呃Like 呃出人鬼戀(完): 第三十六晚：一切都早有安排！初次見面！

我喺手機到輸入咗自己嘅電話號碼，再撥出，一切都嚟得好自然。

電話接通，首先傳出一陣空空洞洞嘅回音，然後就聽到小雅嘅聲音。

「阿澤，不如你將我交俾佢地啦，咁樣大家都會無命。」小雅好緊張，嚟到依個不知明嘅空間，又要面對三座強大嘅神明，小雅仍然顧及我嘅安危。

「小雅，識到妳，我覺得喺我嘅榮幸。」我好鎮定，微笑咁回答。

「澤......」小雅一時不知所惜。





「小雅，你信唔信我？」

「信！」小雅毫無猶豫。

「咁我地就同師太決一死戰啦。」

「嗯，無論阿澤你有咩決定，我永遠支持你。」

我拎住電話同小雅傾計，笑到眉開眼笑。





師太只喺冷眼旁觀，對佢嚟講，我只不過喺一隻待宰羔羊。

不過，師太妳依刻唔出手，就已經注定你會一敗塗地！

「小雅！聽我指揮！打開Safari，開啟Google search engine！」我飛快轉換咗擴音模式，向住收音位下達，只有我地宅男先諗得到嘅最強必殺技。

小雅無任何疑問，跟住我嘅步驟。

「然後，輸入QR CODE 龍珠！見到所有所有嘅相關嘅QR CODE，全部都幫我用QR 掃描器掃一次啦！小雅，我地要叫出史上最強大嘅軍團！」手機屏幕一下接一下嘅閃動，無數嘅光束激射而出。





我嘅偶像！宇宙最強！打爆地球！撒亞人孫悟空，真真正正咁企咗喺我面前呀。

唔單止孫悟空，悟飯，比達，魔童......所有相關「龍珠」嘅人物全部雲集喺依到，我嘅眼淚因熱血而流出，原來我嘅「宅」就喺為咗依一刻而存在。

師太睇到眼前嘅情景，無數不知名嘅人突然出現，有啲成身發哂光，有啲綠色嘅，仲要搵啲煙肉包喺手臂到，完全唔喺常識可以理解。

「仲諗住反抗，我就要你死無全屍。」師太好似進入咗瘋狂狀態，雙手縮入衫袖，然後各自拎住一大把唔同顏色嘅符咒！向天左右一撒。

「我就同你哂冷啦。九天絕地！咒獸降臨！」師太大喝。

「車，煮飯仔咩。 輸入QR CODE 海賊王！」我滿有滋性嘅聲線。

「天兵天將！降臨！」

「 輸入QR CODE 美食獵人！」





「一百零八天干地支魔星降臨！」

「輸入QR CODE 妖精之尾巴！」

「玄天眾神降臨！」

「輸入QR CODE 聖鬥士星矢！」

「......」

我遠遠見到師太就覺得佢辛苦啦，好似個癲婆咁，拎住啲紙喺咁左掉右掉。終於，師太都停咗落嚟，不停咁喘緊大氣。

而我就毫不客氣，將我十七年動漫生涯中，所有作品如數家珍繼續一一數哂出嚟。





「師太，同我鬥二次元？你。未。夠。班。呀！」我同企喺身邊嘅JOJO第三部主角空條承太郎，一齊擺出佢獨特嘅挑釁動作。

＊＊＊＊＊＊＊＊＊＊＊＊＊＊

雖然，依家「孫悟空」「路飛」「阿勞」「星矢」「納茲」......等等，等等，嘅英雄人物全數都企喺我身旁，同我並肩作戰。

不過......

依一刻，其實我只希望有一個人可以同我一齊迎接最後一戰。

「小雅。」我稍為拎近手機。

「嗯。」小雅細細聲回答。

「仲記唔記得，妳同我講嘅第一句說話？」





「嘻，記得。你做咩改我啲相呀？」

「喺呀，原來上天一早已經安排好哂。」

「？」

「小雅！最後請妳將果張相條Link，化做QR CODE ，然後掃啦。」手機屏幕發出刺眼嘅光芒，無數光點曼天飛舞。

然後漸逐形成一個人。

「你好呀，我叫小雅，初次見面。」小雅單手按住額頭，做緊自拍影入邊嘅可愛動作。依家佢真喺實實在在咁企喺我眼前啦。

「妳......哈哈......妳好，我喺阿澤，初次見面。」我有啲唔好意思，同小雅做出一樣嘅動作。





曼山遍野，千軍萬馬對崎！兩大陣營即將展開撼動天地兩界(與動漫界)嘅一戰。

不過，一對少男少女，正手牽著手，含情對望。令到師太恨得咬出牙血。