唔係掛，我竟然可以入去女校溝女？: 第五章. (8)

時間尤如白駒過隙，我倆很快到了7仔，而思思正在挑選著她喜愛的飲品。
 
「揀完未呀？」
 
「平時我好少揀野嫁嘛…咁難得不如慢慢睇下先啦！」她說得很自然
 
的確，作為千金大小姐的她，起居飲食大概也不用靠自己大費周章。所以在這些平民化的店鋪內，對她來說就像一個未發掘的寶藏。
 
假如人生只剩下金錢與自由這兩個選擇，你會選擇當鳥籠內的金絲雀，還是無拘無束的毒J呢…
 




「係咪淨係可以揀一枝喳…？」
 
「係。」我淡淡地回應
 
「下…好難揀吖…要晒佢地唔得咩…」
 
「可以…但係你要先贏左冠軍。」我開個玩笑
 
「真係嫁？」她興致勃勃
 




「係呀，等你攞左先算啦。咁你今次飲d咩呀？」
 
在閒談之際，我也覺得漸漸口乾，便隨手拿了枝飲品。
 
「我…我同你一樣！」她指著我剛拿出的飲料
 
「哦？識飲喎。但係你著校服喎…」
 
「唔怕啦…」
 




「竟然要飲d咁平民既，平時你應該飲開高級好多嫁啦。」我拿去櫃台結帳
 
「不過其實依隻都幾好飲。」我從口袋掏出張廿元紙紗：「開埋呀唔該。」
 
「飲杯啦咁。」我遞給她其中一枝
 
「我未飲過依d嫁其實！飲杯！」她笑笑
 
唔是掛…啤酒都未飲過…
咦係喎…佢先中六…唔飲過真係唔奇。
 
「飲杯！」兩枝生力交碰著
 
「好唔好飲呢？」我喝下快1/3的生力
 




「唯一本地啤黎。」
 
「生力其實真係男人既浪漫黎，等於豆腐火腩飯一樣。」
 
咦…冇反應既…
 
我把目光重新放在思思之上，欸？！
她那臉頰已經紅得快熟透…
 
大佬你…都算係絕無僅有既一杯即醉…