落街打羽毛球慘被活力阿婆扣殺，心情好低落: 20

好肚餓，尋晚食得一個豬柳蛋
算，好快會慣

我肚空空咁走到去小食部，準備表演空肚食早餐
阿姐如常問我 :「早晨，要咩呀?」
我 :「照舊」

佢即刻拎左一袋燒賣一袋魚蛋比我 :「十一蚊」

唔知四眼妹今日有無返學，尋晚溫書溫幾夜，睇唔睇到野，食左早餐未...






阿姐 :「十一蚊呀!」

「呀..唔好意思，我要燒賣得喇」我接過一袋燒賣轉身就走



「五蚊呀喂!」阿姐叫停我





屌!柒左，竟然唔記得比錢..
點先可以無咁柒..
點算呢..點算呢?

呀!用呢招應該可以威返d
我係褲袋拎左五十蚊比佢 :「我由今日開始每日買你一包燒賣，而家落訂」

阿姐接過五十蚊，再搖搖手:「邊有得咁買架..」






屌!!我係度做緊咩..呢鋪柒上加柒...


突然，我感覺到我身旁有野照住我，係光

呢種光....
係反光??!!..四眼妹?!


我輕輕一望，果然係四眼妹，佢無避開既動作
太好，佢有返學!..

但係..







只見佢仲帶住副比我掟到變左形既舊鏡架...
佢寧願自己配過塊垃圾反光鏡..都唔攞我買果副靚眼鏡...
咁落去唔只睇野唔好，度數都好易加深...
點都好，我要提醒佢


我望住四眼妹 :「喂，你知唔知....」


「找返比你，麻煩企過少少」阿姐隊左四十五蚊比我


「同學，你要咩呀」
仲騎劫埋我同四眼妹既對話..






四眼妹望左向阿姐，無再理我....