呃Like 呃出人鬼戀(完): 第十四晚：白石茉莉奈萬歲！AV最高！
升降機門除除打開，原本應該喺一個垃圾房的地方，依家竟然變到黑漆漆一遍。而且，並唔喺普通嘅黑，喺一種黑到好似入咗深淵嘅感覺。
不過，依家前無去路，後又有追兵，既然喺咁唯有搏一搏。
我踏出一步，離門升降機閘門，另一雙腳亦跨埋出去，果種黑暗嘅錯覺，簡直令我感得好似原地踏步咁；所以我只好繼續一步步向前行。
就喺我完全沒入黑暗之中，忽然後頸好似有啲咩掃過，自然回頭一望。
「吓！點解會咁架！」我不自覺咁叫咗出嚟。
「阿澤？發生咩事？」小雅急急咁問。
「我地，頭先出嚟果部升降機......唔見咗！」當我回頭時，只喺見到身後一切都變成咗深遂嘅漆黑。
無可能！我行都唔過十步，點會咁快遠到連升降機門都見唔到。
又有啲嘢掃過我後頸啦，我起哂雞皮，又望番上前，不過前後嘅景像根本一模一樣。原來我一踏出部升降機，已經被黑暗吞食。
喺啦！手電筒！
「小雅，麻煩妳再開一開手電筒功能。」我即刻向住電話講。
「唔喺呀！阿澤，其實我一路都已經開住，不過啲光好似......完全無用。」小雅把聲都震埋。
我將電話屏幕照向前，小雅形容得好啱「光，完全無用」。
手電筒嘅光，只喺停留屏幕表面，完全照唔到出去，就好似前面有一層好厚，好厚嘅黑色濃霧。
「咁靈體偵測器呢？」我再問。
「都無用呀，依家只喺淨番正中間代表你嘅紅色咋......」小雅無再講落去。
因為，一把好似磨牙咁嘅奸笑聲，忽然喺四周響起；笑聲時近時遠，就好似戴咗環迴立體聲耳筒，如果喺音樂或者喺一種享受，但喺依啲笑聲，簡直喺精神折磨。
「嘻......奇聞！奇聞呀！原來隻嘢竟然附咗入手機！依個喺佛道兩家從未有過嘅新發現。小朋友，乖乖將隻嘢放喺地下，我就帶你走。」奸笑聲中難掩佢嘅興奮。
我當然認得出依把聲，就喺頭先病房入邊，被小雅嘅手電筒照到倒地果個長髮女人。
「喂，靚......女士，話時話我地又無得罪妳，妳咁樣即喺非法禁錮喎，好大罪架。」我緊緊抱住小雅，好怕佢唔知會喺邊到突然伸隻手出嚟搶。
「啊！......好嘅唔.....靈......」真喺醜嘅靈，都未講完，突然有雙冰冷嘅手從後揑住我條頸，本來緊抱住手機嘅手，無力地放鬆咗，而左右兩側又唔知邊到各伸出一隻手，一邊扣住我左手，另一邊就好大力咁搶我部手機。
我死都唔會放！我唔想再同小雅分開，咁難得先知道小雅仲在生，只要......只要將部手機交到佢肉身嘅話，一定！一定可以令佢醒番。
「小雅！咩都好試吓仲有咩Apps ！全部用哂佢啦。」我用盡餘下最後一啖氣，希望小雅可以再創造一次奇蹟。
可惜......
最後......
連手機屏幕上嘅光都消失埋。
「ああ.....要らない(不要呀).....要らない(不要呀)........」一陣奇怪嘅女聲，忽然從黑暗之中漸漸傳出。
「気持ちいい(舒服嗎)........ハハ(哈哈)........」跟住一把完全同依家嘅氣氛不配搭嘅男人淫邪笑聲亦緊接住。
更奇怪嘅喺，拉住我左手嘅怪力亦開始放鬆。
我見機不可失，馬上掙脫束縛，然後雙手搶回手機，估唔到揑住我條頸嘅手亦都自行消失；而本應深黑色嘅環境，無原無故好似片片碎落咁，開始呈現番現實嘅垃圾房。
就喺垃圾房門外一角，我終於又見番嗰長髮女人坐咗喺地下，不斷喘氣。
我正想趁機衝出去。
「你唔好行埋嚟呀！變態佬。」女人尖叫，而且仲好似遇到色狼咁，雙手抱胸保護自己。
我雖然唔知佢想點，不過正門得一個，唔走點得呀；所以我好小心咁，一步步繼續接近。
「啊......唔好......停呀， 唔好......停呀。」女人呼吸越嚟越重，面上仲泛起兩片紅潮！簡直好似被愛撫呻吟一樣。
就喺我進退兩難時。
「啊！變態！阿澤喺嗰咸濕佬嚟架！」小雅突然大聲鬧我。
「喺！你嗰淫蟲，賤精，麻甩佬！」女人亦跟住咁鬧。
「喂？咩事呀？」我真喺完全傻咗，做咩兩個女人頭先仲明明對立，依家竟然夾埋插我嘅？
「衰人阿澤，睇吓你喺部手機裝咗啲咩！正衰人，仲叫我去睇！憎死你呀。」小雅嬲到好似部手機都感到發熱。
我一望嗰屏幕，差啲連鼻血都噴埋！
依家畫面竟然播放緊辣媽女神「白石茉莉奈」嘅激情一幕，男女水乳交融難捨難離。
點解我部手機入邊有依啲AV架！
「冤枉呀！小雅，唔喺我入架啲片。」我慌忙解釋。
「你仲唔認，唔通你想話我入架！好過份呀。估唔到阿澤你喺啲咁嘅人......」小雅激動到又喊。
等等！我醒起啦！就喺我買部手機第二日，咪約咗老麥出嚟，條友拎咗我部機玩咗成大半日，一定喺佢，G級奶媽「白石茉莉奈」一向都喺佢嘅最愛，估唔到今次錯有錯著，俾套AV 救番，真喺唔知嬲佢定多謝佢。
稍後先再同小雅解釋，依家情況逆轉啦，睇嚟長髮女人對AV 好敏感，要問清楚小雅肉身位置，同埋究竟邊個唔想小雅翻生，唯有依次機會。
為咗小雅，禽獸都要做一次。
我將屏幕對住長髮女人，然後一步步走近，學似佢一樣發出陣陣奸笑。
「做咩對住我淫笑！走開呀。」「喺呀，阿澤你做咩對住佢淫笑呀？走開啦。」
「變態！」「衰人」「淫賊」「無良心」
喂......夠啦。