人海中遇見你: (15)

"囡囡，我返黎喇。" 是爸爸的聲音。 

我知道要來的始終也要來，所以我和呀熙都站在原地沒有動。 

"呀熙點解你咁早會喺到架?" 爸爸瞪著呀熙。 

我正想解釋的時候，呀熙就捉著我的手搶先過我說 : "世伯，我而家係呀穎嘅男朋友。" 

爸爸愣了一愣，接著坐在梳化說 : "其實我都估到你拍拖，但我以為你男朋友係呀琛，但我估唔到係呀熙。" 





爸爸沉默了一會再說 : "不過我唔會反對你地拍拖，但係可唔可以解釋左俾我聽點解呀熙一朝早會喺到。" 

"因為佢琴晚幫我整電腦整到好夜，整整佢又訓著左，所以佢琴晚喺到過左夜。" 我解釋著。 

爸爸心平靜氣地說 : "我唔理你地啦，總之就唔可以做啲唔應該做嘅野啦，你地知我講咩架啦。" 

"我唔同你地傾住喇，我要去簽合約喇，今晚先再同你地食飯。" 爸爸拖著行李箱說。 

"OK。Bye Bye。" 我目送爸爸離開。 





當爸爸一離開，我就怒視著呀熙 : "李綽熙!你 以 後 唔 可 以 再 喺 到 訓 ! "  

"點解喎?世伯都話唔理我地啦，俾我繼續喺到訓啦…" 如是者呀熙不斷說類似的說話，我亦沒有氣理他，所以就不管他了。 

到了晚上爸爸帶了我們去山頂一間餐廳食飯。

我身穿一件深藍色的長裙，配搭一對黑色的高跟鞋。 

而呀熙就穿了一套較年輕和簡便的西裝，既簡單又帥氣。 





我們去到山頂最高級的餐廳，吃最昂貴的料理。 爸爸也有叫他的女朋友到來一同吃飯，由於我聽了呀熙的說話，現在的我嘗試慢慢接受她。 我的晚餐有龍蝦湯、鵝肝漢堡和心太軟，加一杯不知年份的紅酒。 

那鵝肝漢堡有五層，麵包中間夾著有機的生菜、清甜的蕃茄、爽脆的青瓜、肥肥的鵝肝和已溶化的芝士，我一口咬下去就有一種肥而不膩的感覺。 

而我們整晚說著笑就完結了，但可能太過開心的關係，我喝了很多紅酒，所以我有點喝醉的感覺，爸爸就吩咐呀熙送我回家。 

"你唔好郁黎郁去啦，我拎唔到鎖匙呀!" 呀熙背著我說。 

我四處動就開始自言自語 : "司機，旺角有落! 呀熙終於開了門，他先把我的鞋放下，再把我放在床上。 

"敷返條熱毛巾先啦。" 呀熙把毛巾輕輕放在我的額頭上。 

我雙手掛在呀熙的頸上 : "你呢…知唔知我鐘意左你好耐呀…起碼有3年喇…我嘔…" 我還沒有說完就吐了。 

之後的事情我已經忘記了，因為我 ''斷片'了。






到我一醒來就發現我……