呃Like 呃出人鬼戀(完): 第七晚：一定要整番部手機！唔會後悔！

曾經有部手機好好地，我無珍惜，當知道撞鬼時竟然掉爛咗佢，塵世間最痛苦嘅莫過於此；如果可以俾我再揀，我寧願繼續俾隻女鬼搞，都唔想無手機用。

依家真喺無辧法啦，生果機嗰殼根本開唔到，想睇下入面壞咗啲咩，又或者換舊電試下都唔得。唯有聽朝再去先達睇下整唔整得番先算。

估唔到搞到咁嘅田地，我先有覺好瞓。

其實成晚都唔喺瞓得咁好，醒下......瞓下......諗番原來咁大嗰人，都好少同女仔傾過電話，主要咪喺Facebook Like 吓，再唔喺就 WhatApps吹水，從來無深入認識過對方。雖然，手機嗰女仔用咁嘅方式出現真喺嚇死我，但喺......點解我好想再聽一次佢把聲，再了解吓佢嘅故事，問一問妳喺邊嗰？妳叫咩名？妳幾大架？妳......點解會死......

依家明明合埋咗雙眼，不過眼皮裡面就好似變成咗嗰手機屏幕，一張張自拍照，一次次地重現。





總之俾陽光照醒果陣，己經又到咗下晝，生理時鐘喺咁我控制唔到囉。

匆匆洗面刷牙，但喺又用番好長時間去臘頭換衫，唔喺我貪靚，因為唔需要。而喺每次去先達整機， 我一定要搵傳說中嘅整機神手：「潮玩達人」潮哥。佢被人稱為業界嘅加藤鷹，無論幾乾幾霉，幾幼幾老，只要俾佢隻金手指輕輕一挖！保證有水出。

啊！唔好意思，應該話無論部機幾殘幾爛，幾新幾舊，只要俾佢把小鋼鋏一篤！保證用得番。

不過，加藤潮唔喺嗰嗰拎部機俾佢都會整，只有佢覺得你啱睇，先會出手。不過，所謂「啱睇」嘅標準就次次都唔同，我唯有盡力而為。

當我嚟到先達二樓時，遠遠聽到有群人喺潮哥舖面前起哄：「Yo！Yo！Peace！」





我慢慢穿過人牆，見到企咗喺舖面櫃枱上嘅潮哥，己經領略到今日自已幾咁唔「啱睇」。

原來，喺hip hop 呀。

潮哥一身板仔造型，頸上邊唔數都見到有十幾條鍊，正喺到勁歌熱舞。見到咁嘅情況，避免俾潮哥見到我錯造型留低嗰壞印像，我只好失望走人。

估唔到咁都俾高高在上嘅潮哥見到我，指住我一路Rap住唱：「Yo！青頭仔你今日有啲嗡，話比哥哥知What Up！」

喺咁嘅環境俾潮哥叫住唔係掉面，喺Face呀。





我即刻返轉頭，然後好似抽筋咁跟住Rap：「Yo！我部手機唔用得，連......開機都唔得！Yo！」

潮哥眉頭皺到可以夾斷筷子，不過好快佢就跳番落地大叫話：「好啦，有嘢做今日concert收場，聽日再玩。」人群就開始散退。

潮哥返埋嗰位，示意叫我拎部機佢睇。佢拎住部機轉嚟轉去，一邊好似醫生睇症咁念：「無咩表面傷痕，花左少少唔致命，不過插電無反應，可能喺燒咗底板。」

然後潮哥笑住咁話：「阿宅你都有料到，生果機好少可以死到咁，我可以幫你開咗嗰殼睇下咩事，不過事先聲明，殼一開無咗原廠保養，機身一定花，仲會留低接口條痕架。」

「完全無問題，如果救唔番，花唔花有咩關係。」我攤開雙手，扮哂瀟灑，無人知我幾肉痛。

潮哥微笑一下，拎住一支尖頭鑿，一下下咁喺電話機身好細心咁挑；而我因為好奇唔覺唔覺越烘越埋，點知「啲噠」一聲，電殼應聲拆開，而我同潮哥兩嗰人都被眼前嘅情境嚇到彈開咗。

潮哥率先笑住咁插我：「挑！宅哥，唔喺無事搵我嚟玩呀？依部電話仲用得？」

我都唔知點答，只喺眼定定咁睇住果部被撬開嘅手機，手機成嗰底板都已經生哂銹，仲有好多鐵屑碎片瀉滿成嗰工作枱，唔好話維修，貼錢都無人收啦。如果唔喺前果兩晚用過，連我自已都唔會相信部手機曾經可以用得到。





依刻喺我腦入邊所諗，己經完全唔喺錢銀問題......

「咁......我以後仲點樣搵番妳呀......」