呃Like 呃出人鬼戀(完): 第六晚：坐定等你打過嚟！唔會卸妳！

第六晚：坐定等你打過嚟！唔會卸妳！

唔好以為靚女大哂，破壞我地兩兄弟感情就無數講。我翹埋雙手，盆住腳望實部手機等佢響。

可惜，等咗成粒鐘都無反應，早知忍住先，依家有啲洩咗道霸氣。所以我只好去煮嗰公仔麵醫下肚，話哂喺長期抗戰。

就喺食嘢期間，又有嗰WhatApps訊息，雖然明知唔會喺老麥，但喺都有少少期待。原來只喺嗰新聯絡人，反正我一向都來者不拒，所以諗都唔諗加佢入名單先。

喂？咩無名又無相架，只喺簡單有句留言，唔通又喺廣告。





「你好」一個好例牌嘅開場白。

「你好，邊位呀？即喺男定囡。」男嘅話我哋無繼續嘅空間，囡呢仲可以傾多陣。

「？.？我喺女仔，做咩咁問。」

「無，互相了解下先啫。點解妳會加我嘅？」囡到！近排好似幾有女人緣。

「我都唔知，我依到咩都無，好黑......好凍......淨喺可以用電話。」





「吓？妳唔喺俾人禁室陪育嗎？」

死啦，唔會喺援交搵上門掛？之後傾多陣就會申無錢，屋企又唔理，仲會問哥哥可唔可以幫吓佢。我好無定力架，唔好考驗我。

「我唔知，我有番意識就嚟咗依度。我......淨喺可以用到電話入邊嘅功能。」之後，傳來一嗰喊樣公仔。

條女咁古怪？講緊啲咩呀？

「我睇到你Facebook ，我睇到你E-mail，我睇到你啲相，我睇到你高登帳號，仲有好多好多關於你嘅嘢。」





我慘叫一聲，死啦！原來比人起咗底，邊嗰咁大整蠱，我有得罪人咩？依一兩日咪得老麥一個，不過我信佢唔會咁賤。咁我幾時留言講錯嘢？還是身邊仲有咩人唔妥我？

我抱住頭，左諗右諗，點都整理唔到喺邊個台衰咗。

對方亦都無再留言。

我即刻打開高登Apps，由吹水台開始睇，近排有咩人俾人起底，有無咩改圖出咗，好彩無一樣嘢同我有關。雖然有少少鬆番，但喺又諗唔明點解頭先WhatApps條女要咁兇我。

反正睇開就繼續睇，喺高登根本唔會記得時間喺幾咁快過。

突然，手機震動，來電鈴聲響起，屏幕畫面換成有電話打嚟，待接......而依家嘅時間又喺一樣「兩點十五分」。

依刻我先省番起，我咪一直等緊佢打嚟囉，盡力谷番道怒氣出嚟，然後㩒咗接聽後，將聽筒放近耳邊，我己經做好心理準備，又會聽到果陣風聲。

不過，今次我又估錯啦。聽筒無傳來任何風聲，亦都會任何人回應，反而變咗我依邊打出等候待接嘅響聲。





頭先明明喺電話響，我㩒接聽，點解會變成咗我打出等人接聽架？

「嘟......嘟嘟......」我一時都唔知點做好，收線？等接？不過現實無俾我考慮太耐，對方己經接聽啦。

「你終於都打俾我啦，多謝你。」把聲雖然加咗啲電音，發出「嗞嗞」嘅雜聲，不過我認得出就喺前晚嚇暈咗我果把女聲。

我終於都可以肯定啦，我要覆卓嘅對像一定唔喺人。

我嚇得又再收線，希望可以暫時避一避，點知，當我望住部手機屏幕所顯示嘅打出電話號碼時，我雙腳一軟跪咗喺地下，頭先打出嘅竟然就喺我自已嘅電話號碼！

我用自已嘅電話，打番自已嘅電話號碼，可以接通之餘，仲要有嗰女仔接聽。

可以話驚魂未定，頭先嘅震驚都未過，WhatApps又傳嚟新訊息......





「你做咩收我線？」喺果嗰起咗我底嘅女仔！

電話，WhatApps，Facebook ，E-mail，高登，只要我用緊依部電話，佢就會搵到我咁，咁我唔要啦。我狠狠咁將部手機掉向牆角，發出一吓好響亮嘅撞擊聲。

不過，好快我就後悔.....

「X街啦......賣咗佢咪得囉，掉爛咗渣都無呀。」我趕緊拾番起部機，機身好彩無咩損花，屏幕無爆到，只喺......

部二手手機，再開唔番。