《學校裡面, 只能有一班生還》: 第六話：《兩方》

「又黎...」江強破口大罵。

 衛主席沒有多理會江強, 反而馬上望向Martin。


  「廣播器! 」Martin立時意會到衛主席所想, 走了數步, 來到校務處前。

  透過玻璃櫥窗, 校務處內空無一人, 包括廣播系統。

 「撞鬼...咁個廣播...」芠芯同樣意會到我們想查證的事情。






    這顯然, 是超出人力範圍。
    
  「你地兩面咁耐都仲未對戰, 仍然僵持, 咁遊戲好難進行架喎。」他們數人細心地聽著廣播的內容。


  「好啦好啦, 唔爭在話埋樣野畀你地知啦, 其實而家只有兩級既人係被安排咗任務, 其他年級, 係未有架! 」廣播的男聲, 充滿莫名的挑釁意味。

   「咁都係因為要場遊戲進行得順利啲, 目標快達成啲既啫, 其實我個人提議呢, 你地就快啲死剩一班咁既人數, 唔係去到之後? 有排你地歎。咳咳, 仲有, 我見你地咁惆悵, 我會係最後十五分鐘send個人名畀每人, 拿, 唔好話我唔可憐你地呀, 祝各位好運。」再度, 男聲消失。






   「玩我呀? 得我地兩級? 」江強氣得直跺腳, 臉都充得紅紅。

   「叫個矮冬瓜, 快啲通知所有人搵定可以用黎攻擊既武器, 利器, 大型木板, 見到似有用既集起晒佢。」Martin思索了一會, 跟江強說道。


   「嗯, 仲有呀, 衛主席, 雖然你係男仔, 但係你咁孱弱, 成張紙咁, 我勸你殿後啦, 唔係盞變炮灰。」江強語重心長地跟衛主席說。

    只見衛主席, 只是點一點頭, 看著樓梯上方。






    預料之外, 現在只是中三跟中四之間的對戰。


    畫面轉到去中四級的樓層。
   

    「方包, 快啲同你班人講, 拎架叉!」圓圓胖胖的Cedric在我面前, 焦急地報著信。
  
    「得架啦得架啦, 你去上層同其他人講啦。」我答道。


     遊戲主持人這麼搞, 難道是因為上次最佳社獎是我們兩級同時得到? 





     一山, 不能藏二虎。
     

     那其他級的人, 除了全都中毒以外, 還能當甚麼? 


     很有趣的現象, 同學們竟然會不停救人。

    他們似乎忘記了, 我們只能剩下四十人。


    可我卻絲毫嗅不出人性的光輝, 那只是人們還不相信這是實實在在的遊戲。
  
    也許, 是害怕背負著殺人犯的罪名。
    





    十五分鐘後, 拭目以待。