我係網上面識左個女仔: 第二十三章-戀情(4)

第二日，我番學果陣仲諗緊點氹翻Anna，其他老師唔覺，但特別關注我既Ms Lam就發現左，所以我又要留堂。

放學了。

「好翻啲未呀？」
「我已經無野啦……」
「咁點解頭先上堂又神不守舍咁？」
唔通答你我激親個女仔咩……
情急之下，阿爸講對唔住個畫面又係腦中浮現。





「我之前見到阿爸拜阿媽……」
「哦……咁可能佢真係有原因先走左去呢？咁探你媽媽都無錯既，唔好諗太多啦」
「哦……」

跟住我就可以返屋企。

返到屋企樓下……我見到兩個人……

一個係Anna，我真係好想衝過去捉住佢解釋，求佢原諒。
但係佢隔離有個人，阻止左我咁做。




果個就係阿爸。
佢既出現……令我卻步。

而同時，無數個問號係我腦中出現。
點解Anna會係度出現？
佢黎搵我？
點解佢會知我住係度？
點解阿爸會係度出現？
佢黎搵我？
點解佢會知我住係度？




佢地同時出現，會唔會係識既？
佢地點解會識？

不過我見到佢地之間無眼神交流或對話，好似陌路人咁，我暫時排除左佢地認識呢個可能性。

我去到升降機前，見到呢棟大廈唯一既升降機去到21層就停左，21樓，正正就係我住既樓層。

唔會兩個一齊搵我咁橋丫嘛？

我即刻上返屋企，門前無我預期既二人。

唔會入左去丫嘛？

入到去，我見唔到阿爸或者Anna，到底發生咩事？