇氣向你講舊時，沒有勇氣阻止另一次……他們就不斷地拍著我在地上翻滾的姿態。
其他的老師在幹嘛？他們也沒有法子，只能和其他的同學一樣在吃花生，待我自然地完結。
「哈哈哈……咳咳！」我……一直笑了5分鐘「笑死我……」不停在喘氣，我注定會成為今日的焦點。
「扶番起你啦……」他伸出手來。
「唔該晒你……Ry……梁sir。」
我拍一拍身上的草。
「件衫冇污糟嗎？」他問我。
「唔緊要，呢件擺明係波衫嚟嘅。啲人入咗波之後嗌「Goal──」之後就會碌落地啦。」身邊的花生友陸續散去，逐漸回復正常。而在這兒，Ryan也不用對我再有任何的顧忌──因為梁太並不在這兒……難道他不擔心會像婚宴一樣有二五仔嗎？
「你……你……你……居然笑到咁都得嘅？」
「你難道唔知我係啲會無啦啦high大咗嘅人嚟咩？」我慢慢坐回到櫈上，今大的學校旅行一切都回復正常──除了我的車路士球衣髒了一點之外。
而我繼續成為諸位同學的拍攝對象，除了剛才的翻滾之外（我相信會有人將之製成gif了），不少的毒拎即使結結巴巴，也要我和他們合照一張（這樣的毒拎還可以叫做毒拎嗎？），同班同學固然不少得，而一些而我不知道的同學也魚貫而至。看來，我的名氣依乎仍然不一定的潛力，單從facebook fans page的人數仍然穩步上揚這一點就能看出。
我們今次的目的地是清水灣，相信拍照的人龍會由清水灣排至將軍澳，然後再經東隧過海。我又沒有時間去拍自己的第一張，只能在回程的時候對向旅遊巴玻璃拍下這一張。
回到學校，之前的亂象，繼續。
其實這些的情況，我之前都已經遇到了不少。但往往都有Tanya去拆解，但現在我自己就我自己的經理人。一切都要親力親為，備課就要自己來做，不能找人代勞（雖然有不少的是抄李sir的……）。
呀，有空真是要約他們出來吃一頓飯，不然太久，真的是會忘記。
電話中的號碼，假若超過4個月沒有打過的話，一般都會逐漸疏遠，然後……4個月都差不多夠了。
*
「Cheers！」大家一起叫道。
「其實我就真係唔明，」Tanya的臉面似乎憔悴多了「點解你會無啦啦走咗去教書嘅？我真係諗極都唔撚明……你明明仲有大把前途，仲可以大紅大紫……cheap啲講句，你係唔係痴撚咗線呀？」
「其實呢，」我拿起這一杯啤酒「我都唔知點解，你又唔係我。正如，我嗰陣時都唔知點解會入咗行啦！不如你望下Stella好過，殘撚晒啦而家！搞乜嘢呀，呢排！」
「我呢輪咪又係拍戲囉！」
「終於輪到你呀！恭喜晒！」
「恭喜你老母！我終於明你點解會拍戲拍到差啲死呀！我真係拍到想死呀而家！」
「我咪仲戇鳩！」Tanya……其實大家不在公開的場合，都是如此的粗口橫飛「日日戇撚鳩鳩咁樣去望住呀Stella拍戲，佢拍緊嗰陣就全程陪住佢，瞓又唔係，唔瞓又唔係，都唔知做乜鳩！」
「屌！唔好講咁多辛苦嘢啦！開心啲啦！」
「夠你開心，而家日日準時收工，而家就坐埋喺度食花生。」中文系的人該不是能夠不用一句粗口來把人罵個體無完膚？
「嗱，我而家真係……屌，唔撚想講呀！Glen，你幫幫口！」
「Honey佢呢……真係唔好諗住佢日日準時收工，早排又要同啲學生去拍嘢，成10點鐘先返到嚟。有時呀，見佢改功課改到兩三點，都仲未改完。」
「屌你老母，講起啲功課我就扯火啦！問你一條好撚簡單嘅問題！」
「我識唔識答架？話時話，你教邊科先，斷估都唔會係中文呀？」
「點會係中文呀？我讀CS點教到中文姐？電腦呀！呢題真係完全common sense，唔使上堂都會識。」
「好！挑戰一下。」
「就係咁，有一個學會，個會員編號就係6位數，頭嗰兩位數字就係年份。之後嗰4個先至係個number。咁就問喺2016年，最多可以出到幾多個會員number呢？」
「10000。」Tanya答。
「快而準。我嗰班學生居然夠膽死答9999囉！痴撚線！根本就係智障！你話咁到唔識答低唔低能先？」
「好撚低能囉！」Stella都如斯認為，那他們都應該是特殊學校中的學生了。
這明明是一間高級的餐廳，但卻給我們的粗口穢語所大肆污染。說一點開心的事！
「喂！又出咗生蠔喎！」我剛坐下來，提醒一下他們，這一個自助餐不用800，也不是中式，不會所謂的飽肚點心，大多都是貴夾唔飽的東西，目標絕對是能夠達到。
「屌！你頭先講起BBQ……」Stella剛才說到一個公司BBQ活動「早幾日學校旅行，講BBQ interview，笑到我……碌地……」
「乜BBQ interview呀？」他們似乎一頭霧水。
「Glen……幫我講！我又忍唔到……」
他就把那天的事冷靜地覆述一次。
「哈哈哈……唔撚係啩？居係喺啲同學面前笑到……」
「我而家仲俾人笑緊……實變硬年經啦！年年都會俾佢哋拎出嚟講……」
「不過你又係，居然笑到成個人瞓落地下……仲要影埋相……」
「咪當係聖誕禮物囉，我冇乜所謂嘅！」
又吃了一會兒，今天這一個平安夜，看來都相當之安詳。
而我們吃完這一頓之後，找一點事來做好嗎？
「我好耐冇去過蒲啦！」
「喜愛夜蒲？乜Chelsea你係咁嘅人嚟咩？」
「我就唔係成日去。同埋平時都係趁呀Honey唔喺屋企OT就走落去囉！」
「乜你背住我做埋啲咁嘅嘢架？」
「又唔係出軌……有乜所謂姐？」
我們來到了一間的酒吧門外，希望不要遇見熟人……，不過就算遇見了，又有甚麼所謂呢？老師又不是人一個？
夜場的節拍音樂，令我也開始進入了冗奮狀態。心跳率隨著音樂的節拍不停地上升。就像這一個一樣：
「啪……啪……啪……啪……啪……」
大家在這一個場合，都暫時放下自己的其他一切身份，盡情去認識其他人。
而Glen也暫時放下作為我男朋友的身份，我也暫時不是他的女朋友，在這臨近聖誕節的幾個小時中，就讓我們去盡情地放肆吧！
我們一行4個人就在場中分散，各有各的去路。
自從那一次和Phoebe在倫敦敦倫之後，我發現自己的確是變了。
雖然我仍然是喜歡男人，但是……始終……我也開始對女人有一些感覺。
THIS
且慢！我還沒有說完。我對著A&F那些muscular的男人，俗一點來說，都是會西水流個滿地。而女人……像我差不多身材的，以往都會有一種羡慕之心油然而生……這一種感覺仍在，但卻多了一種幻想和她們……啪啪啪的情況，這個時候，我開始……濕了。
幸好有Pad，自那一次一路向西的經驗之後，我學精了。
這一個場內，男女都有很多，我放下以往的自己──一直以來，我都只試過溝仔，從來都沒有試過溝女。
這個個時候，我卻慶幸自己是教理科班，雌性的學生相對少，即使有，樣貌最多也能只算是OK，沒有太多驚為天人的女孩子。
但是面對著低Form的MK女同學，我卻要忍住自己。
我正和一個年紀和自己相若的女孩子子其舞，在這兒，沒有人問我是誰，即使我是Chelsea，也不會理我。大家其實都是人，都有尋開心的需要。
玩著玩著，我已經不管在我面前的是他還是她，開始擁抱，以至──
Kiss。
女人的舌頭……咦？喂？做乜鳩呀？
又I kissed a girl？我其實已經不再介意，自從和Phoebe一役之後。
我這一種男女都有興趣，到底是甚麼心態？
難道我是那些甚麼「雙性戀」？但是我對男人的心態仍然＞女人。我猜我應該是：
「有異性戀傾向的雙性戀者」
甚麼？我也覺得1999？幹甚麼？
算，我坐都一旁，叫了一杯不明液體。
我竟然看見了一個我從來都沒有想過會在這兒出現的人。
「Chelsea，乜你會喺度嘅？」
「Ryan？」
*
「呢個問題應該係我問你喎……阿梁太會俾你嚟呢啲地方咩？」
「佢就係唔俾。今日佢唔知發乜脾氣，帶埋個仔返咗外家。
「乜事呀？你老婆。」
「我估應該係唔知乜產後抑鬱，佢自從生咗之後好似成個人都變晒咁樣。」
「會唔會係咁呀？」
「我都開始頂佢唔順……」
「唔好咁啦，」我搭著他的肩膀，我不是示好，只是在夜場之中，大家都是一樣「佢始終都係你老婆嚟架嘛！」
他的眼神似乎凝住，我的動作……難道有一些歧義？
沒錯，他好像領會錯了，他也開始擁著我。其實大家都心照不宣，互相都知道對方在想甚麼。
Ryan其實……他開始把頭移近，我知道了如何去應對。
剛才，我才看見Glen在一個角落和某名中等身材的中國女子纏綿──而Stella和Tanya……喂！居然在互嘴？不過我都是這樣。
Ryan吻了我，我吻了Ryan。
希望梁太不會介意。我是不會報串的，我和他在這兒都只是偶遇，大家都是陌生人。
他的舌頭很糙，的確是有了人生歷練。年近50的他，竟然會看得上我這個乳臭未乾，芳齡22的後輩？
這一吻，不代表任何的東西。正如在Glen的眼中，Ryan都只是一個陌生人。
［Chelsea角度完結］
*
［Jason角度］
「咦！Tiffany你受傷呀？估乜你又坐輪椅嘅？」
「我冇事……張輪椅問人借渣！」
「無啦啦咁又做乜？」
「成日推住咁……真係唔多見到你個面口，咁樣，咪大家都試下！」
「識唔識推呀你！小心啲喎！」
「得啦！你唔好當我係啲唔知乜嘢人得唔得！」
可能我不明白她的心態。但是，又何況用這一個新的角度來看這一個世界。
現在這個角度，我也不用再背著她，終於可以和她平排，更能夠……
「我哋終於可以……」Tiffany開口「可以喺輪椅上面拖到手。」她握著我，但是……
「停喺到就得嘅……不過行緊嗰陣呢……Power會唔會減半架？」
「好似會……」我們的手再一次分開了，以加大動力，不然就會推不到。
「其實呢……點解啲輪椅唔可以好似BB車咁樣？」
「Jason……乜你想做番BB咩？」
「我本身都係啦！你個BB呀嘛！」
「妖！好衰架你！」
「講番架BB車先，即係你推嗰陣……你可以望住我，我可以望住你……」
「我得閒同你睇下有冇呢隻車呀！」
「我咁多年就唔見有啦！」
推著推著，我們的車都要入一入油。
「前面有妖孽！」
「咩話？」
「我要去孽妖！」
「做咩呀？有鬼呀？」Tiffany似乎顯得驚慌「邊度呀？」她抓著我……她的膽子，似乎不是太大。
「我係話『前面有油入』。」
「入油？WD40？」
「食咗嘢未呀你？」
「未呀……咁關入油……妖！唔好成日講埋啲我唔明嘅嘢啦！你呢個Gag好爛呀！」
「唔好咁啦！去邊度食姐？」
「我要去……」
Tiffany帶著我，來到了這一間她常來的餐廳。
「哎呀！」她在餐廳門前突然大叫。
「咩事呀？」
「我唔記得呢間要上樓梯呀！」
「呀？咁點算呀？」
「你有冇其他呢頭好介紹？」
「唔，近呢度，都有嘅。」
「咁輪到你帶我啦！」
「前面轉彎……鬥快……！小心呀！」
「我手車分分鐘好過你！」
「我唔信！」
其實這一個情況也都是經常出現，朋友約我，總是會遇上梯級，久而久之，我就成了一個坐輪椅的毒男，平日放學之後都而是在家中車出車入，最多都只是原地轉三個圈。
雖然我走不了路，但由於我是獨子，父母對我的期望甚高，而我經過了這麼多的訓練，在家中的一切一切都能夠揮灑自如，然後說一句「其實唔難」。
「出現了！」
「Tiffany，乜嘢出現呀？」
「你睇下！我真係搵到你講嗰隻輪椅呀！」
「咦？真係喎！我隨口噏都居然真係有……」我望住她……好像有一點搖晃。
「你唔記得拉手掣呀？」
「手掣……係喎？乜要拉架咩？」
「如果有人撞你咪會周圍郁囉！聰明！」
「唔好咁話我啦！好hurt呀！」
「入油啦你！」
「哈！」
我手中一直拿著相機，想把沿途的燈飾通通拍下。當年，又是拍照。
我站在馬路中心，年紀只得8歲的我，已經對巴士有很大的興趣，經常擺脫家人跑出馬路拍巴士。
就是那次，我拍照的時候，一輛車突然失控從後撞來……自此之後……
但我仍舊愛拍攝，而近來，我更愛拍人。
「做乜你咁鐘意影人嘅？仲要係咁多女仔添！你係唔係咩蘋果嗰啲咩《中環我至靚》攝影師呀？」
「我有時間去影？我窮拎一個渣！如果係都仲點會係？」
「算你啦！不過你已後呀！要影我多啲呀！」
「睇嚟我個Photoshop要upgrade下……」
「咩Photoshop呀？你咩意思呀？」
「冇冇冇……我哋今日好似未影相喎！」自從我們一起之後，我們每一天都會拍一張相，一日，又一日地記下。
「攰唔攰呀你？今日推咗咁耐……」
「對手囉……」
「呢啲玩一次半次好啦……」
在火車上，輪椅位一般只能拍一張，兩張拍在一起，其實……我不知，也不理會其他人的眼光，其他人看見我們的手拖在一起，相信都能夠明白。
誰說瘸子不能拍拖？
*