<網上交友的第一次> 憑感覺愛上你: 結局篇：放棄了

  ↵日子一日一日咁過，距離上次同佢whatsapp嘅時候已經係24日之前嘅事。今日星期日，我忍唔住，諗住搵啲話題同佢講下

嘢。最後我問佢Christy點，有無話想見我。

3分鐘後.....
佢online了，睇咗了，又offline了。

半個鐘後.....
last seen today at 19:49





1個鐘後
last seen today at 20:45

都無覆我.....

臨訓前，手機whatsapp提示聲響起，我立即攞起電話，拉下提示欄

Jade

對唔住阿Jade，我承認見到你個名失望了，你問我依個星期六得唔得閒出來飲杯嘢，我答：好吧





第二朝，我睇見提示欄有whatsapp logo
Messages from 2 contacts

我禁落去，其中一個係Wilson

Wilson
唔知
最近我無見佢





唔知點解我覺得你嘅答法有啲冷淡。唉，不過人sad，睇咩都自然sad。但係點解要隔咁耐先覆我？我諗返起Wilson喺高登嘅

留言，諗起個女仔，諗起.....拖手？我不禁嘆一聲口氣..........

諗通了，絕望了，放棄了，無機了，再見了

你係唔係真係咁鍾意貪新(朋友)忘舊(朋友)？

當初你嘅whatsapp回覆，我無再同你講任何嘢，因為我真係決定放棄了


星期六，赴Jade嘅約，到starbucks坐低飲杯嘢食個茶點。你問我最近發生咩事？我好好奇點解你會無端端問我依個問題，但

我無追問你，只係答你最近我無野。我問你點解無端端咁好約我出嚟，你話想約咪約囉。你突然間問我『係呢，你同威廉王子

最近有無聯絡』，我答：『少咗好多』你好好奇追問我：『你唔鍾意佢嗱？』我口是心非咁答你：『唔鍾意了，我放棄了』你

問我點解，我話因為佢唔會鍾意我，我喺你多番逼問下，我先向你解釋喺高登我見到嘅留言。你鬧我我好白痴，明明人地都無

話鍾意人，點解我要幻想到wilson鍾意咗個女仔。為咗證明我無估錯，我答你：『最近佢無再搵我，最近我搵佢，佢隔咗成晚

第二朝先覆我』你笑我諗多咗，人地唔搵我可能因為我都無搵佢，所以佢唔敢搵我，至於點解Wilson要咁耐先覆我，你竟然答

我無從判斷。但你偏偏話Wilson應該對我都有意思。當時嘅我唔知點解你咁講，何況你同Wilson又唔係好熟。你一句『信我無

壞嘅』，當時我真係睬你都傻，無端端點解要信你。最後，我喺堅持自己想法嘅情況下離開Starbucks，同阿Jade到別處行

街。果晚，我收到Wilson嘅whatsapp，我好驚訝原來佢仲搵我。

魔鬼Kelly： 你又話放棄！
天使Kelly：佢話唔係鍾意果個女仔呀！
魔鬼Kelly：人講你又信！你依家同做兵有咩分別，人地派下糧你就開心成咁
天使Kelly：就算佢唔鍾意我，做朋友我都滿意架了
魔鬼Kelly：晒時間！
天使Kelly：你放心，我識控制自己嘅情緒，唔會開心過頭囉！人地又唔係話鍾意我！
魔鬼Kelly：你識咁諗就最好啦！