《學校裡面, 只能有一班生還》: 外傳六話：《曲終人散》

「雪曼...科特....唔好死....你地唔係話自己唔係人類黎? 」老大看著被炸得機械零件都支離破碎的同伴。

     男兒, 也禁不住流下男兒淚。

    「VK...你已經死過一次...唔好呀....」老大匐匍地爬到去VK的身邊。

    「走呀老大...」VK身上發著「茲茲茲...」的聲音。


     「快啲走啊! 原路出返去啊! 佢地唔可以出東翼範圍架! 」丹拿正艱辛地以一敵百, 為他的老大拖延時間。





    「乜老師唔係話佢會係適當時候出手教我地既咩....」老大一臉愕然, 搖著頭問道。

    「佢唔會...佢整我地出黎...都只不過當我地係棋....」丹拿捱了一名中五一刀, 「快啲走...」老大此時才如夢初醒, 極速向著東翼大門狂奔。

     「唔好比佢走! 」一名中五女生連著三個跨身, 準備追截。


   「屌...」東翼大門已經敞開。





   「嗚啊! 」丹拿用著稚嫩的聲音, 發出這壯烈的一嚎。

   「雖然要殺你呢個咁既細路係有啲唔忍心, 不過冇法啦。」一名男生攜著利鋸, 一鋸...

    機械零件四濺, 發著「茲茲」的電流聲。


   「樓下, 清場完畢。」一名中五跟著他的同黨說。

    「點解....」老大奔出大門, 人在相隔東翼跟其他建築的馬路中間。





     他無奈地抬起頭, 看著這黯淡無星的夜空。


     城市的光害, 原來已這般嚴重。

     「上年已經比佢打壓...今次仲諗住一雪前恥....」老大緊握雙拳, 眼淚慢慢地從手臂淌下, 滴到地上。

    「連一班同我親如家人既同伴...點解...」他盈著兩眶熱淚, 看著夜空, 像有萬千胸臆未紓, 可是也再沒有傾聽者了。

    棋子佈在棋盤之上, 功能和目的都是保護將軍。


    不會有人同情被吃掉的小卒, 或許, 會有人為車被殺掉而感到一點惋惜。





    原因也顯而易見, 因為車的功用, 遠遠比卒的來得大。

    人類就是這樣, 你對某人有實際的利益價值, 他才會器重你, 愛惜你。

    就不會像一些宗教人物這般, 有無私的愛心。在人類世界的字典裡面, 並不會存在。

    難道, 你們還陶醉在自己身為人類的光環之中嗎? 別傻了。


    面對現實吧, 分化完中六的勢力後, 你也就一文不值了。

   「老大我唔會丟低你地....」突然, 老大從腰間掏出一把手槍...

    他的表情就似是, 悟出一些甚麼的道理, 可惜, 一切也已無法挽回。






   「就讓我地....一齊寫屬於我地既結局....」老大驀然張開口。

   「砰! 」一聲大得像雷響的槍聲, 貫徹整個夜空。