學堂沒有教我的東西: 學堂沒有教我的東西 35 意外

學堂沒有教我的東西   35   意外    係樓上既房內， 傳出一下驚呼聲， 郭教授面色一 變， 二話不說， 就衝上二樓， 入到房內，並非滿房都係粉紅色既物件個種少女房間，  反而迎面係一個豎琴，佔據左房間一 半有多既位置，而剩底既空間，只係得一張床，床面係簡單既被具，而床尾對住既，就係一 張木造既書檯，檯上面一部電腦。 房內既窗已經碎左， 除左一地既玻璃， 地上面， 仲有chole帶住既大headphone, 而應該係房內既chole, 就不知所蹤。 我立刻衝到窗前， 望出窗外，見到出面棵樹仲係搖晃不定，  我豪不猶疑就跳出窗外， 先係樹上穩定身型， 再沿樹身滑落, 到地之後, 係遠處仲聽到chole既叫聲,   於是我狂奔200米後， 終於發現有兩個身影， 十分合拍甘抬住一個黑色既布袋， 直覺話我知， chole就係入面。 雖然抬住一個人， 但兩人既腳下面並無停低， 相反， 仲難得合拍甘高速移動。 因此， 我有理由相信， 呢兩個並非普通人。 隨住時間既推進， 轉眼已經追出差吾多1km既路程， 而竟然， 我完全不能拉近同對方既距離。 有試過拎住啞鈴跑步既人就知道， 即使係一個半磅既啞鈴， 每增加1公里， 重量上就會產生加倍既錯覺，  而家仲要抬住一個活人。 保守估計， 兩人分擔下每人承受50kg， 係負重下竟然同我無負重既速度一樣，簡直匪而所思。 到接近馬路時， 對方明顯放慢， 呢樣反而係我最擔心既事， 因好大機會有車接應，  果然， 一轉彎， 已經見到10米外有部銀色貨車， 而對方就已經分開左， 一個抬住chole上車， 而另一個就企定等我埋黎。 我見對方企定， 我亦減慢腳步， 細心調整相方既距離。 面對面既係一個大約35歲， 5‘7， 中等身材既黑衣男，對方見我無第一時間借勢沖埋去， 比左一個微笑我， 我原本都想報以冷笑。 但係跟住，我見佢右手一閃， 我就已經笑吾出。 因為， 一把3吋既摺刀已經係佢手上。