呃Like 呃出人鬼戀(完): 第十七晚：女仔都用過肩摔！咁喺常識！

等人嘅時間真喺好難捱，不過同小雅用WhatApps傾計，原來唔覺唔覺就六點鐘啦。

操場班女仔亦都入哂去更衣室換衫，之後著番便裝離開學校，而小宜都換咗件素色恤衫，七分牛仔短褲，頭髮仲放番落嚟，行起路仲好飄逸。

我從後同佢地相隔一段距離，跟咗大約一個街口，其他嘅女仔就同小宜分開咗。實在太好啦，淨喺跟小宜一個更加唔會咁易俾人發覺。

我放膽再跟近一啲。

小宜沿途都好似放慢腳步，唔似趕去醫院，間中就拎部手機出嚟睇下。再跟咗好一陣，已經轉咗幾個彎，我先發覺，所行嘅位置越嚟越偏辟，好似走入咗條後巷咁。





手機微微一震。

「阿澤，你去緊邊到呀？」小雅嘅訊息。

「我都唔知喎，仲跟住小宜，依家入咗去一個好似後巷咁嘅地方。」我挨喺牆角，正探頭偷睇小宜轉咗去後巷左手邊，然後單手快速回覆。

「你依家行嘅位置，啱啱喺屋企相反方向，而且附近根本無任何醫院呀。小宜點解會嚟依啲地方架？」最後加咗嗰驚慌感情符號。

「依？你點知我地位置架？」奇怪啦，我記得無講咗。





「我開咗GPS。」嘩！我簡直覺得自己同小雅兩個變成真正偵探。

「唔好亂諗嘢住，等我繼續跟住小宜，好快就會知。」我傳埋依嗰訊息就收起電話，快步咁走去另一個轉角位。

正想再探頭偷睇一下，竟然聽到小宜喺到嬌笑。

「唔好啦......好痕呀......啊！依到唔得呀，你想瓹去邊呀，BB。」小宜笑得好開心咁。

唔喺呀？竟然專登走入嚟後巷搞啲咁嘢？





我抱住學習嘅心態，想睇清楚究竟戲情發展到咩階段時，褲尾好似俾啲咩抓住，低頭一睇。

「喵......」原來喺一隻手掌咁大嘅初生猫仔，佢仲想繼續沿住褲腳爬上嚟。

「唔好意思猫仔，你去第二度玩住先，哥哥有重要嘢睇呀。」我輕輕擺動隻腳，而猫仔亦都抓唔穩落番地啦。

就喺依個時候，背後傳來一聲怒喝！

「仲唔俾我捉到你！你個虐猫衰人！」我回頭一睇，竟然喺小宜。佢一定喺發現咗我，然後圍住座大廈兜到我後面。

既然都露咗涵，不如就開門見山，直接同小宜講哂成件事，等佢同姐姐相認啦。

「妳好呀，我喺小......」我展現一個微笑，然後伸出右手，盡顯友善嘅風度。

諗唔到，一瞬間整個世界就作出一百八十度嘅轉變啦。





我所講，並唔喺事情嘅轉變，而真喺我眼前嘅境像一百八十度反轉咗過嚟。

「小咩都無用，你去死啦！衰人！」小宜突然喺我眼前消失，然後我伸出嘅右手就被人扣住，果一刻我感覺到自己雙腳騰空，然後成個人反轉，頭下腳上；就喺我變成繼線風箏之前，我最後見到，小宜踎低身使出一招過肩摔將我撻向後巷一堆竹籮上。

「雅......」就喺我重重咁撻喺道之前，總算勉強將最後一個音擠埋出嚟。

「咩話？」小宜呆呆咁瞪大隻眼。

「啊......喺呀，我喺小雅嘅朋友，小宜妳實在太衝動，不過我好喜歡。哈......」我仍然倒掛喺竹蘿上面，講出最能夠打圓場嘅星爺電影對白。

小宜單手差住條腰，依然用好懷疑既眼神上下打量。

「你......你點知我個名架？你識我家姐？但喺我未聽過家姐講過有個變態痴漢朋友喎！」小宜語氣強硬，同剛才練波時簡直喺兩個人咁。





「哈......我可以慢慢解釋妳知架。不過......可唔可以扶我起身先，我好似閃親條腰......」我稍一移動，背脊就刺刺痛啦，只好又伸出右手希望小宜可以拉我起身。

「嘻.....算啦，睇你就算真喺壞人都唔夠我打，就聽你解釋。」小宜終於放下武裝，笑住咁慢慢扶起我。

「唔該哂，哎呀......不如我地搵個地方坐低傾。」我反手捽住條腰。

「好。不過等我餵埋啲猫仔先。」小宜講完就入番頭先條後巷。

「餵猫？」我跟住小宜後面。

原來依到喺流浪猫聚腳點，我一望入去己經見到至少有十隻大大小小嘅花猫開緊餐。

小宜好細心咁將帶嚟嘅猫糧同水，分配喺唔同嘅膠碗。

當我慢慢走近時，啲猫都無走開，應該已經被餵養過一段時間啦。





有時小宜會輕輕咁撫摸一下食緊嘢嘅小猫，但喺野猫始終喺野猫，唔鐘意俾人摸，所以一個反抓就喺小宜嘅手臂上留低一條又長又紅嘅傷痕。不過小宜只喺笑笑咁移開隻手，一啲都唔介意，仲細細聲講咗句：「對唔住呀。」

點解一個女仔可以有咁多個面孔，咁多重性格既？