[七月玩命系列]《百鬼故的詛咒》: 第二章 怪事發生？

「仲剩返三個……真係要繼續？」參與其一的阿琪開始膽怯地問。

「冇事嘅！仲有冇人講呀，冇嘅剩低三個等我哋埋尾啦！」阿生依舊抱著「抽唔到水誓不休」的心態繼續開始鬼故。

「講咗咁多都係聽返嚟嘅鬼故，今次等我講返次親身經歷啦。係幾年前，有一晚我係個fd屋企過夜。去到半夜突然想食嘢，但佢屋企又冇哂嘢食喎，咁我唯有落去買架啦。嗰晚啱啱落緊雨，不過天橋係屬於完全密封式，就算漏水都唔會嚴重到成地都係水，不過我都冇為意，繼續行去7仔，點知行行下，係遠處見到兩個女人，當時我大概見到佢哋係著住高踭鞋，但硬係覺得有啲講唔出嘅奇怪感覺。直到佢哋同我擦身而過，我擰轉面想睇下佢哋後面係點嘅時候，先發現……成條橋，一個人都冇。嗰個時候，我終於知嗰種講唔出嘅怪異係咩，當時明明有三個人行，但只係得我一個嘅腳步聲……」

「剩返兩個咋……」阿強已經開始整個人都縮作一團，對阿恆耳語著。

阿恆心頭亦開始泛起不安的感覺：「不如九十九個就阻止佢啦…」





此刻，阿強只懂點頭附和。

不知不覺，百鬼故已經進行了兩小時，即使原本不少人開始感到有睡意，都被某三兩個鬼故事完全喚醒。

凌晨兩點，半點月光都沒有的天空顯得更昏暗，只剩下幾支暗黃的街燈照耀著。此時，只剩下海水拍打岸邊的聲音，每拍打一下，彷彿將眾人的恐懼再推高一層。

在眾人都等待著另外兩個「mk」男生繼續開始鬼故時，mary突然提出要講一個半親身經歷的鬼故事。

「樓上波子聲呢個情況，相信大家都唔會陌生架啦，通常詮釋呢個現象嘅人，都會因為其身份而有唔同嘅解釋。由細開始，因為身處係而家呢個乜都用科學去解釋嘅社會，自然偏向科學嘅解釋，因為冷縮熱漲嘅關係，日頭被哂熱嘅鋼筋係夜晚收縮嘅時候，就會發出類似成日有人玩波子嘅聲。不過…大家有冇諗過如果聲音係由另一樣嘢發出嘅呢？」





Mary閉起雙眼，深呼吸了一口氣，像回憶似的，然後繼續：「係我以前住緊棟就快拆嘅唐樓嘅時候，當時大部份人嘅住戶已經搬走，每層大約僅餘三兩戶。嗰陣我有個鄰居成日訴苦話樓上啲細路晚晚玩波子，又成日半夜先搬嘢，好煩厭，但又冇看更可以去管，日頭上去拍門又冇人應。終於有一日，佢忍唔住報警，點知警察上到去，一打開道門就有好大陣腐臭味，之後係間屋嘅衣櫃發現咗條屍……就係呢日之後，我鄰居就冇再聽到波子聲……」

故事講完，眾人的呼吸聲開始變得急速，背部湧現的寒意更為強烈。

「啊，大家好似都諗唔出啲咩鬼故啦可，咁不如算啦，反正你哋應該都開始眼瞓架啦，咁完咗佢啦！」說話的正是這個百鬼故的發起人，阿生。原本阿生預計大概二十多個鬼故過後，阿昕的恐懼會被完全激發出來，然後只要自己假裝去安慰一下，就能抱得美人歸，誰知道阿昕雖是女生，但膽量非小。而到此刻，若然再講一個鬼故，那怕到時真的有甚麼事發生，都不得而知。

雖然與阿生的話正正相反，眾人此刻的睡意已被眾多的靈異事故事所喚醒，不過大家依然接受阿生的提議，畢竟，沒有人知道當真正完結時，將會發生何等事情。

然後，一行人離開了海邊，回到各自的營房。順帶一提，男女生營房距離海邊大概只有二十多米，兩座建築物的正門相對應著，中間只有一條小路之隔。





就在回到營房門口之時，男生營房的門突然打開，門外眾人即時嚇得膽顫心離……

在微弱的燈光下照映出一個人影，當他再走近門一點的時候，才發現原來是其中一個營友，阿輝。

「屌你咩，俾你嚇撚死啦！」mk三人組即時將恐懼化為粗口發洩出來。

「去個廁所啫，咁都要屌？」阿輝回應道。

「人嚇人冇藥醫呀……」未等阿生說完，阿輝已經徑自走向廁所方向。

擾攘一輪後，眾人亦開始回到自己的床鋪。男女營房的間隔大致相同，一個倘大的空間，擺放著十多張雙層床，算上是次訓練營的其中一個負責人brian，男生營房就只有八人，而女生算上另一個女負責人，更只得六人。

時間一分一秒的流逝，此刻是午夜三時。

其中一座營房的門被打開，繼而有一個人走了出來，向著廁所方向走去。





數分鐘後，該名人類一邊洗手一邊照鏡的時候，鏡子的倒影突然照出其中一個廁格門緩緩打開……