無愛之幕- 在幕下結合的我們, 或許在茫茫J海中再也找不到對方: 第十八章: 無愛之幕外傳 - 我的港大女朋友 Jenny 3

第十八章: 無愛之幕外傳 - 我的港大女朋友 Jenny 3

我瞼色一白, 該說什麼好呢?
噢, 是了。
「Jenny, 我想...我想講...」
Jenny 緊張地看着我。
「今晚月色好靚。」
Jenny 一瞼失望。
「Jenny 你今晚都好靚。」
「無啦?John, 你仲有嘢講架, 你講啦!」




我知道她想我說什麼。
可是, 我直至現在都記得, 那時候我什麼也沒有說。


有一個晚上, 好朋友約了我去喝酒。喝到興頭, 大家紛紛說起自己跟女朋友表白的那一夜。
「John, 你真係咩都無講到?」
我微笑。
那夜荷花池四周是石頭, 凹凸不平。石頭沾了水, 又生了青苔,特別滑。
「之後我要講嘅事, 你哋一定唔會信。」
「講啦。」




「我個陣想講嘢嘅時候, Jenny以為我無嘢講,好嬲, 推左我一下, 我向後踏出一步, 諗住避開佢呢下, 點知石頭好滑, 即刻向後跌, 而後面就係荷花池啦。」
眾人皆嘩然, 粗口此起彼落。
「有無咁戲劇性呀?」
「更戲劇性嘅都有。Jenny 伸手想捉住我,我情急之下, 唯有見到咩就捉住咩,咁自然就係距離我最近嘅嘢啦, 就係佢其中一邊胸。」
「嘩, 咁淫賤嘅你,之前都未聽你講過。之後呢?」
「Jenny 大叫一聲,攬住我一齊跌落去。By the way, 後來研究左幾晚,比較下 friction, size 同舒唔舒服, 我推測個晚應該捉中左邊胸。」
「嘩嘩, 又會突然間咁有求知精神嘅。跟住係咪濕哂?」
我淡淡的笑,又喝了一口啤酒, 希望自己不要太清醒。
「你哋醉哂未先?之後講嘅嘢, 信不信由你。」
大家都一口氣乾掉半pint的酒,然後眾人皆看着我,屏息以待。






我看着天,今夜月色真美。
「John, 我哋幾時上左龍虎山睇海嘅?」Jenny 終於醒來了,依偎着我。
「Jenny, 嗰個係吐露港。」