學堂沒有教我的東西: 學堂沒有教我的東西 42 代償

學堂沒有教我的東西   42  代償            chole 竟然係呢一刻回復意識! 我同叢林中既人, 同一時間都一震! 但係, 接住落黎, 我已經後腳一蹬, 發力向前衝. 感覺上撞到一個人， 但係我已經無理， 發足狂奔不特止， 仲要掩住chole吾好比佢出聲， 霎時間， 呼喝聲四起， 我完全無視所有既聲音， 只係荒不擇路甘跑， 吾知跑出幾遠後， 我再跑吾郁， 向前一跪， 就坐低坐落黎， 淨低既， 只有我倆既喘氣聲。 好耐之後..... 人既身體係奧妙既, 為左可以發揮平時無既力量, 身體內有一代償機制,  能夠暫借細胞既能量比有需要既肌肉, 從而作出與平時不同既行為. 一般人都會試過劇烈運動帶黎既肌肉酸痛, 就係代償機制既代表作.  話明代償，即係要還, 甘借左力量, 又用左咩做抵押呢? 答案係除左肌肉外既器官!  包括心, 肝, 脾, 腎, 腦,  所以, 人既腦袋， 係相應會遲頓好多。 吾信可以試下, 搵個跑完短跑既人, 你問佢一個問題, 對方係不能夠立刻比答案你,  吾係吾想, 而係身體反應吾切! 因為腦部血液並無供應足夠去維持正常思考,  直至大量氧氣進入身體， 原本缺氧既部份得到補充,  大腦先會回復郁動， 而我, 亦都係幾分鐘後, 先意識到...... 點解， 一個人跑， 會有兩個人既喘氣聲? 我向懷中既chole 一望,  係微弱既光線下, 竟然發現佢紅粉緋緋, 手放係額頭一探, 竟然有高熱傳出....