經歷過九世輪迴生死般的我總算溝到女了，但係。。: 二 鎖定目標。
我一直同自己講，無事既，希望在明天呀嘛，我諗起果段踢波廣告，我宜家就好似入面個肥仔咁灰，咁無助。點解連個天連條女都唔比我啊？我不禁想起＜＜蝶戀花 蘇軾＞＞入面既其中一句：天涯何處無芳草。我收拾好自己既心情，開左自己部電腦，上Youtube睇下溝女要有咩技巧。＂搭搭搭搭。。。＂我輸入了溝女作為關鍵字。估唔到第一個搜尋既結果，就令我學到咁多野。呢套短片叫做＜溝女其實唔難＞，真係教識我好多野。。我明白到要溝女一定要執返個靚仔樣先，如果唔係女神一眼都唔會望你；我明白到要溝女就一定要有勇氣，要主動約人。片尾果句句子，特別令人感觸＇後悔的感覺比失敗更難受＇。我許了個願，便睡了。
今日係返學既第二日，我再走過36級樓梯，步進1D班房，頓覺琴日坐果個位，有人坐左係我隔離！是長髮的！估唔到我許個願真係有用！我靜靜雞行返埋係左邊既坐位，再偷偷望佢一眼，，佢既皮膚有啲黑，應該係屬於運動型既女仔，但佢所做緊既野就同佢既外表格格不合，佢係到睇緊一本英文小說。我醒起琴晚果條片，教左我做毒撚要溝女，就一定要先開口。我記得片中人既提醒，於是就拎佢做實驗品。
＇Hi.＇我簡單咁同佢打左聲招呼。換來一句爽快的＇早晨＇。我當堂嚇左一跳，原來就係咁簡單！我繼續追問：＇你叫咩名？我叫羅逸朗阿！點解你琴日冇返既？＇＇哦，我岩岩去完旅行未返到。你叫我阿Yee都OK架啦。＇＇哦。。＇我以哦結束左呢次對話，一黎我怕醜，二黎我實在諗唔到有咩好講，其他人都叫我做dead air maker。佢繼續埋頭睇自己果本英文小說，而我都開始執野準備上堂。
睇黎佢咁COOL，都唔會識到朋友架啦，哈哈。
開學以黎既第一堂係班主任堂，班主任Misss Wong繼續戴住佢既紅框眼鏡，手執一疊白紙說道：＇我宜家會每人派張白紙，你地寫低你地既自我介紹，再同隔離交換睇啦。＇我接過了白紙，執起了筆桿，開始寫了下來：＇我的名字是羅逸朗，別人都叫我做阿朗。。。＇＇對了，你可以給你的電話號碼我嗎？＇我補上左呢一句。我只係寫左幾句就停低左手，因為我覺得拎左電話號碼再慢慢講都未遲呀嘛。。。可是佢仍然係到寫緊，好，我即管等下。睇完果條溝女教學片之後，我既毒撚性格似乎已經消失得七七八八啦。＇好啦，同學可以交換張自我介紹啦，但係記住保持安靜喎。＇我接住佢張自我介紹，估唔到佢會寫得咁詳細。。但係全部都係英文。。。但係我發現到我最有興趣既電 話 號 碼！我偷偷地用心記住呢寸電話號碼。。但係呢個時候，阿Yee比返我張自我介紹我，上面寫住佢既電話號碼同埋一句英文＇Call me Ｍaybe.＇
啊！！！！！！！！！！！！！！！！！！！！！！！！我好滾動啊！雖然我係柒左少少，但係回報係獲得正比架！我估唔到，主動出擊竟然係咁有效！我宜家就好似生吞左兩湯匙wasabi一樣，感動得快要落淚啊！阿Yee個樣雖然唔係話太靚，但係望多幾眼其實都同我幾襯阿！我不禁甜笑了一下，被阿Yee看到了，佢都對我微笑左一下，呢次，係我第一次完整地睇清楚佢個樣，係呢個moment，我已經鎖定左目標—阿Yee。有學識又有樣子，一定係潛力股，我心裡沾沾自喜。＇請咁多位好好Keep住呢張自我介紹啊，以後問功課都可以有個對像嘛。＇
今天，不知不覺間時針已經跑過了一大段的路，又要放學了。