學堂沒有教我的東西: 學堂沒有教我的東西 36 對敵

36   對敵  街頭械鬥， 最忌赤手空拳， 以為可以空手入白刃既， 係博士級既打法。 打交叻既人， 未必最好打， 但一定係最識利用身邊環境， 而我唯一可以搵到既， 只係一本有硬皮書... 對一般人黎講， 可能赤手空拳仲好， 但再一次強調， 械鬥，一定不能赤手空拳， 就算係一張紙， 都有佢既用處。 而有*書骨既書， 係格鬥專家眼中， 其實同鐵蓮花無咩分別，  對方一見我手上揸本硬皮書， 亦都收起輕視既眼神， 因為敢用本書對彈簧刀既， 亦非常人。 僵持既局面並吾太耐， 對方見我無進攻既意識就直接衝埋黎， 諗住先發制人。 直至到身前一米， 對方先出刀，刀由腰前直刺， 睇得出， 對方係用刀既行家。 要睇對方識吾識用刀， 第一睇佢揸刀既方式，主要分正握同反握， 正握， 即刀刃向天， 通常擅長劈，挑，刺。 反握， 即刀刃向下， 常見於特種部隊， 擅長割，削，纏。 對方到身前一米， 先舉手前刺，而我亦同一時間， 手握硬皮書既書骨， 係胸前由上而下劃左一個孤型， 向住對方既心口劈落去。 照道理， 一個前刺， 一個直劈， 一個直線， 一個弧線，  對詠春有認識既人一定會話你知， 兩點之間， 直線最短。 所以，直線一定快過弧線。 可惜， 今次我佔左兵器既便宜！ 雖然，係本硬皮書， 但係佢將我既對敵距離， 起碼增加左半尺以上！ 所以， 當對方既刀， 仲有半尺距離， 我既攻擊， 已經到佢心口， 當對方意識到既時候， 書骨已經劈中左心口，一下輕微既震動傳到我手腕上， 而對方， 已經彎腰下跪係地上面。 經驗話我知， 對方既胸骨已經裂左， 劇痛會引起呼吸困難， 而呼吸率不足， 再配合快速既活動已經係不可能既事。 大家一定會覺得， 有無甘誇張， 一本硬皮書會打裂胸骨?  如果大家有試過買硬皮書， 你就會知一本書最堅硬既位就係釘裝既邊， 亦即係書骨位置。  如果想個硬皮書既威力， 可以試下將書骨敲落自己既骨上， 感受下，你就會知其實同比鐵敲無咩分別。 所以， 某程度上， 對方失去能力係好正常既事。     *書骨 --- 書面（書皮）被折的痕跡（槽），即打開書本折疊處, 在正確位置做書骨可以預防書本散架