落街打羽毛球慘被活力阿婆扣殺，心情好低落: 33

我助跑兩步，全力飛身救波


「......」




小腿已經暈左






「呀..」
我一野仆左落地，眼白白睇住粒波同時落地..
場波，已經輸左..

我望，我望..

大鐘仲有十秒就七點，隔離場無四眼妹...






仲有八秒就打鐘，板凳無四眼妹..
七秒後完場，飲水機無四眼妹..
仲有六秒，廁所門外無四眼妹..


仲有三秒，觀眾席無四眼妹...

兩秒，係咪以後唔洗送佢返學?

一秒...應該係...






「叮噹叮噹」
打鐘，全場都無四眼妹...


此時，黑人上前扶起我
阿婆緊張問 :「有無事呀?郁唔郁到呀?」

我擰擰頭 :「無事......對唔住...」

阿婆微笑

「拍」「拍」「拍」「拍」
阿sir係場邊大力拍幾下手以示鼓勵






一起返身，黑人向我舉起手指公


阿sir都上前拍左我膊頭一下，之後話多簿改要走先..
原來，佢工事繁忙都肯黎睇波..



沖涼後，我帶左黑人去飲品機前
「嘟」左支運動飲品比佢

遞左支野飲比佢之後，我打開銀包數錢....






「頭先支水幾錢呀?我仲有大餅，比返你..」我將銀仔遞比阿婆


阿婆笑住推開我隻手 :「袋返埋啦」
然後，佢見天開始黑 :「 我要返屋企打個電話，你都唔好咁夜呀」