學堂沒有教我的東西: 學堂沒有教我的東西   32 拜訪

學堂沒有教我的東西   32   拜訪


    

教授姓郭, 58歲, , 典型衛斯理迷, 除左物理學 Ph.D , 我諗佢可以拎埋衛斯理Ph.D. 佢係個種真係會拆散架車再重組一次既人, 同埋一個陰謀論家, 除左研究, 可以打動佢既野吾多, 包括佢老婆, 所以到成四十五歲後先有個女,  可惜, 係佢個女10歲個年, 得左個怪病, 要長期照顧, 無奈既佢,只有選擇退休, 專心照顧佢...    而佢淨低既興趣, 就係研究d超自然既野.... 下晝3點, 我係教授既客廳內, 聽住巴赫既"Ｄ小調觸技曲與賦格曲BWV565", 望住郭教授不停手舞足動甘出入客廳, 我都吾敢打擾佢, 但直到半個鐘後, 我開始吾耐煩, 因為佢依然無停過.... 於是... "郭教授....." 我忍吾住叫佢... "你..等等我...好快...." 好明顯無停低既跡象. "我黎左半個鐘啦, 郭教授...." 我答. "得.....得...好快...." 郭教授依然無停落黎既意思. 望住佢行出行入, 我忍吾住想捉住佢...  郭教授突然好大力甘掙脫我, 仲撞到旁邊既花樽, 成個跌左落地! 我同郭教授都諤左然,  就係呢個時候, "放開佢!" 一個嬌俏既女聲係我後面出現, 憑聲音, 應該係一個好後生既女仔. 轉身一望, 係二樓走廊上, 已經企左一個28,9歲, 瓜子口面, 清麗脫俗既女仔. 佢著住一件白色碎花既連身裙, 將佢修長既身型, 表露無遺. 佢急步走落黎, 直到我既面前, 我先認真甘望到佢. 眉如柳月, 眼如星光, 我只能用我有限既中文去表達我對佢既感覺.  奇怪既係, 佢戴住一個好大既headphone, 同佢不食人間煙火既感覺格格不入. "吾好掂我daddy....." 佢一手就拍開我隻手. "sorry, 我見教授...." 我見原來係郭教授既千金, 立刻對佢既無禮視若無睹. "我daddy有病, 每日既呢個時候都會係甘...." 佢既眼內閃過憂傷. "*舞蹈症?" 我心中突然一震, 脫口講出一個病徵. "係! 初時我地以為佢老人痴呆, 好多醫生都驗吾到咩事, 直到一次daddy既一個學生係外國番黎, 先知原來佢係患左呢個病....." 郭教授既千金答. " 我叫Jerry, 係郭教授以前既學生....你係...." 我醒起仲未知佢叫咩名. "我係chole."  我留意到， 佢一路同我講野， 佢個headphone 都無除低落黎... “甘教授呢個情況....“ 正當我想進一步問佢教授既病情之際...     



 





亨丁頓舞蹈症（Huntington's disease），又譯亨廷頓舞蹈症、杭丁頓舞蹈症等，是一種遺傳性神經退行性疾病，起因於第4對染色體異常，病發時會無法控制四肢，就像手舞足蹈一樣，並伴隨著智能減退，最後因吞嚥、呼吸困難等原因而死亡。該疾病由美國醫學家喬治·亨丁頓於1872年發現，因而得名。這種病在歐美的出現率比在亞洲高，但香港也有不少病例。