學堂沒有教我的東西: 學堂沒有教我的東西 33 報應

學堂沒有教我的東西   33   報應    "Chole! 點解你會係度！“ 突然傳黎郭教授既呼喝聲。  見到郭教授衝埋黎，一下子擋住係我同chole之間， 
“即刻番入房！ 呢度無你既事！“ 郭教授既嚴厲， 係廿年前係公認既， 估吾到， 對住個女都
 係甘.... 
"我吾理你係邊個， 總之而家我吾歡迎你， 請你離開..." 郭教授一反常態既表現令我摸不著頭
 腦。 
望住chole既背影， 同埋郭教授既表情， 我係度諗係咪有咩誤會.... “教授， 我黎係想搵你幫手..." 我再次道明來意。
 “無野幫到你， 即刻走！“ 教授斬釘截鐵甘話。
 “ 我身上面有...." 我嘗試去令佢明白。
 “我吾理你有cancer定有bb, 總之吾歡迎你“ 郭教授完全吾想聽。
 “呢件事對我好重要..." 我試圖盡我既能力。




 "吾關我事...." 郭教授依然不為所動。 郭教授不斷甘推走我， 我下意識甘一路後退， 轉眼間已經比佢推到門口... 我今日著住既恤衫， 亦都比佢拉扯到走哂樣， 混亂中， 我帶住既佛牌亦露左出黎，    郭教授一見到我塊牌， 由初期既不以為然， 到跟住瞳孔放大， 好似鬼上身甘， 由推我走變 成扯我塊佛牌..... 我無辦法下唯有推開佢， 拉開左雙方距離先。 “塊...牌....點得番黎..."  郭教授邊喘氣邊問。 “一個廟祝比我既..." 我照直答。 “我要你塊牌..“ 教授雙眼好似著左魔一樣。 “教授...你冷靜d...塊牌吾賣既“ 我試圖令佢明白我吾係吊高黎賣。 “你想要咩? 你講， 只要你肯賣塊牌比我..." 教授著急到好似等塊牌救命甘。 “我有樣野想比你鑑定一下“ 我見機不可失， 拿拿聲打蛇棍上。 “得!你比塊牌我睇下先", 郭教授亦都不忘步步進迫. 我無奈下將頸上既佛牌除低, 拎比郭教授.... 就係佢接觸塊牌既時候, 我感覺到身上好似有野流走左甘.... 而郭教授一接住塊牌, 就已經合埋眼將塊佛牌握係掌心. 約莫過左一分鐘, 郭教授睜開眼, 眼內瘋狂既神色已經吾見左.... 取而代之既係堅定既眼神... 我見郭教授回復以往既神彩, 我都放心d. "郭教授....你....覺得...點?" 我再次確認郭教授既情況. "非常好....好耐都無試過甘精神", 郭教授答. 我心諗, 真係甘神奇? "作為一個物理學教授, 係我大半生入面, 我只係相信科學解釋到既野, 因為呢樣野先係人類歷史賴以進步既客觀基礎." "可惜, 越研究得多, 越發現近代科學既盲目性..... 盲目地認為, 能夠被客觀認知既, 先算係科學, 而對於我, 越接觸得多古怪既事, 越令我質疑現代科學既客觀性..." 郭教授一路把玩著手中既佛牌, 一路話. "慢慢我甚至開始涉獵吾同地方既古代文化, 試圖去搵出吾同文化背後， 所不被現今科學承認既部份。“ “而到最後， 每個國家不被現今科學承認既部份， 都同宗教扯上一定程度既關係。“ “退休後我有10年既時間定居係泰國， 對於泰國文化中既超自然力量都有研究，當中涉及養鬼仔， 神打， 屍油， 正牌，陰牌， 刺符。“ “而當中能夠被我理解既只有正牌，同刺符兩樣。“ 郭教授講完， 毫不猶疑地除左佢既上衫， 係佢既身上面， 佈滿左吾同既經文同圖案。 “呢d經文， 係我呢十年， 斷斷續續甘加上去， 初時係因為想感受經文力量既真確性， 而又的而且確， 我既運氣亦越黎越好。直到後黎， 已經變成一種習慣， 好似吾紋吾舒服甘。“ “而因為chole, 我亦走訪過吾同既師傅， 每一個見到我個身都拒絕再幫我做刺符， 直至我搵到一個白衣...." “佢同我講， 每個人生命入面， 都有一個數，而刺符， 就就好似借錢甘， 為左chole, 我已經借到山窮水盡， 係咪仲要借呢?“ “當時既我並無理解佢既說話， 仲係堅持要佢幫我刺符， 而佢當時並無拒絕， 只係最後講左句，大意係厄運會繼運氣之後接腫而黎。“ “完左之後， 我無太在意， 直到我番香港之後發現有個遠房親戚留低左100萬美金既資金比我做研究。我先至識驚。 “