經歷過九世輪迴生死般的我總算溝到女了，但係。。: 四 白痴。
光陰似箭，日月如梭，轉個頭時間已經黎到差唔多第二次考試，今日已經係三月三十號。我同阿Yee既發展。。唉唔好提啦，自從果次打完電話柒完之後，我就知已經冇機會了。係果晚既第二日，佢仲即刻同Miss Wong講話要調位，原因係同我溝通唔到，咁當然啦，我最專敬既Miss Wong梗係唔會接受呢啲咁無理既要求啦。唔單止係咁，Miss Wong仲話幫我補習英文，希望我英文成績都可以進步，溝女都易啲呀嘛。雖然阿Yee仲可以坐係我隔離，但係我地就好似陌生人一樣，唔係老師叫我地討論，佢都唔會同我講野，係呢個時候，我諗返起影片入面既一句話：ABC港女總愛以高姿態接觸男性，使男性必定要馴服她們的裙下。但我不是想做兵，所以我離開了她。宜家係度搵緊另一隻白馬，雖然阿Yee係隻黑馬。
我已經考完試，成績唔洗講啦，岩岩合格都偷笑啦。自從果件事之後，我再搵唔到一個岩自己既女仔，什至唔敢嘗試，我成個人變得內向，連自己目標都唔知係乜。雖然已經過左大半個學期，但係我係課堂吸收到既知識都幾乎可以話係零。但係多得Miss Wong，我先會有返少少分夠升班。其實，我學到既知識都係MissWong教既，我真係要搵個機會報答佢。F1姐，我仲可以hea，遲啲再發奮都未遲啊。睇黎我除左溝女，原來連讀書都唔太掂。
我究竟幾時先識醒？
我要清楚自己係到做緊咩。