人海中遇見你: (16)

到我一醒來就發現我的衣服被換掉了。 

我十分驚訝，因為昨晚送我回家的是呀熙，所以我懷疑是他替我換的，但他現在又不在我的家。 

隔了一會，就有人開了我家的大門，是呀熙他替我買了早餐。 

"早晨呀，你今日咁早起身，訓多陣呀嘛，琴日你又飲醉。" 呀熙很溫柔地說。 

"我…想問呢…我啲衫係邊個換架?" 我尷尬地說。 





呀熙想再說話的時候，我就說 : "其實如果係你換我唔介意架…但係都好似唔係咁好…係囉…" 我開始語無倫次了起來。 

"你聽我講，你啲衫係唔係我同你換架，係我呀媽。" 呀熙就開始說昨晚發生的事給我聽。 

原來昨晚我不停胡言亂語，又四處嘔吐，而我的衣服已經弄髒了，所以呀熙就叫伯母來幫我換衣服。 

"件事就係咁喇。" 呀熙放下早餐。 

我坐在餐椅上打開早餐 : "嚇死我，我仲以為係你幫我換。"  





呀熙拍一下我的額頭 : "乜你覺得我係一個趁人飲醉就幫女仔換衫嘅人咩?" 

我搓一搓我的頭 : "好痛呀，我唔係咁嘅意思呀，食早餐啦。" 

到了放完新年假要上學的那天，呀熙好堅持要牽著我的手送我上學，好明顯他要告訴全世界我們在交往。 

當然他的奸計得逞了，因為上學途中我班上的同學看到了，而我一回到課室同學們就看著我。 

我還沒有坐下就被Jenny她們拖到洗手間去。 "點解你拍拖唔話俾我地知呀?"  Jenny質問我。 





呀晴撞一撞我的手肘 : "我都估到你拍緊拖架喇，呢幾排約親你去街你都唔去。" 

"你地聽我講啦，我唔係有心暪你地架，只不過我地未想公開住。" 我不斷道歉。 

Elsa一直都沒有出聲，只是低著頭，然後抬起頭說 : "咁咪好囉，咁你唔使好似之前咁避佢囉。" 我看得出Elsa是在強顏歡笑。 

我捉著Elsa的手 : "對唔住呀，我唔係有心暪你嘅，因為我驚我講左出黎你會唔開心。" 

"唔緊要架，我忘記緊佢架喇，所以我真係唔會唔開心架。" Elsa拍一下我的手。

 因為Jenny她們想知道呀熙是怎樣向我表白，所以她們就提議放學到我家，我沒有拒絕，反正回到家中也沒有事情可以做。 

我在上課期間和呀熙不斷Whatsapp。 我(0932)    '你今日放學唔使黎接我喇，呀晴佢地黎我屋企呀。'
呀熙(1003)  'Sorry 頭先上緊數學堂所以覆你唔到。'
呀熙(1003)  '但我啲朋友今日同我去打波，佢地順便想見下你喎。'




我(1008)    '聽日先見得唔得呀?我地約實左喇。'
呀熙(1009)  '應該可以。' 
到了放學我們一同四人一起坐的士出發去我的家。 

她們一去到我家，第一件事並不是把鞋子脫掉，反而是躺在我的床上吃零食。 

"喂!快啲講同呀熙係點樣開始。" Jenny已經急不及待地問。 

我將呀琛表白至到接受呀熙的告白一一告訴她們。 

"唔怪之得呀琛退左學啦，原來因為情傷。" Jenny說。 

Elsa很小聲說 : "其實有樣野我唔知應唔應該講，係關於呀琛架。" 

"關於呀琛?你快啲講啦。" 我急忙地問。 "我早兩日出街見到佢，佢瘦左好多。

我本來想行過去同佢打招呼架，但係佢好快就行左入去一間別墅到喇。" 

"佢瘦左好多…你喺邊到見到佢?" 我的聲音開始震了起來。 "我記得左好似係喺長洲。"


我一聽到Elsa這樣說，我就決定了星期六去長洲找呀琛，當然我並沒有跟呀熙說，因為免得他問長問短，所以我只告訴他我要回教會。