《學校裡面, 只能有一班生還》: 第一話：《四十人》
「留在所屬樓層, 靜候下一步指示。」雪彤凝視著電話屏幕, 顯得有點不耐煩。
「依亭, 3G應該望唔到我地...但係佢地...」一位女生向依亭, 作匯報狀。
「嗯, 佢地估唔出個答案, 係正常不過。」依亭臉上沒有半點遲疑, 望向樓下的人。
中三級的課室主要分為兩層, BR在下層, 而GW則為上層。
3R班的人, 同樣猜到答案, 逃離了課室。
「依亭...」Myra拍著依亭的肩, 想開始說話。
「妖! 你開口埋口係到依亭依亭煩唔煩啲呀? 畀我靜靜地諗吓野得唔得呀? 」依亭瞪起雙眼, 毫不留情地罵著Myra, 同時亦引起下方同學的注意。
「唔好意思...」雪彤搭著Myra的肩以示安慰, 與此同時, 同班的海惠亦安撫著依亭。
「由呢一秒開始, 第一回合已經結束, 就算你地而家打得啱, 都係會無效架, 恭喜逃得出既五班, 雖然畀我想像中既少, 但係都未至於冇, 我好欣慰。」那把男聲從自己課室傳出, 眾人都側耳細聽。
「都過咗啦, 仲係第一班。」有人開始起哄。
「至於另外答唔到既班別, 亦唔使慌張, 釋放毒氣既時間唔會太痛。仲有仲有, 答案將會係生還者既電話上顯示, 死咗嗰啲? 好抱歉喇, 去地府攞答案啦。好, 時不宜遲, Let’s move on ! 」使人發毛的聲音, 說道。
「咦? 部電話? 」所有人, 包括依亭不約而同地, 察看著自己的手機。
「恭喜你, 為課室輸入正確答案, 隨機抽中獎勵乙份—全校人名單 ( 中英附送) , 任務一：與中四級. 跟閣下同班別同學號的同學必須被殺, 限時為一小時。」
「喔? 」依亭看著電話屏幕, 同時亦留意到整班同學都注視著自己。
「咁多位咁多位, 唔好意思又煩到你地。」那把男聲再次從3W課室傳出。
「你知就好。」雪彤扁著嘴, 細言咒罵。
「相信你地都會收到我發畀你地各自手機既短訊, 係喇, 跟住佢做就啱架啦。另外, 提提大家, 唔好諗住企圖或意圖逃出學校範圍外, 有違者後果自負啦。想成個遊戲完? 同樣簡單, 只要間學校得返一班, 個遊戲就會完。一班意思係指一班既人數, 唔...就當四十人啦, 易計啲, 好, 祝大家好運。」接著, 那把男聲又是重回外太空中。
同學們, 都面面相覻, 不知如何是好。
「你地都收到短訊? 」依亭問著。
「殺死中四, 同班同學號。」雪彤神色凝重地, 回答著。
「我唔明喎, 啫係自殺呀? 」海惠不解道。
「唔好智障啦, 啫係我地係3W, 就要殺死4W既人。」依亭酷像一個翻譯員, 跟大家解釋道。
「會唔會咁隱晦。」雪彤嘟起嘴, 不悅著。
依亭心裡很清楚知道, 自己掌握著全校人名單, 這個絕對優勢。她在未能逃出課室之前, 已經先掌握了自己課室的情況, 發現數個異樣。
- ) 課室內本應存在的物品, 例如功課記錄紙, 點名簿都不知所蹤
- ) 窗戶早就在響上課鐘前就關上。
- ) 老師的反應, 應該只是半被蒙在鼓裡, 至於他們知多少不知多少, 有待查探。
他們的班主任, 亦在他們逃出課室之後慌張地向回主流跑去, 不帶走一片雲彩。
故此, 要保持遊戲試驗單位的一致性, 每班課室亦應當這樣, 才能確保遊戲可以進行下去。依亭很自信確定, 若果事前沒有人閒著無聊找全校名單去背的話, 就只有自己, 或是校務處有這份準確的人名單。
而這份人名單跟平常的有些微不同, 中文姓名固然附上, 英文姓名則除了附上英文譯音外, 還附上後改的英文名字。
例如有康芳欣旁邊是Myra, 自己名字那欄旁邊則出現—
Bertha。
「我地根本唔知要殺邊個...況且...我根本唔想殺人...」Myra對著雪彤, 狀甚無辜地說著。
「不如...我地睇吓3G嗰邊點先啦...」四人幫中的Vinci, 向依亭提議著這樣。
依亭點點頭, 示意他們可以去鄰班一窺究竟。
「但係啲毒氣! 」海惠忽地緊張地大喊。
可惜, 她的叫喊實在來得太遲, 3G的課室門口已經應聲而開。
只見依亭嘴角斜揚, 沒有絲毫懼怕之意。
「佢講過毒氣只會毒到十幾條友, 要死既, 係入面已經死晒, 冇野好驚。」依亭臉上掛著一向的自信。
同樣, 3G的班主任亦在裡頭跑了出來, 頭也不回地離開北翼, 向著主流方向走去。
依亭盯著老師的背影, 也在思考著到底事情的來龍去脈。
「我地快啲睇吓入面啲人點先啦。」Myra二話不說, 已經衝了進去, 其他人亦緊隨其後。
「哇...」雪彤看到前方之事, 面露駭異之色。
3G課室內, 人們都聚在課室後方, 無不伏在地上, 狀甚痛苦。
「醒呀...唔好訓呀...」Myra跟數個同學, 連忙上前, 希望救起同窗。
「仁慈係需要, 但保不住自己又何來施仁。」依亭看著前方的同學, 不禁嗟歎。
「武恩贊。」依亭盯著人名單上的一個名字, 盤算著。