唔係掛，我竟然可以入去女校溝女？: 第二章. (5)

一聲巨響後，驀然頓時感到天昏地暗，斗轉星移，使人有種窒息之感。我從縫隙中向外一看，發現外面已尤如紅紅烈海，一陣陣煙霧不斷浮起。
 
「喂喂…出面冇事吖嗎？」林思思跑到門前
 
「…」外邊已經雅雀無聲，估計守衛也兇多吉少
 
「林同學，唔好講咁多，搵路走先！」我暫時隱藏著自己知道她真正身份的事實
 
「下…我…我唔知吖…平時Lucy會陪我嫁…但佢今日唔舒服…」
 




「Lucy係…? 」
 
「佢係我Daddy請既保鑣黎…」
 
「咁你Daddy知唔知你係依度？」
 
「唔知嫁佢…如果比佢見到我依度d野…仲點喎…」她露出楚楚可憐的模樣
 
唉…果然林思思係眾矢之的…
連其他組織都對佢有興趣…




不過…我唔會比佢有事…
如果唔係我仲點同大佬交待…
 
我從口袋拿出電話，準備聯絡呀蘭。
「呀蘭喺度？！」
 
「…」沒有回應
頂…冇訊號…
 
「彭、彭、彭」有人開始不斷拍門




幸好這度門有經過精密改造，要進來也不為容易。
 
不過，所謂「三十六計，走為上計」，硬碰硬的話對我絕對沒有好處。
加上我還有一個保護目標…
再加上我完全不清楚外邊的真實情況，
故此，不逃走的話只會劫數難逃。
 
我拉著林思思的手腕，著她緊貼著我，並不要發出任何聲響。
 
我反複檢查有沒有秘道或地下室之裡的開關，可惜事與願違…
我東張西望，祈求有一個地方可以令我們安然離去。
 
「頂…冇既…」我不斷摸索
 
「林思思，你真係確定冇一個走到既出口？一個洞口之類既野都得。」




 
「有呀！」她眨眨雙眼
 
「邊度？」
 
「咪你跌落黎嗰度囉…」她天真地說
 
我跌落黎嗰度？
我抬頭一看，對！就是那裡！
外面沒有直升機等等載具的聲音，大概暫時也不知曉屋頂上竟然會百密一疏。
不過…如果外面有狙擊手的話…
罷了！在作苟且也於事無補。
機會會在一瞬間就立刻消逝…
 
「你信唔信我？」我問




 
「信吖！社工叔叔！」
 
「我叫深sir，今年廿頭嫁喳…」我不禁吐嘈一番
 
可能…她的天真無邪…
可以讓我們逃過一劫。