就是偽影評: <<閨蜜，就是一起老去的朋友>>
說好的<<閨蜜>> 的偽影評，講好左唔走數既 ~
（又係個句，又係有劇透嫁）
由於我唔係一個女人，如果寫得唔好唔好打我XD
今次買飛個陣我尷尬到 ....... 連賣飛俾我個位售票妹妹都有 D 唔信我真係一個大男人入場。入場個時已經見到三五成群既...... 女士，從佢地既眼光之中，我開始明白「異類」呢個詞語係點解。
本來都以為呢套只係「三個女人一個墟」既戲，點知，睇落至知冇中伏，仲要好好睇添。
走出戲院個一剎那，我開始明白，女人既友誼，的確很強大。
戲中，希汶、Kimmy及小美三個女生是親密無間卻個性各異的閨蜜，
導演王真真用左一個好簡單既故事，道出了朋友到底是甚麼的一回事。
「我們互相扶持，但我們又會有時妒忌對方，
甚至有時誤解，而最後我們都會諒解和好。」
有時，朋友之間，的確是一直扶持著大家，
不管是對是錯，只要是朋友，都會盡力支持。
那管朋友是失戀，就算朋友是可能殺了人，
只要是朋友，都會一直在身邊扶持著他，
不會因為他做了甚麼，不會因為他變成怎樣，
不會因為他與你的地位如何改變，
都會一直一直的，支持下去。
不過，有時在扶持的過程中，也會弄巧成拙。
有時你會為了你對朋友的忠心，但你沒了解到朋友真正的需要而協助，
有時你會為了你的一片苦心，你會將你自認為最好的去協助你的朋友，
有時你會為了你的面子，而擺了一個高高在上的姿態去協助你的朋友，
到最後就 ...... 傷害了你的朋友。
但朋友之間又是否一直都是扶持呢 ?
對唔住，有時係朋友之間，我地都會互相妒忌對方。
會妒忌對方比自己靚仔／女，
會妒忌對方比自己更有才華／人緣
會妒忌對方比自己更幸福，
會妒忌對方 ...... 好似甚麼都比自己好。
又或者其實是妒忌著 .... 自己根本就沒有或者是自己一直都很想有的東西。
在我們妒忌我們的朋友的時候，很多時候我們都不知道自己在做甚麼。
有時我們會以「為了朋友好」而協助他，但說穿了，還不是為了自己的利益。
有時我們會是因著妒忌，將很多根本不應該出口的就話都會一次過爆發出來。
有時我們會因為妒忌，便會用上了最激烈的方法向對方證明自己是比對方好。
而我想，女人最大的妒忌，
都是一向要風得風的那位，終於嘗試到失敗。
終於有一個她不能到手的男人，
還要是輸在一個自己沒有想過的對手 －
自己的朋友，最好的朋友。
看到這裡，想起我的好拍檔小藍她所言：
「女人的妒忌心一爆發起來，足以引發第三次世界大戰。」
(看到戲中醋意大發的女人所做的所作所為，作為男人既我，真係睇到大開眼界。)
如果話由妒忌引發到誤解，
而誤解又到一個看似無法挽回的局面時，
我忽然諗起有個朋友曾經講過既一段說話：
女人之間的友誼，可以拍到一套<M club>；
但男人之間既友誼，就只能拍一套＜天與地＞。
今次，都不例外，
女人之間的友誼，成就到好好睇既一套 <閏密>。
點解?
男人，好可能就真係好似天與地咁，鬥生鬥死。
而女人同男人最唔同既地方係，她們會學習在關係之中，
願意向對方去學習諒解對方。
(寫到呢度，我都諗起有兩個曾經既好兄弟 .... )
咁究竟咩野叫做諒解 ?
諒解就係去明白對方的立場；
諒解就係去將自己的想法說出來；
諒解就係在當中仍會有衝突；
諒解就係要明白在當中有個過程；
諒解，講到最後就是放下自我，
去讓對方了解自己，也讓自己了解自己的過程。
或者真係好老土都要講一句，
「閨蜜，就是一起老去的朋友，
而能夠一起老去，是因為大家都有一同的經歷，
經歷過一齊笑，一齊喊，珍惜友情先可以歷久常新。」
(如果喜歡我的文章， 就給我一個 like 吧 )