呃Like 呃出人鬼戀(完): 第九晚：我想了解妳多啲！直接通話！

「我幫。」衝口而出之後，先至覺得自己有啲逞強。我只不過喺一嗰平平無奇嘅宅男，叫我打機吹水都仲可以，我何德何能可以幫到佢。

「不過，我真喺唔知可以幫到妳做啲咩？」我之後只好死死地咁打多一句訊息。

「不如我地直接通話好嗎？我想親自同你講聲多謝。」等咗一陣，嗰女仔咁回覆。

咩話？直接通話？唔通就好似前晚一樣。

「我都唔知點樣解釋，每到深夜兩點十五分，我就有依種能力可以用到通話功能，其他時間就算好彩我打得出，都無辦法對話。所以我先至會一次過打咗咁多嗰電話俾你朋友，真喺好對唔住呀。」訊息後面再加多一個道歉符號。





原來喺咁，可鄰老麥做咗佢嘅白老鼠。

既然件事都發展到咁，我都好希望了解佢多啲幫到幾多得幾多，或者我平生都無做過咩好事，今次就當積番多少陰德。

「好，咁我約實你兩點十五分接聽你電話。」訊息傳出，返唔到轉頭啦。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

講起嚟真喺世事難料，前兩日我聽到電話響嚇到走都走唔切；依家又為咗等佢再響，等到坐立不安。





睇番手機顯示嘅時間，已經喺兩點十四分.....五十秒.....五十五秒.....五十九秒.....

「玪.....玪玪.....」電子時鐘啱啱跳到兩點十五分！鈴聲立即響起，真喺好準時。

不過，依種電話無論你接幾多次都好，都總有少少驚，我仍然用好慢嘅速度，㩒咗接聽，先將電話移到耳仔，同樣喺變咗打出嘅音效，然後聽筒發出「嗞嗞」雜音，就傳嚟一句：「多謝你呀。」

嘩！原來喺真架。我一陣手忙腳亂竟然唔小心收左線。

「頂！阿澤你喺咪痴咗線。」我都俾自己嘅細膽激嚫！





好彩我仲記得果晚嘅情況，打番自己嘅電話號碼。

好快電話真喺有人再接聽，我有啲唔好意思咁話：「堅唔好意思，我唔喺有心收線，喺意外，意外啫。」

聽筒另一邊一啲聲都無。

「喂？喂？請問有冇人呀？」奇怪唔通打錯。

正想拎開電話睇真啲，聽筒就傳嚟一把好似天籟一樣咁好聽笑聲：「嘻......」

好可愛嘅笑聲，我不其然將佢同手機自拍照果嗰女仔重疊埋一齊。

「真喺好多謝你相信我，我被困喺依到己經差唔多成年，依一年嚟我第一次笑得出。」聲音有啲吵啞，佢喊呀。

「一年？發生咩事？你究竟依家喺邊度？」我俾佢嘅說話嚇咗一跳。





「嗯。我叫小雅，就喺大約一年前......」之後依嗰叫做小雅嘅女仔慢慢咁將佢仲記得嘅零碎記憶講俾我知：

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

一年前，小雅同樣喺考完DSE等放榜，所以搵咗份暑期工幫小學生補習，希望可以儲到啲錢買部新手機獎勵自己。某一日，佢終於收到份工資，亦如願以賞買到部生果5S。

當晚，佢就約埋三五知己去歌K慶祝，一直唱到深夜兩點鐘；不過小雅應承咗媽媽唔會玩通宵，所以獨自一個走先。

就喺依嗰夜晚開始，小雅就再返唔到屋企啦。

小雅一個人慢慢咁行去小巴站，估唔到就喺一個轉彎位，突然有雙戴住手套嘅手，狠狠咁勒住佢條頸，然後拉咗佢入條後巷。果嗰人將小雅推咗落地，不斷咁喺佢身上搜，終於俾佢搵到果部新手機啦。

部手機喺自己辛辛苦苦咁賺錢買架，小雅一時諗唔到自己嘅安危，轉身上前就大啖咬咗落去嗰賊手臂。





「死八婆！」賊人受傷大叫咗一聲。

而小雅都呆咗。

仲未嚟得切反應，小雅額頭上就受到一下重擊，一下......兩下......三下......四下......根本數唔到落去，小雅就咁失去咗知覺。

當逐潮恢復意識，佢發覺自己並唔喺醫院，亦都唔喺屋企，而喺去到一個「無」世界。一個好似無邊無際嘅空間，唔通依到就喺天堂？不過咁黑應該喺地獄啦。

小雅好想離開，不斷向前跑，可惜日子一日一日咁過，佢只可以漫無目標咁游離喺依到......直至......

「咩話！一千！」有把帶住傻氣嘅男仔聲闖咗入嚟。

「唔駛找！」空間上方好似出現咗一條細細嘅裂縫，滲入一綫希望。

（邂逅篇 完）