《學校裡面, 只能有一班生還》: 第三十七話：《風暴》
「芠芯, Candy, 你地都落埋黎? 」我抬頭看著上方, 問著。
「嗯, 本來想睇吓有冇野要幫, 但我諗都要啦。」Candy回著話。
「咦? 阿宏你地都黎埋? 」江強問著。
「唔止, Iris小霍班友都落緊黎。」阿宏答道。
飯堂區域, 一日不清除那群中六, 就只會愈積愈多獵人。
早上那股不安的感覺, 竟然在此時捲土重來....
「走你地就冇得走架啦, 同我地片返場啦! 」在中六後方的Tiffany步步進逼。
「佢得一個女人仔。」耀俊看著Tiffany。
「殺啊! 」肥關領頭, 衝向Tiffany處。
「不自量力。」Tiffany伸直雙手, 把手掌對準前方。
「屌...點解冇咗頭先嗰種感覺? 」Tiffany馬上聚精會神, 希望可以發回剛才在洗手間內的神威。
「死開啦! 」忽然, 在Tiffany旁有一把聲音傳來。
從連接地下禮堂至一, 二樓的後樓梯, 忽然殺出一隊人。
是中三的Gary還有數個男生。
「你一個女人, 頂鬼到佢地咩?」Gary說罷, 便朝中六女子方向斬去。
「貓貓, 過黎幫手! 」Gary大聲指示著。
Tiffany只是不解退著後, 看著自己雙手。
「喝! 」我也不遑多讓, 希望可以提高自己存活率。
只要那個中六生是我不認識, 而我對他又沒有感情, 那我可是殺得下手的。
「你就係方包? 一個男人婆, 唔係真係...」一個中六在我眼前說著, 可我沒等他說完。
就一刀劃到他的頸上。
隨機抽樣, 我可沒有閒情逸致跟我完全不懂的中六生談感情。
這難道就是人性?
剛才我殺腳毛的時候, 心裡有萬千鬱結, 就是因為他過往跟我有萬千聯繫, 對我各種照顧。
我不想再想太多!
頃刻間, 飯堂爆發了大撕殺。
「睇住! 」江強提示著我。
「喝!」我一個回馬槍, 打倒在我身後欲偷襲我的中六生。
「你做咩流咁多血...」江強在柱後問著朗晴。
「對面個肥關...成個葉問咁...一打十...點打...唔可以比佢地走...」朗晴痛苦地按著傷口, 說道。
「肥關...又多一個麻煩。」我心裡想著。
「你個死周公, 頭先做咩放咗佢? 」依亭沒有加入混戰, 只是坐在飯堂的椅上, 指罵著。
「關你柒事? 」周公答罷, 便直搗肥關處。
「同我打返場! 」周公邊說, 邊用刀格檔著肥關剛想斬向周公的鐵枝。
「南翼果然仲有好多武器。」周公說著, 便接連來了數記重擊。
肥關只是斜笑, 沒有回應周公。
我這個一介女流, 雖然不是江強周公般的搏擊好手, 可受過童軍的訓練, 基本格鬥可是能夠應付。
「方包...點解連你...」一名中六在我刀下, 斷續問著。
「我識你架? 」我對著連名字都記不上的人, 給一刀割下。
即使只剩一個, 也難保不會抽中我!
「周公, 快啲搞掂佢! 」我喝著。
「衛主席, 你地搞掂咗MCTV嗰面? 」我問著在旁的衛主席等人。
現場實在是十分混亂, 又要提防中六趁亂跑回上三樓, 還有走回二樓的位置。
「咪住!」我猛然醒覺他們之前有提過如欲大屠殺, 電腦會是恩物。
遊戲主持人想必不會說廢話或是無關痛癢的東西。
「衛主席, Martin, 頭先你地落去嗰陣, 有冇咩話會比你屠班中六既野? 」我慌張問著。
Martin搖搖頭, 應是向我示意沒有。
「方包, 你抖吓先啦。」在衛主席身後的Candy跟我說道。
「點解? 你唔怕你會比人抽中咩? 」我疑惑問著。
「佢地trap住晒係到, 中三班契弟點會咁易比佢地走甩, 我地中四不如保漏戰力啦, 咪由佢地mighty mighty 囉。」Candy笑著跟我說道。
「係呢, Panda冇跟你地落黎既? 」芠芯問著Candy。
Panda? 我聽到這個名, 心裡不期然被寒氣襲心。
「係咯...佢冇跟你地落黎既? 」我看著Candy, 問著。
「唔好提, 頭先就係同個八婆嘈落唔落黎。」Candy一臉不屑, 答著我道。
「佢話喎, 唔知樓下乜頭乜路, 落黎只會做炮灰。」晶瑩在一角, 半俯式地走過來, 答道。
「唔係吓...佢冇跟到你地落黎? 」我語帶不安, 跟眾人說道。
「方包, 你知道啲咩? 」Martin忽然別過臉, 直視著我。
「我...我唔知...」我一時也不清楚該怎樣回應這個轉數超快的Martin。
現在是中午, 太陽從飯堂一排排的落地玻璃透視進來, 映進來一片嫣紅。
「風暴呢套戲, 係咪講劉華到最後會係咁殺人, 就算班賊投降都會繼續殺? 」我問著各人。
「係啦, 班賊啲手榴彈同機關槍周圍射咁。」Candy答著。
我沒有回應她, 看著飯堂外刺眼通紅的景象, 眉頭不期然地緊鎖著。