落街打羽毛球慘被活力阿婆扣殺，心情好低落: 32

得返三十秒，都要盡力打埋..

「挑」黑人救波時再次將個波打高左少少

機會當前
我問抽緊筋既小腿 :「呢球有無問題?」



抽筋小腿指一指另一隻小腿 :「你用佢起跳啦!」







於是，我用左另一隻小腿跳起，一野殺落去
「輕型扣殺!」

呢球球速唔快，同佢玩角度


可惜比阿婆捉到我路，佢用手一擋既同時將扣殺既力量卸去




竟然招架得住，有返兩度散手喎阿婆


可惜你仲係打高左

我唔理咁多，一個快步跑上前



一剎那間，小腿標晒眼淚哭叫 :「夠喇!好撚痛呀!」






我對住小腿講 :「男人老狗唔好喊!抽筋算什麼!!!!」

點解你仲未黎呀四眼妹!!!!


「呀!!!!!!!」
呢刻，我痛到完全諗唔到招式名...只係跳起盡量打返比佢

或者，我心更痛...


只見黑人敏捷咁走位，然後阿婆一個跳起，殺返粒波比我





我係咪未夠盡力呀!!!點解你唔黎..

我一擋擋到呢球，但擋高左..落點會益晒對手


此時，黑人位都唔洗走，就咁一個跳起 :「玩完啦今鋪」

接住落黎，阿婆洗出一記一梅式扣殺，眼神 :「完」
佢殺左落一個極刁轉既方向..目測就算我飛到埋去都好難打返粒波過網


四眼妹，呢鋪我係咪已經救唔到..