經歷過九世輪迴生死般的我總算溝到女了，但係。。: 一 我的名字。
今日，對我黎講係一個好特別既日子。
今天，係我第一日返中學上堂既日子。
我好開心，我終於脫離左小學雞呢個咁負面既稱號。但我都明白到，上到中學既我，都仲係一隻雞，係一隻進化左既雞，係一隻讀過六年小學既 中 學 雞 。我之前讀既小學係一間官立小學，唔洗講啦，識升就一定升返官立中學，所以我大部份朋友，都同我一齊入左呢間中學，唔知呢啲係咪叫一條龍服務呢？由考完入讀試至到今日，我都係懷住好興奮既心情去期待，因為我小學暗戀果個女仔都入左黎呢間中學，我非常期望我能夠同佢一班，哈哈。
我推開學校大門既玻璃門，踏入校門。我兩旁既係一班童軍，直望就係兩塊水松板，我估。。果到寫住我地分班既資料，渴望同幼時女神一班既我，二話不說就衝前開啟一目十行mode人眼式搜尋我個名。戴住黑框眼鏡既我好似突然雙目失明一樣，搵唔到自己個名，即使已經由頭睇到落尾十幾次，依舊睇唔見自己既名。＇你。。。係咪搵唔到自己咩班？你咪1D班囉，傻仔，細細個識你就係咁，阿朗！＇有一把甜美的聲音在我耳邊掠過，而且，仲有兩分耳熟。我用我純熟既左手托一托我果副早已沾滿鼻油既黑框眼鏡，由右一望！冇錯！佢就係我小學女神Jeanna！（心心眼）但我已用1000分之1秒將個頭擰去左邊，含畜地說出一句：唔該。說罷我就跑上樓梯直上1D班班房。我女神個樣其實都幾清純既，畢竟佢仲係剛下凡間既中學生，相信仲未比人開採過。身材？傻架咩，中一有咩身材可以講姐，不過日後就唔知發展成點啦。唉，說這些，咁不如講下我啦，我係mk樣但係毒撚性格既新變種人類，有少少高，體型算一般般啦，有個肚腩仔，但係我怕人得要緊，所以先。。。唉。。。何況係女神呢，唉。。。
我直上樓梯以左右腳屈曲120度既角度纜級跑過36級樓梯上到去二樓，轉左就係1D班房了。當我走到班房門口之際，有個人從後拍我膊頭：＇羅逸朗，你鞋帶鬆左啊！＇今次我好醒，頭都唔擰一下，咁我啲毒撚性格就唔會爆發出黎啦！但係。。。呢把聲好似未聽過。。＇喂！做咩唔出聲應人啊！無禮貌！＇佢繼續講。但係我個腦仲load緊佢究竟係邊個，始終無印象。佢走到我既面前，大獲。。。我耷低頭。。。我問＇你點知我叫咩名架。。？＇＇白痴，你書包掛住左你個名阿，小學雞！＇我的臉。。都紅了。我仿忽熱鍋上既螞蟻一樣，不知所措，唯有盡快行入班房，搵個位黎坐。。真係好彩，行入班房較中間既位置就有2個連位係度，我二位不說向住標杆直跑，希望能與女神成為上課的好鄰居，就似搭港鐵既一個強國家庭，小孩會幫爸爸媽媽搶位黎坐一樣。
八點十五分，是班主任堂既開始，但我既白馬仲係未出現係我身旁，唔通佢唔係呢一班？！班房既門打開左，應該係班主任，因為佢拎住一本點名簿。睇落係師奶黎架啵，唔係下話？宜家啲老師只有咁既質數，叫我點聽書喎。個＂班主任＂放低左本點名簿就走左，佢，係一名校工。我不禁倒抽一口涼氣，因為我覺得做得我班主任一定要有返咁上下，仲有機會既！就係呢個時候，班房既門再次被打開，希望既曙光再一次展露係我眼前，走入黎既係。。。？機會黎啦！！
係Jeanna？！我即刻望下我四周圍，睇下附近有冇位比佢坐，OK!All clear!目前剩低既位就只係得返我隔離呢一個位！！！點算阿！我好興奮阿！佢會唔會坐落黎呢？我再偷偷望一眼Jeanna，睇下佢下一步行動係咩，究竟佢會行邊呢。。？但係我發現，係佢身後面，仲有一個男仔！佢追住Jeanna講：＇喂！呢邊阿，行錯班房傻妹！＇＇係啵，哈哈＇Jeanna一路傻笑咁話,之後就一路直行，閂返1D班既班房門。＇屌。。。＇我心裡不禁屌一聲，原來Jeanna已經一早比人溝左，經過今次之後，我深深明白到咩叫這些機會不屬於我的。諗返起，果個男仔又好似有三分面善。阿！係佢啦！阿鍵！佢都係我間小學升上黎架。。但係佢明明讀書好叻，次次考得好都會寸柒我，應該大把選擇架。。點解入左黎呢間二九流band2中學既。。我諗極都諗唔明。
我個腦轉既次數總和距離我諗已經足以環繞地球一個圈，如果我將我個腦好好咁運用，我深信，我就係下一個Iron Man。＂踏，踏，踏。。。＂一連寸的腳步聲連班房愈來愈近，表示有人以急促既腳步行緊過黎。＇我感覺到，佢既氣。＇我以100個巴仙相信呢個一定係我既班 主 任！而且一定係女人！班房既門第三次被打開，隨住涼風入黎既係一名女性，以我由小二睇就開始睇av既經驗黎講，我敢講佢一定係一位老師，因為佢打扮得十足av入面既家教老師！佢個人唔係太高，160cm左右，戴住一幅紅色鏡框眼鏡，稍微化了一個淡妝，有肉地得黎又唔會太肥，目測果到。。仲有C添。。媽阿。。好gfable阿。。。她輕輕的放下手上的書本，再向我們道歉：＇sorry阿咁多位同學，我遲左到添。我帶左啲糖果上黎阿，我請你地食當補賞啦好冇？＇隨即從袋裡抽出一大袋瑞士糖。＇大家好，我姓黃，你地可以叫我Miss Wong。＇我敢講，佢真係好撚正。我係冇拎到佢粒瑞士糖，即使係我最鐘意食既橙味，因為由呢一刻開始，我再唔係細路仔，我要做大個仔。我搣走左媽媽為我苦心準備既名牌，綁返緊條鞋帶，我同自己講，我中學一定要溝到條女！
咁就返左第一日學。
但係我身旁的坐位，依舊，是空的。