我係網上面識左個女仔: 第七章-有女仔date我呀！

玩完果場之後，我用左半個鐘去解釋LOL係玩緊果陣點解要加/r先可以同我講野，跟住佢先話原諒我，雖然我唔覺得我有錯。

跟住我地都冇再講野，佢有佢打LOL，我就溫書，雖然我話功課唔洗做，但書就不得不溫，因為要測驗考試，唉，聽日有三科要測。

如是者到左第日，我測完驗一返到屋企，手機就收到個facebook msg（我平日唔會係街開數據，返到屋企先有WiFi）。

「想唔想知我咩樣：P」
我第一時間想覆話我已經知，不過都係收左手，費事搞到我好似變態咁，去起人底，我開左電腦，開始同佢對話。

「no」




「……」
「why you ask that?」
「我想約你出黎……」
「！？」
我第一個反應係：唔向左走向右走係掛！？WTF！？仲差啲係張凳跌左落黎……有女仔約我呀！

「點呀…肯唔肯啊-3-」
「why suddenly want to date me?」
「肯唔肯啊？」
係咪有陰謀架……以我所知我應該無咁大吸引力架啵……





「you tell me why first」
都係保險啲好……

「係咪我講左你唔會笑我同應承出黎？？」
「say first」
「答左先！」
「ok」
然後佢輸入中左好耐……





「我同班朋友玩真心話大冒險，轉中我果時，我一時貪玩，簡左大冒險，然後佢地要我同學校訓導老師（男人黎）表白，我緊係唔制啦，口快快話我有男朋友……跟住大冒險內容就變左要帶男朋友俾佢地睇……我圈子好細架咋…根本冇乜邊個男性朋友，佢地又見過我阿哥，所以我先想搵你幫幫手！！PLS！日期就係今個星期六，你著得靚靚仔仔，下午3點係旺角地鐵站出現就得架啦！><THX！！^3^」

就係咁，我將會係星期六見到佢真人。