[中篇]隱藏係香港地底既秘密──點解要我去發掘？: 五行晶石

我正想追問到底要救誰，在一旁默不作聲盯著圖紙的堂哥忽地不合時宜地「嗯」了一聲，尾音微微上揚，顯是有幾分驚奇。我們都看過去，只見他指尖輕輕劃過圖紙表面，沉聲道：「呢張係下一層既圖樣。」
 
我詫異地問道：「呢張係呢度既平面圖？仲有下一層？」
 
堂哥淡淡地看了我一眼，道：「應該有。」
 
Ms Tsoi把腦袋湊過去看了看那張圖紙，聲音中也帶著幾分錯愕：「我都冇發現到呢一點。確實，呢張絕對唔係我地呢一層既圖樣。咁講既話，呢一層果張……唔通佢地呃左我？」
 
「唔知道。」堂哥呼出了一口長氣，蹙起了眉頭：「而家咁樣冇辦法繼續行。」
 




我摸不著頭腦，用手肘輕輕撞了一下列天欣：「到底而家係發生緊咩事？張圖紙係邊度黎架？我地又係做緊乜野？」
 
「你係『問題寶寶』黎架？成日問呢樣問果樣，仲煩過啲小學雞。」列天欣狠擰了我的臂膀一記，然後清了清嗓子道：「我要同你事先聲明，我同你講過，我會繼續進行呢個計劃，你唔使諗話要阻止我或者勸我抽身。」
 
我沉默地點頭，心裡仍是想著該如何說服她。她見我不說話，輕輕哼了一聲，續道：「呢個洞穴好明顯係人為修建，至於係幾時之前，我都講唔定。呢張圖紙係Ms Tsoi係脫離茅山派前得來既，據稱就係洞穴既平面圖。而我地既目的，就係搵水晶。」
 
「水晶？Swarovski？」
 
Ms Tsoi噗一聲笑了出來，列天欣扭過臉去也像是在偷笑，只有堂哥還在想自己的事不為所動。我看著她們這樣子，感到有點慍怒：「我係乜都唔知丫嘛，你地講清楚啲啦。」
 




列天欣假咳了一聲道：「好明顯你冇睇哂我份筆記啦，我係某一頁有提過五行的晶石架，我地叫佢地做木晶、火晶、土晶、金晶同水晶，並唔係果種『水晶』。呢啲晶石已經埋藏左係地底好耐，只要擺放得宜，佢可以扭轉風水格局，可以創造一個完美既五行相生局，亦都可以反其道而行。」
 
「咪住先，乜我地唔係搵緊《錄圖真經》架咩？」我狐疑地看向她，又看了看堂哥：「定係佢只係一個大話？」
 
「確實有《錄圖真經》，」堂哥搶在列天欣開口前便已回答，兩眉緊皺，好像在煩惱一件事似的：「而佢既線索就係呢五個埋晶地可以搵到，兩件事並無衝突，而且，係我地同佢地都想兩件事一次過做哂。」
 
我費力地整理剛才得到的線索。現在聽他們說，我覺得我「落搭」的感覺更強烈了。他們並不是只想找到兩本佚失的經書，而是要挖出那些什麼五行的晶石？太扯了吧，又不是什麼幻想小說，難不成又是一個陷我入局的方法？想必我心中所想盡數表現了在我臉上，因此列天欣望到我的臉孔，便狠瞪我一眼：「唔好再執著呢一點喇，我都係知道左幾日架咋，都唔知你堂哥仲有幾多野收埋唔講。同埋呀，我頭先算到你會出現既時候真係嚇左一跳，我地冇諗過你會跟埋黎。」
 
我被她看得發毛，只唯唯諾諾地應了，也上前去看那張圖紙。果然形狀上跟這一層洞穴很像，但卻複雜不少。想來堂哥皺眉頭的原因大概就是這個吧？我突然想起進來時看到右邊的那條路，便提出要不要走那條路試試看。但堂哥一口回絕：「我已經行過一次，同呢邊一模一樣。」
 




「係陰陽二路。」Ms Tsoi忽地開聲道：「雖然我冇好好咁學過奇門遁甲，但係睇得出，修建者係度分兩條路，正正係分隔陰陽。我地而家係陰路上面，但平安無事，即係未觸動到陣法。趁個陣法仲未啟動，我地必須要去另一條路。」
 
堂哥二話不說就背起背囊就要爬回那條甬道裡。但他剛爬進去，就退出來，朝我們搖搖頭：「有野封住，個陣法已經啟動左。」
 
我立時感到寒徹骨肉，不自覺地發抖。在幾分鐘前，我爬過來的時候這裡還是通行的，怎麼現在卻有東西封住了？是我觸動了陣法？這個陣法是想把我們困死在這裡至死？
 
堂哥看到我驚惶的模樣，大概猜出了我的想法，伸手在我肩上安撫似的捏了捏：「冇野，唔關你既事。」
 
Ms Tsoi凝視了那張圖紙片刻，又東張西望了一番，還鑽進甬道裡好一陣子，回來時卻是搖首：「唔係，呀臨，你的而且確唔應該過黎呢度。我們而家有四個人係度，對於個陣法黎講，夠人頭喇。」