《學校裡面, 只能有一班生還》: 第七十一話：《紅綠燈》
一片接近完全漆黑的空間, 有兩人正在摸黑走著。
「智慧之間? 」芠芯看著前方大門。
「後無退路, 不如入去? 」Martin提議。
「嗯...我唔想再比黑衣人追殺...叫得智慧之間應該唔會有打打殺殺掛...」芠芯用著發抖的聲線說道。
Martin打開了大門。
「噢, perfect, 終於都人齊。」站在一邊的Puma, 這樣跟剛進來的人說著。
「原來佢比到我地三個鐘, 係預比我地玩game。」Martin看著前方那幅大牆, 上面刻有九宮格的大牆。
Martin亦同時審視場內人, 除了Puma外, 還有景希跟Ricky, 和敖欣。
「又會有咁多自己友...」Martin心裡暗知不妙。
「啊...」芠芯被自動關上的門嚇到。
「事不宜遲。等我先講解遊戲玩法。」那把難聽的廣播再次在眾人身處的房間說著話，
「每兩人一組。前方有九宮格。會有紅燈同綠燈係中間閃動, 我亦會事先設定閃幾多吓, 閃完之後係其中一個組員既電話到輸入真正我諗既方格答案。有十局, 最低分嗰隊會受到懲罰, 另外遊戲正式開始後, 不限溝通, 但唔可以同其他組別竊竊私語, 唔可以使用武力, 違者亦會受懲罰。你地有一分鐘時間分組。」
那顯然是一定要我們鬥智, Martin盤算著。
「Martin...」芠芯看著他。
「得。」Martin只是擔心, 若果景希跟敖欣分開組隊的話, 那肯定會有一個同伴受到懲罰。
經過了圖書館一役, 失去人情的滋味確不好受。
阿昌, 賢浚, 保護大家的Jodie跟Abbie...還有捨身成仁的J東跟令雪...
「好, 你地已經分好組啦。薛昊明同艾芠芯係A組, 官浩俊同梁詠琪係B組, 而柳景希同敖欣會係C組。」
「點解Ricky唔係同景希? 」芠芯輕語問道。
Martin只是專心地看著牆壁, 並聳聳肩示意不知情。
「好, 遊戲正式開始, 我將會閃... 三十下! 」說罷, 一點像輻射燈的紅點在左上格閃起。一秒後, 一粒同等大小的綠燈在中下格閃起... 如此類推...
最後, 有一粒綠燈在右上格停下, 一秒後消失。
「好, 各組有一分鐘時間輸入答案。」
「係咩...Martin...」芠芯問著。
Martin搖搖頭, 皺著雙眉, 並在電話裡輸入了一個答案。
Martin心想, 只是第一局而已, 應該還有時間思考主持人在玩甚麼, 他鐵定不會是右上格停下, 而答案就是右上格那麼白痴。
還是算中有算, 想我們聰明反被聰明誤, 然後使我們輸得心服口服?
「好啦, 答案係左下方格。C組得一分, 其餘維持不變。」Martin看著景希, 而景希則只是微微搖頭, 示意只是碰運氣而已。
「景希佢地, 有一分。」芠芯語帶欣喜地說著。
「負碌姐! 」在另一方的Puma, 這樣揶揄著。
「好, 第二局。今次將會閃二十五下。」廣播說罷, 一粒紅點從中上格閃起....
閃了二十四下後, 同樣由紅格從右下格結束。
「好。各組有一分鐘時間輸入答案。」
「今次係咩....」芠芯開始語帶焦急, 而臉上亦泛著紅, 那即是代表她真的開始著急。
「唔知...」Martin正循著多個可能性想著, 是閃動次數? 還是顏色? 已證實了開始方格跟結束應該跟真正答案方格無關...是當中被閃過最多次數的方格, 如果是這樣, 中下方格應該是上一局被閃得最多遭。
「試呢個。」Martin在手機選了中下方格。
「答案係左上方格。B組得一分, 其他組則維持不變。」Martin看著Puma, 同時Puma亦意氣風氣地瞧著Martin。
「唔係有人轉數神, 電腦鬼才黎? 唔識揀格仔? 」Puma語帶譏諷地指桑罵槐。
「收檔啦, 你同我講你唔係負碌? 」敖欣此時亦為Martin說話, 罵著。
而景希則拍著敖欣, 並搖著頭示意不要跟Puma爭辯。
「點算...我地落後緊...下一局已經係第三局。」芠芯急得將哭似的, 向著Martin說道。
「冇事, 我地自己友一定可以平安無事一齊出返去。」Martin輕聲跟芠芯說。
「有人就黎驚到瀨啦。」Puma在遠處, 繼續嘲諷。
「第三局。今次將會閃十八下。」
接著, 一顆紅燈在中上格開始, 一輪紅綠紅綠燈在中間擾攘一番後, 由綠燈於中央格結束。
「又會咁正中既? 」芠芯看著牆壁, 輕聲跟Martin說著這樣的一句。
「咁正中? 」Martin看著牆壁, 再把剛才三局的畫面在腦海回播。
「嘿, 果然係主持人。」Martin展現出跟依亭相若般, 那個自信的笑容。
「你諗到拿? 」芠芯莞爾微笑著。
「揀呢個。」假若這次中了, 那就可以肯定推論沒錯。
「答案係中央方格。A組得一分, 其他組則維持不變。」此時, Puma斜瞥著Martin等人, 用著質疑的眼神。
「師兄...佢地好似知道點玩....點算啊...我唔同景希一組係因為信你勁過佢地所以先...」Ricky憂心忡忡地向著Puma問著一連串的問題。
「佢地...或者都係負碌既姐, 九分一機會, 有幾難中? 」Puma拍著Ricky的肩膊, 示意他冷靜以及閉嘴。
Martin的腦子裡, 已經得出一個結論, 一個不止關於這一個關卡的結論。根本由頭到現在, 所有東西均是鋪墊, 只是那個所謂主持人或是組織為了篩選, 而作出的佈局。
沒錯, 是那個無商無量, 實現篩選的那個篩選。
在前頭發生的事, 根本微不足道, 只有好像衛主席般心狠手辣, 或是盡快知道掌握特權的方法, 再不然就像Puma般匿藏已經可以自保, 可根本還是微不足道。
再加上方包他們剛才在藏書室得悉的事, 背後的陰謀肯定不是這樣簡單。而他們現在要做的事就是...
用腦筋, 用膽識, 生存下去!
「睇黎阿Martin仔都知道點玩。」一個潛藏在黑暗裡的人, 看著螢光幕說著。
「唔出奇, 佢一向有腦, 仲有個依亭都係。」另外一個人在回應。
「可惜, 佢地仲未知特權點玩。」
「自從半年前同一年前單野...話說條粉友係地下花園係咁洩能量出去, 洗唔洗搞搞佢? 」
「冇必要。嗰兩單野, 你處理好未? 」
「大致處理好, 佢地應該都唔會有一個準確既記憶....之不過....」
「不過咩? 」
「個龍少好似....」他指著螢光幕, 一個還在摸牆而行的男孩。
「唔緊要, 呢個遲啲處理, 反正我地遲早都可以搞掂晒, 然後....」
「哈哈...冇錯....」在房間內, 只傳出兩人奸詐涼薄, 冷血刻毒的笑聲。