無愛之幕- 在幕下結合的我們, 或許在茫茫J海中再也找不到對方: 第十九章: 坦白

第十九章: 坦白

Jenny 說:「說謊的人, 要吞一千根針...」
她問我是否有東西瞞住她。
我想起很多事情, 想起了那個在荷花池的夜晚。
一個冷夜, 一池水, 一個銅像和那一下觸感。
溫暖而又軟綿綿。我打開五隻手指, 比一比大小。我永不會忘記, 那第一次觸碰她的感覺。
忽然之間, 我覺得我欠了她。

「我坦白同你講。我開始左嗰個無愛之幕。」我看着她, 不知道她會有什麼反應。




她皺眉。
「係嗰個嘢? 你有無......搞埋一份?」
「我無, 當然無啦。」
「真係無?」
「真係, 唔信嘅, 我今晚同你訓, 你睇下有無唔同到囉。」
「唔睇! 如果俾我知道你......我一定同你分手。」
「不過, 仲有一樣嘢想講俾你知。」
「你仲收埋左咩唔講?John!」
「我賺左八十萬。」 我平靜的說。
「八十萬? 五個零嘅八十萬?」 Jenny好像發瘋似的, 不斷重複說着八十萬, 不停地數着手指。




「係,」我微笑。「即係可以買到幾十個Chanel 袋。」
Jenny並沒有太好的數學頭腦, 可是, 只要我用名牌袋來作表達, 她很快可以明白數額之大小。
正如你跟男人說八十萬可以叫幾多次雞一樣,只要將數字換成某東西, 便易明白。
「Wow, 原來有咁多......」
跟我預計的一樣, 整個晚上她都處於一種很亢奮的狀態, 我還沒有真的買下手袋, 她整個人已經沉醉在被袋包圍的感覺。
於是, 她沒有再提過無愛之幕。
這是我願意寬心坦承的一大原因。

什麼時候坦白, 什麼時候不坦白, 這是一門高深的學問。
那個下午, 我見了CK。




CK, 你打算什麼時候跟我坦白? 我嚴肅地瞪着他。