落街打羽毛球慘被活力阿婆扣殺，心情好低落: 19

落寞寂寞的一個夜晚，我將眼鏡盒放左係台面
呆呆咁望住個電話，打唔打好呢?

打啦，係男人就打..

打咩吖打，打爆個眼鏡好無...

打啦，好應該..

唔好打喇，阻住人..






「屌!收聲!」
打左先算


「喂」

「喂，你好」






「 二號餐加大，要多個豬柳蛋，二號餐加大，要多個豬柳蛋」

「覆返你， 一個二號餐加大，一個豬柳蛋，請問飲....」


「兩個呀」

「唔好意思...覆返你....」





「等等，請問你地呢度請唔請兼職?」
我唔知點解會無啦啦咁問佢


「下?!...麻煩你等等」


等左一陣，佢返黎回應
「經理話聽日黎填form先，有無問題?」

「無問題，呀!唔好意思，果兩個餐我唔要，我自己落黎買順便填埋form，唔該」


果晚，我只係買左一個豬柳蛋，兩成飽
不過，我比預期早左一日填form