呃Like 呃出人鬼戀(完): 第二十二晚：鐘意就要得到手？嫉妒咒法！

今晚，小宜留喺我屋企過夜。當然啦，我讓咗間房俾佢同小雅，而我就做一晚廳長。

不過，知道咗成件事，仲叫我點瞓得著。

東寶集團啊！雖然唔喺話好似誠哥咁大嘅地產商，但係喺東北擁有好大勢力，政府收屋收地都要約見佢地老闆，簡直就喺土皇帝。

而我只不過喺一個讀書唔喺好叻，鐘意上網POST相，呃下網友啲LIKE嚟過日辰嘅宅男，文又唔得，武又唔得，由始至終都靠一股勁去衝，再加少少運，先可以保得住小雅。

如果小雅肉身俾佢地一大班保鑣睇實，唔好話去掂，望都未望到又會俾佢地嚟搶。





我可以點做呢？

＊＊＊＊＊＊＊＊＊＊

房間裡面，小宜用番聽筒仲同緊小雅傾計。

小宜真喺估唔到，差唔多成年都望住姐姐昏迷不醒，但喺依家竟然可以用手機同姐姐對話，世事確實無奇不有。

「小宜，依一年真喺辛苦你，好對唔住。」小雅好內疚，要個妹妹擔心咗咁耐。





不過，小宜無即時回答，諗咗一陣。

「 姐姐......」小宜好似下定決心咁。

「嗯......小宜，有咩事你直接講啦。」突而其來嘅緊張氣氛，令小雅語氣都認真起嚟。

「妳同阿澤喺咩關係？」

諗唔到妹妹一開口，竟然問依種咁私人嘅問題，而依個問題，小雅其實一直都逃避無去諗。





兩個女孩，提及一個男仔， 大家都無言以對。

「妳知唔知道頭先，阿澤搏哂命咁同阿克打，仲差啲俾架雙層巴士撞。我當時只喺嚇到腳軟，連行多步都無力。但喺，阿澤竟然可以諗都唔諗就衝出馬路到保護妳。」小宜故意壓低音量，避免外邊嘅阿澤聽到。

「我......我真喺唔知點樣感激佢。如果我能夠醒得番，我一定會諗辦法去報答佢架。」小雅實在再諗唔到點樣答小宜嘅問題。

「咁......如果你醒唔番呢？」

「吓？」

「我話，如果你醒唔番又點呀？妳永遠都只能夠留喺部手機入面，又可以為阿澤做啲咩？」

「我......」

「我就可以為佢做任何嘢。」





「小宜......妳......」

「我覺得，我鐘意咗佢。」

「......」

「姐姐，你可唔可以成全我地。」

「小宜......太突然啦，我都唔知點答妳。」小雅好亂，咩叫成全佢地？自己同阿澤又唔喺啲咩特殊關係，我點可以單方面決定。

「唔緊要，你答應我唔好阻止我地發展就得啦。最後，就由阿澤自己決定啦。」小宜揚起咗一個勝利嘅笑夭容，雖然小雅睇唔到，但喺佢隱隱感覺到妹妹變咗。

「小宜，你喺咪好嬲家姐？」





「嬲？唔喺......我喺妒忌妳，家姐。」

「吓？」小雅完全無諗過妹妹講出依句話。

「由細到大，媽媽咩都睇重妳，咩都要我學妳，我永遠都活喺妳嘅陰影之下，就算到妳出事之後，媽媽將全副精神都放哂去陪妳。我呢？就算我幾日無返屋企佢都無過問啦。家姐......妳出事之後，我覺得我終於都做番自己啦。」小宜真喺笑咗出嚟。

「我.....我無諗過會咁架，小宜，對唔住，對唔住呀。」一年前，妹妹喺一個好聽話溫馴嘅人，原來佢只喺將咁多唔開心嘅嘢埋藏喺心入面。

小雅受嘅打擊真喺比死更難受，終於都崩潰咁大喊。

「哈哈......」相反小宜笑得更加大聲。

＊＊＊＊＊＊＊＊＊＊

瞓喺廳到嘅阿澤都聽到小宜嘅笑聲，不過佢當然唔會明白當中嘅殘酷意思。





「佢地兩姐妹感情又幾好喎。」阿澤微笑，然後側過頭，慢慢咁瞓著咗。

＊＊＊＊＊＊＊＊＊＊

「人類最不能自拔嘅劣根性就喺嫉妒。我放嘅依條毒餌，相信已經掛喺獵物嘅口唇邊啦。」師太冷笑一下，為東寶倒咗杯茶。

「嫉妒？」東寶內心一沉。的確，如果自己唔喺對嗰仔充滿妒忌，可能成件事都唔會發生。