米米蓮妖怪作品 -《旅行‧如此‧難以忘‧記 》(百集長篇): 第095集 ~ 輝︰得鬼咩你，「大咀」都領埋嘢添啊！
第095集 ~ 輝︰得鬼咩你，「大咀」都領埋嘢添啊！
俾個傻佬明早咗我一步出文添，今集補返先。
上次我咪講到我望落樓下嘅…
我見到下面望上嚟嘅D鬼怪個款…
咪又係咁，一堆奇奇怪怪嘅樣囉！
之後，一隻小妖入咗嚟帶我哋落球場…
「一陣，你哋唔輸得嫁，輸咗，鬼王就會食咗你哋，嘻嘻嘻。」
「咁贏咗呢？」
「一樣要死，你哋贏咗佢，佢發脾氣就會食咗你哋，嘻嘻嘻。」
呢樣嘢，暫時唔可以俾欣欣佢哋D女仔知，廢事佢哋太擔心啦。
………
落到球場，阿明就攞隻小妖嚟發洩…
王Sir就廢噏一輪，「光管陳」就想請纓幫手…
但係如果佢都出埋場，咁邊個理D女仔同小動物啊？
「陳Sir，唔使喇，你幫我哋保護D女仔丫！」
我之後轉個身就跑咗出場，準備開波，橫死掂死，踢返場好波先算啦！
對面隻…佢有髻嫁，應係係鵝，隻「傻鵝」一腳就踢咗個波上天…
我就襯有時間…
跑咗出場去個廁所先，原來自己忍咗好耐都唔記得咗添。
………
我行到去男廁，好快咁就去完噓噓，諗住經過更衣室就走啦，點知…
聽到有D聲，咪行去睇吓囉，我見到…
「黃仔」！？佢唔係「北轍」咩？做乜佢…
會俾綁住嘅？
「黃Sir，做乜嘢你喺度嫁？」
「一言難盡喇，你幫我鬆綁先啦！」
「鬆綁！？你自己綁住自己架？」
「唔係啊！」
「你玩緊SM？」
「唔係啊！」
「你唔講清楚，我唔敢幫你啊！」
「我頭先俾佢哋捉咗之後，我一直祈禱，點知佢哋就捉咗我嚟呢度喇！」
「咁你繼續祈禱啦！我信天主會打救你嫁！」
因為我認定咗佢係「北轍」，佢係壞人，點知佢會唔會陰我嫁？所以…
我冇理佢就走咗，好似有D衰呀可？不過，我都係走咗返入球場…
……
一返到場就見到個波喺阿明腳邊…
「傻佬明，波啊！」
佢總算醒返，即刻就大腳傳個波俾我，我望一望旁邊…
先發現原來所有人同鬼都呆住咁睇緊「鬼王」同個光頭球證理論…
真係死蠢！早知叫阿明直射入網啦，但係唔錯都錯咗囉，所以我唯有修正返啦…
「阿狗！接波！」
我即刻就傳個走位波俾阿狗…
好在，阿狗真係跑得超快，佢仲用埋「妖狐」嘅靈力去射呢腳波添…
「九尾狐凌空窩利抽射！」
個波好勁，仲「嚓」一聲入埋添，但係…
光頭球證話入球冇效喎，我咪上前理論囉…
「冇效！？點解啊？」
「越位。」
「越位？！你識唔識咩叫越位啊？」
佢竟然話我「越位」，我已經嬲嫁喇，點知…
「唔識，唔識，我唔識，我真係唔識嫁，你解我聽丫。」
欣欣唔知做乜鬼嘢，好似撞邪咁衝咗出嚟講，攪到我幾死尷尬啊。
「小姐，唔該你返出去，而家罰球。」呢句係光頭佬講嫁，唔關我事。
罰球由隻「豬精」開出…
「豬精」果然係豬D嘅，竟然開咗個波俾阿明…
阿明呢次醒喇！即刻就射門…
「翻雲覆雨飛天遁地爆烈射球！」
嘩，呢招？！唔通佢公公傳授咗D乜嘢俾佢？
佢個波好勁，成個火球咁飛埋去，但係…
「嘭」一聲，好陰濕啊！對面個「龍門」竟然係隻「石牆妖怪」…
「小你媽媽個些丫！牆嚟嘅？」
「咁我哋點入波啊？」我嗌。
「真係要諗諗計。」阿狗講。
「救返個波先啦！入我哋嗰邊喇！」「大袋」講。
個波直飛返去我哋嗰邊個龍門度…
好在，「嘭」一聲，又彈返出去…
因為有硬化咗嘅「大咀」個嘴頂咗咋，而家…
佢已經唔係「大咀」，而係「大爆咀」。
個波彈返出去之後，力量已經減弱咗好多，而家去咗…
喺個地度扭來扭去嘅「鬼王」度！？
(咇~~~~~！)「手球！黃牌！」
「哈哈哈哈~~~！」
全場喪笑，我哋D人邊敢笑佢傻仔丫，笑得最大聲係佢旁邊隻「半羊人」咋。
「好好笑呀可？」
「鬼王」起返身仲一啖就食埋隻「半羊人」…
而家，佢哋九打我哋十一，仲攞咗張黃牌，表面上我哋好有利…
但事實上係從來都冇利…
好在，我望一望個鐘，原來都差唔多過咗三十分鐘喇，一定要捱到啊！
咦，我發現咗樣嘢…
我哋唔贏又唔輸，和咪得囉，最起碼佢少個籍口殺我哋丫，頂得幾耐得幾耐啦！
「大袋」開出罰球…
我頂！佢條友係咪傻嫁，俾咗個波唔識郁嘅「阿華」…
對手一隻「紅髮青椒」行前去攞咗個波就傳俾「鬼王」…
「大王，請射球。」
「我踢波使你教？」
「係嘅，係嘅。」
個波一到「鬼王」腳，佢就…
「唔玩喇，我要入波啊！」
「鬼王硬射！」
「嘭」一聲，個波射出一條活性乳酸菌光線…
佢根本唔係「硬射」，係「顏射」至真…
佢射到…「大爆咀」佢…個頭爆血，仲重傷倒地…
(咇~~~！)「入球！」
入波咪入波囉，使唔使專登整傷人啊？佢擺明係要射傷「大爆咀」嫁！
我見到佢咁做，我真係無名火起…
「輝，唔好咁嬲住。」「大袋」講。
「而家雖然輸緊一比零，但係我哋先去睇吓「大爆咀」先丫。」阿明講。
「睇嚟我哋要入波喇，我哋就射穿佢道牆啦！」阿狗講。
「射穿牆！？」
呢個時候，場外傳嚟…
「香港代表隊門將受咗傷啊，睇嚟會換出另一個門將代替喇！」
呢個人一講完，「鬼王」唔順氣就即刻衝咗出去理論。
「我頭先冇得換人，佢哋都唔可以換人！」
「車，換唔換人又唔係我決定嘅，我講波嫁喳嘛，你夠膽咪去問哥連拿囉，我食支煙唔好！」
「你明知我淆佢底，你叫我問佢，你貴寶號啊？」
淆底淆到出晒面都唔止，仲要出埋口…
你都算天下第一人喇，學乜人做「鬼王」啊？
(人不要面，天下無敵啊啊啊！)
「後生D人就叫我倉魚或者重炮，你俾面嘅可以叫我阿叔，我叫…」
「林，尚，義！」
(待續)
下集預告︰
一個熟悉嘅身影喺我後面行出嚟…
「請換入我！」
註腳︰
林尚義 — 唔多解釋，睇開波嘅人一定識佢，如佢所講，大家都叫佢阿叔嘅，以前踢香港甲組，花名重炮，佢可以話係香港最出名嘅講波佬。