(怒與樂)再不相愛就斷了: (第十章) 黑色幽默
(第十章) 黑色幽默
「日復日,幹着相同調子的事。
夜復夜,誓要追上什麼,卻在床上的一刻,又發覺根本沒有什麼得着。
我們都渴望一個不一樣的未來,卻每天幹着一樣的事。
或許我們都譫怯。」
是妳和我說的嗎?翌日醒來後,這個想法充斥在我腦中揮之不去。
有時就是這麼奇怪,有些道理總是在夢裡可以尋獲,
好像有人刻意在你睡覺時在你耳邊碎碎唸似的,
但當你醒來後還能記得多少,那要視乎自己了。
有人稱這為報夢,有人說是預感,
有人解作潛意識的自我心靈對話。
我將種種歸立為她對我說的話 -「Kat 語錄」。
把桌上的礦泉水喝光,耳際仍然盪漾着Simple Project 的樂章,
今天是我的day off,我決定再找找林老闆,恐怕上次是我誤讀了他的意思,
我想了解多一點,了解自己多一點,
我能…走多遠?
其實,我沒有想像般帥。
電話接通了。
「林…林老闆,我係森仔呀…無…你得唔得閒呀今日?」
天文台道的黃昏,我與林老闆坐在一間偏靜清吧內。
「點呀,森仔。考慮好喇?」
「唔…可唔可以講多次上次果樣嘢黎聽下…講白少少…」
「故事就係,一隊全女子樂隊將會衝激市場,而你,就係當中嘅主音,你自己嘅歌由你自己唱番。」
林老闆望着我雙眼,肯定的說着。
「其實…點解一定要係全女Band?」
「我問你喇,你成日話要用音樂為生,咁有無諗過余樂森呢三個字點樣sell出去?
點解人地要睇你?唔睇周永恆?」
我無言。一時答不上來。
「唔…咁係咪…要…扮女人…?」
「唔止係扮,係要近乎十足做一個女主音。」
林老闆略頓,再道:
「你要持續注射雌激素。」
「…雌…雌咩話…咁…即係點?」
「要執就一定要從裡面執起,淨係靠表面打扮一定會穿幫。
皮膚,頭髮,Body Shape等等都要顧及。
你有一度好,係你本身已經生得好中性,
骨架仲瘦過好多女,所以你唔駛做太多後期加工。」
「咁呢…唔駛…切㗎呵?…」
「KEEP住打雌激素會減低你嘅男性性徵,身體會向住女性既外型同功能發展,
慢慢咁你胸部,皮膚,輪廓,肌肉等會有所變化,至於果度,你可以自己決定喇…」
「唔…唔…」我可以怎樣應對?
「你無拍拖㗎何?」
「…無…無…」雖然腦中閃過了昨夜的蘭桂坊。
「 咁都好…嗱,之後,會幫你造少少整型,
削骨,激光脫毛,磨喉嚨,視乎你用藥後效果而定。」
「唔…唔…」我只有聽的份兒。
「有無印象早兩日有個女仔上過黎Studio錄鼓?佢就係岩岩做完整形番黎。」
「吓!果個靚模?我仲以為係你d女…」
「哈哈,索哩,佢係你嘅鼓手黎㗎。」林老闆滿足地笑。
然後從公事包拿出手提電腦,把那個鼓手的相片展示給我看。
「嗱,佢叫素琪,哩張呢就係佢食左藥十五日影嘅,
呢張就一個月,你睇呢張,胸部d fat開始見到喇,頭髮都變薄左幼細左,
睇唔睇到佢手臂呢個位呀,呢張就幫佢上埋妝,
Dress up 好曬,你根本認唔到佢係男兒身。」
我望着一張接一張的貼圖,目瞪口呆,
難以相信眼前這個令男人血脈賁張,
令女人既羨慕又妒忌的尤物竟然是一個男生!
太瘋狂了吧?
「森仔,有無聽過呢隊 LADY GIRLS 呀?」
螢幕中展示起一隊韓國四人性感跳舞組合。
「有…岩岩隻碟先上左HMV第一…早兩日仲有客問我有無得代訂佢地d海報…」
「唔…唔,咁你又估下。」
「吓!唔通佢地…?」
「哈哈!唔好問我,我都想知!」林老闆大笑。
「唔…」
「森仔,你把聲,一定得!」
「唔…唔…」
「只是表像不同了,靈魂卻是一樣的。」
聽下去好像又是,
妳…覺得怎樣呢?
…Kat?
![](https://fbcdn-sphotos-f-a.akamaihd.net/hphotos-ak-ash4/s720x720/404298_292463407530164_298591866_n.jpg)
音樂導賞 http://www.youtube.com/watch?v=B1jg5Ql6vLY
中環塔倫天奴:http://www.facebook.com/liveincentral