落街打羽毛球慘被活力阿婆扣殺，心情好低落: 7

我碌返個波比佢地，但視線無離開過個奪目阿婆
佢同我屋企條四腳蛇都好似有d熟口熟面..




「污糟晒喇」 「你碌去邊度呀」「洗唔洗得返架」
其他阿婆你一言我一語咁係度嘈咩呢?






我向佢地既方向一望
大撚鑊，唔小心碌左粒波去坑渠，條坑渠出名臭

「唔好意思呀!」我馬上上前道歉

一個金牙阿婆篤左我一野，隻手指仲痴住粒小鼻屎
「咁我地唔洗打波啦」

我一望件衫，佢粒鼻屎痴左係我度呀...





「嗚....」
一個無牙阿婆開始喊


「唔好咁啦，我唔係有心架，一係我幫你地執返啦」


金牙阿婆再篤我一野，仲篤返同一個位
「執返都無用啦，污糟晒點打呀?」






我再望件杉，原本粒鼻屎大粒左
我開始擔心，再比佢篤落去容乜易粒鼻屎大過佢鼻窿
我塞唔返比佢點算，到時佢又唔知會點對付我


「一係我而家去商場買羽毛球拍，順便買返個波比你地啦」

此話一出，成班阿婆即刻圍埋商量
結果大多數阿婆都點頭，包括奪目阿婆


我痴返粒鼻屎上手指，指向金牙阿婆
「比返你先」





只見佢一臉不肖，但都伸出手指接返 :「哼」



「你一陣唔返黎咁點呀?」無牙阿婆問

咪玩啦個屋村有幾大呀，我走得甩咩

「我陪你去」
此時，奪目阿婆企左出黎，準備同我去商場