唔係掛，我竟然可以入去女校溝女？: 第二章. (6)

我一眼關七，邊找尋梯子，邊留意著倉庫的情況。
 
「你知唔知邊度有梯？」我問
 
「好…好似冇…」她歪一歪頭，好像明白了什麼
 
「冇梯我地點上去…我又唔識輕功…依度究竟係唔係你既秘密基地黎嫁？」我搖一搖頭
 
古有「上山容易下山難」，今有「入倉容易離倉難」。
 




「咁…點算吖。」
 
講真…
依家走又走唔到…
打又唔夠打…
仲可以做d乜？
救兵又唔會有…
 
「對…對唔住吖…」她突然說
 




「唔關你事關邊個事…」我埋怨
 
「…」
 
一陣沉默籠罩著我倆，弄得氣氛有些尷尬。
 
死啦…講得太過份…
 
然而，她卻打破了沉默
「對唔住吖…」她再道




 
水汪汪的眼睛令我的怒火瞬消。
「唔關你事既…」我安慰道
 
我知道，她快要哭了。
 
「搞到咁當然唔關你事…冇人expect到嫁嘛…一切一切都係出面嗰d衰人既錯…」我續說
 
「真係既…？」
 
「係呀…嗱…不如咁…你依度咪好多1:1既真人公仔，你可以扮佢嫁，到時出面d人見唔到入面有人就自然會去其他地方嫁啦。」
 
話剛說出口，我便後悔莫及…

• 這裡的真人公仔全是裸體的…
• 就算她能順利過關，可是我呢…決不會有人認為我是個女的吧…？

不過唯一優越之處，林思思的肌膚珠輝玉麗、吹彈得破，與一個雪白的真人公仔無異。




 
「噗嗤…」她破涕為笑，露出天真爛漫的笑容：「白痴吖你…」
 
她由衷的笑容，令我差點迷失在這場愛情遊戲。
 
「放心啦…冇事既。」
 
「咁你呢？」
 
「我…我可以好似荷蘭叻咁扮係poster上面嗰個男人嫁嘛！」我急中生智
(注 : 此橋段出自陳百祥於「逃學威龍3之龍過雞年」之經典演出)
 
「果然你係傻嫁！」她捧腹大笑：「但係我d posters全部女黎嫁喎…」
 
「…」我無言




 
「點解全部posters都係女明星黎…」我苦惱
 
「唔理係相定係真人，我一見到d唔熟或者素未謀面既男仔就會好驚…」
 
「相都唔得？」
 
「係呀…不過喺screen前面既我又唔怕喎…」
 
「咁我呢…」
 
「你…我咪講過點解囉！」她嘟嘴說
 
所以…我對於佢黎講…
係一個特別既存在…




 
「喂，你地廢話講完未？」一把陌生的女聲從頭上傳過來
 
難道…我倆大限將至…？！