唔係掛，我竟然可以入去女校溝女？: 第五章. (7)

當然，作為家訪的話，她的家人也應該在場吧，不然被人以為我們在搞什麼東西就誤會大了。
 
「比你家訪唔係唔得…但係唔等價喎…」我又再次按下陽光檸檬茶的按扭
 
「咁你想點呢？你想要十盒？」一盒陽光檸檬茶才$3.5而已
 
「冇人對你d檸檬茶有興趣。」她頓了頓，續道：「請我食餐飯就好啦！」
 
「好…一言為定啦咁。」反正我可以去7仔請她吃個撈麵餐
 




「嗯。」
 
我把目光重新定位，看到思思和Erica等等的隊員圍成一個圓，似是在慶祝剛剛的大勝。
 
話說之前Michelle說思思是個神級球員的時候，我還未相信，始終很難相信一個女生竟然可以是那樣天衣無縫，毫無缺點。
 
想著想著，假如思思能當我的女朋友，大概是死而無憾吧！
 
「咦，社工叔叔你黎睇排球賽吖？」不用想也知道誰在跟我講話
 




「支持下你地嘛。」我笑笑
 
「咁贏左有咩禮物先？嘻嘻！」
 
「陽光檸檬茶要唔要？」我指指手中的飲料盒
 
「我都想…但係好甜好易肥嫁…」她指著自己的肚皮
 
「咁一係你喺7仔自己揀，跟住入我數？」我隨口說
 




「好吖！」兩個可愛的小酒窩應聲而出
 
「唔洗同Erica佢地慶功咩？」
 
「唔洗啦下次先。」