她是我的青梅竹馬…(已實體上市): 第二十九章半

我在酒吧碰見澄渢了。

應該說，是我讓自己碰見他。

犯賤嗎？

人天生本來就是犯賤。

對，我放不下他，又不想讓他知道我放不下他。





這是我作為女性的半點尊嚴。

也許你會感到奇怪，我和他只是在蘭桂坊偶遇然後一夜情再拍了不足一個月的拖而已。

為什麼我愛他會那麼深？

我也不知道。

每個人都有自己喜歡的事，像一些人喜歡唱歌、像一些人喜歡運動、像一些人喜歡看書、像澄渢喜歡創作，像我，也有喜歡的事。





而我喜歡的事就是去喜歡他這回事。

愛和恨一樣，都不需要理由。

有一天我問他：「你做咩咁鍾意創作嘅？你完全唔當畫畫係職業喎，我諗你就算一幅都賣唔出，都會畫好多好多。」

「好多理由架喎，你真係想聽？」

「想！快啲講晒我知！」





「我諗……係想喺生同死之間留低一啲自己存在過嘅證明。其實我好怕死，我一直都覺得人死如燈滅，死咗之後就咩都好。所以我想留低一啲嘢，咩都好，等我死咗之後有人可以用嗰啲嘢記返起，喺呢個時間，呢個空間，有一個叫黃澄渢嘅人存在過。」

「好似好深咁，哈哈！仲有無呀？講多啲我聽！」

「欸……如果真係要講，真係仲有好多原因架喎！你真係想聽？」

「關於你嘅我都想聽！」

「你無睇我平時好似懶懶閒咁，其實當初都胸懷壯志架！我曾經想過我嘅創作可以帶俾人一種救贖。」

「救贖？」

「好天方夜譚？」

「唔係呀，但我唔係好明具體係要點樣做……」





「我都唔係好明，只係記得我好細個好細個嘅時候接觸過一幅畫，有一種直擊靈魂深處嘅感覺。因為我嗰陣根本無遇到任何挫折同唔如意，所以應該稱唔上救贖。呀……仲有，大個咗之後接觸Magritte嘅【戀人】嗰陣都有咁上下嘅感覺。所以我覺得，畫係有佢嘅威力。」

「咁你細個接觸嗰幅係咩畫？」

「……係悟空，同月野兔。」他先是沉默一下，然後收起雙目在解說時的風采，努力裝作淡淡然地說出這個答案。


後來我才知道，悟空和月野兔，是他和她的羈絆。



「可惜吖，我嘅壯志已經俾班大陸佬踐踏到體無完膚。」

不會呀！你的存在對我來說已經是種救贖了！





「所以，到頭來，我鍾意以畫畫呢種方式為媒介嘅創作可以話係有好多理由，亦都可以話係毫無理由。我唔係因為某一樣固定原因先鍾意畫畫，亦都唔係因為咁多種原因加埋一齊而令我鍾意。即使無原因，我依然鍾意，依然會畫。我反而覺得，呢種有好多原因，同時又無原因嘅鍾意先係最鐘意。」

「有啲嘢，根本唔需要理由去支撐。」他補充一句。

我想，這就是我迷上他的原因吧。

因為他由始自終，目光都不曾停留在我身上。

他莫名奇妙地執迷另一個她，我卻執迷不悟地莫名奇妙喜歡他。

種種交錯，註定我們今生今世都沒辦法真正走在一起。

有時真的很妒忌，妒忌一個人能被一個人愛上這麼多年。





與其說是妒忌，不如說是憧憬……

我憧憬一生一世的愛情，憧憬一心一意愛著一個人的澄渢……

明知他不愛我，我卻「佔有」著他，感受著他如同施捨一樣的愛。

最後，我還是放開了手。

即使我不放手，他也會鬆開我的手。

假裝灑脫，把眼眶的淚水強忍然後頭也不回地離開，是我如同刺蝟般的堅強。

在被傷害之前先去傷害。

如果說，他能為我感到一點點愧疚的話，我也算是賺了。





賺了什麼？至少賺了他因為愧疚而想起我的時間。在那段時間當中，他只屬於我。

放開了手，卻放開不了心。

我記掛著他，卻又做不到泰然自若地找他。

結果，拉了我的好基友阿德來陪我去逛酒吧，逛到遇見他為止。

p.s. 他真的是個gay。

或許在內心深處，我盼望著看見我倆的澄渢會有些微的抗拒心理，所以故意坐在當眼位置，然後裝作看不見他。

可是，這只是我一箱情願的妄想。

澄渢在他的朋友醉到睡著後沒多久，同樣地睡著了。