學堂沒有教我的東西: 學堂沒有教我的東西 41 危險

學堂沒有教我的東西   41   危險              我輕拍一下褲袋， 就發現電話已經不翼而飛， 應該係追逐既時候跌既， 我簡單檢查一下chole， 發現無表面傷痕， 亦無骨折， 只係昏迷左 應該係比黑衣男用手 法擊暈既。 呢個程況， 盡快離開現場係正確既做法。 抱住一個年輕貌美既女性係條街上絕對吾係一件樂事， 重， 吾在講， 重要逃避迎面車輛內既古怪眼神， 以香港人甘八掛既性格，  報警， 係必然既。 所以， 我選擇左山路， 而亦係甘， 就係一個錯誤既開始。 香港既山頭， 話大吾大， 但當你揹住一個最少一百磅既人， 你就會知並吾係一件簡單既事。 我揹住chole, 開始係樹森中穿梭， 對普通人黎講， 吾仆崩鼻都偷笑， 莫講話再揹住個人， 但對於細個係鄉野山間長大既我， 反而有種熟悉感， 所以吾係花費太多時間， 我已經完成左一半既路程， 而就係我開始放鬆心情既時候， 竟然聽到有人聲係草叢傳出！ 最慘既係， 傳出語言，係普通話！ 深夜既樹森， 普通話聲， 我第一個假設就係， 我遇到*I,I(非法入境者)！ 第一時間, 我立刻縮低, 雖然環境好黑, 但我吾能夠確定有幾多人, 所以呢個情況, 最好係以不變, 應萬變. 好快, 我聽到吾同既聲從四面八方而黎,  包括樹葉聲, 踏斷樹枝聲, 低語聲. 呢個時候, 就好似企係彌敦道既十字路口一樣, 周圍都係人, 完全判斷吾到我身處既環境優劣. 我唯一可以做既, 就係靜止吾郁, 希望身邊既人吾會發現我呢一個外來者. 陸陸續續經過左幾分鐘, 正當我以為對方走哂之際, 我正想鬆一口氣, 我突然感到左手前臂有一陣熱氣, 好微弱, 微弱到吾細心根本察覺吾到. 跟住, 我就係我前臂既左邊傅出一下人聲! 我全身一震之餘, 背脊亦都出左一身冷汗. 因為我知道, 岩岩個股熱氣, 其實係對方鼻孔呼出黎既空氣! 我完全吾敢郁,  偏偏就係呢個時候,  "嚶............."  我懷內既chole 傳出一下嬌聲!   * I,I --- illegal immigrant, 非法入境者, 行內以英文開頭兩字母形容.