<網上交友的第一次> 憑感覺愛上你: 大結局（1）

  ↵我講過要放棄鍾意Wilson，我實在搞唔通究竟Wilson對佢嘅女同事有無意思，我怕Wilson騙我。當佢問我去唔去海洋公園時，

我怕我答應佢嘅話，我對佢嘅愛意會越來越深，但又唔忍心推咗佢。所以我決定搵Jessica陪我，而佢都一口答應了，仲話會

幫我仔細分析Wilson嘅為人，喺佢身上chok多啲料。

赴約當日，我同Wilson約咗10：30am金鐘等，當其時Wilson係唔知我約埋Jessica。就喺我仲有3個站先落車嘅時候，Wilson

send whatsapp嚟話佢已經到咗，跟住我call Jessica





『喂，你去到邊呀？』

『咩去到邊？我喺屋企呀』

『咩話！我約咗你今日去海洋公園架！』

『哈，係咩？記錯時間添，依家我嚟實好遲架，無辦法啦，你地玩得開心啲』

『你....』





『唔講啦，我約咗Kenneth，bye』

好明顯Jessica重色輕友！但依家變咗我要同Wilson單獨去海洋公園，我又怕我嘅心會再次動搖。我一步一步慢慢行去閘口，

不過我左望右望都唔見Wilson，我call緊佢手機嘅時候諗，唔會佢又玩我嘛......

『Wilson，你又話到咗嘅，你喺邊呀？』

『嚟緊啦，望到你啦！』





『下，係咩？點解我見唔到你？』

當我諗住拎轉身行嘅時候，我撞正一個原來企咗喺我後面嘅人，我撞到果個人嘅心口，雖然我額頭有啲痛，但我連忙同果個人

講聲對唔住。由於果個人身體比較高，我就好矮，撞到嘅時候，直視時我只係望到佢心口位，講完對唔住後，我個頭望上

去......

『有無搞錯！原來係你！痛死我啦！又唔同我講你喺後面！』

『小姐，你個頭硬啲定係我心口硬啲呀』Wilson一邊講一邊搓個心口

『咩喎』

『諗住嚇下你啫，估唔到你一野衝埋嚟』





『邊個叫你咁無聊嚇我』

『行啦，今日係假期，出面應該排晒長龍等巴士』

『哦』

喺排隊時間，我發覺到原來咁多人鐘意著情侶衫去海洋公園，條隊不斷行前，嚟排隊等車嘅人陸續有來，我先見到一對情侶著

住墨綠色類似軍裝嘅情侶衫，另外我見到一對係分別著住灰淨色嘅裙同灰淨色嘅外套，我好自然望下我同Wilson著嘅衫，係黑

白雙煞，唔怪得知做唔到情侶。大概等咗15分鐘就上到車，我地坐喺樓上嘅位，唔駛幾耐就開車了。當我諗緊陣間玩咩機動

游戲嘅時候......





『呀！』我大嗌咗聲，雖然巴士有啲嘈，但已經嚇到Wilson

『嚇死人咩，無端端嗌』

『我地唔記得買飛呀！總之頭先去counter買咗先排隊啦，陣間買又要排長龍了』

『買咗啦一早，等你嚟嘅時候已經去咗Seven買了』

『咁醒目？幾錢呀？』我已經喺個背囊搵緊個銀包

『唔駛啦，係我叫你陪我嚟嘅』

『咁好？咁多謝喎』

咁就慳咗200幾蚊，心情都開心啲





去到海洋公園門口，Wilson叫停咗我

Wilson：『你企喺度，影返張相先啦』

『點解喎，有咩咁好影？』

『幫你影相仲咁嘅語氣，快啲啦』

『咁你呢？』

『唔駛了』

我企定定比Wilson影，但太陽太曬，搞到我嗱晒口面望住鏡頭





『開心啲啦！』

『好曬呀！』

『咁我地自拍啦！』

『下？』當我諗緊點解嘅時候，Wilson企咗喺我隔離，攞住部手機向上伸直少少，哦～原來自拍，部相機可以阻擋太陽嘅強烈

光線。入到去，攞咗個地圖睇，其實下面無乜野玩，影相居多，首先去咗水族館，然後去探下4隻熊貓。其實海洋公園我好多

年無嚟了，原來熊貓搬咗竇，環境的確靚咗好多。之後去咗懷舊香港，Wilson仲喺果到影咗好多相。由於果度擺咗啲地攤位，

Wilson逼我做水果婆！

『Kelly，不如你踎喺度扮賣嘢』

『咦！咁核突！』

『嚟啦，影張相當留念』

『唔要！不如我幫你影啦！』

『你似啲嘛！』

『咩話？我唔似賣水果嘅阿婆囉！』

聽到都有少少罄，我即刻離開依個鬼地方。聽人講Helloween又係依度搞，加上條街咁懷舊，吸引到啲朋友仔嚟都唔出奇。

（其實我講笑）

我行下行下，行到去搭纜車嘅地方，Wilson就一直跟喺我後面。

『對唔住囉，我講笑咋』

『哼！』

『乜你諗到嘅係賣水果嘅阿婆架，人地賣花賣火柴都可以係少女嚟啦，你都可以係賣水果的女孩啫』

『得啦，唔駛tum我啦』

『咪咁小器啦』

我做咗個鬼臉比佢

到我地入去了，職員叫我地一人坐一邊，之後對門就慢慢關。唔知你地有無依種感覺，喺架纜車就出時，心情係好緊張，之後

架車逐漸加快，然後出到去，重見天日！個感覺有少少刺激。風景好靚，加上好好天，我即刻叫Wilson幫我影張相。

『喂Wilson，唔該幫我影張相吖』

『你唔係嬲我架咩！』

『傻嘅，我點會咁少野就嬲，嚟啦，快啲幫我影』

『哈，好啦』

『你坐依度啦，我地一齊影張，風景咁靚唔好嘥』

『嗯』

我一邊望住風景一邊喺度諗，如果Wilson鍾意我，做我男朋友，你話幾好呢。我偷偷拎轉望住佢，我見佢攞住電話個手係度

噤，莫非佢同娘娘whatsapp緊？點解你要咁對我喎！個身就陪住我，但個心又唔喺度。死了，我又亂諗野！當我見到Wilson

抬返起頭時，我即刻望返風景，我背後聽到Wilson笑咗一聲，我心諗：乜料？無幾耐，我收到阿jade嘅whatsapp








奇怪，我真係一啲印象都無。






---------------------------------------------------------------------------------------------------------------------

打打下文眼瞓了，要訓覺，個結局唯有分2part出