<網上交友的第一次> 憑感覺愛上你: 第十九章：再見了，無遺憾的愛情

Kyle嘅離開嚟得突然，佢應該真正離開我了。一個同你斷晒聯絡嘅人，值得留戀嗎？我去過佢屋企，當然佢已經搬走咗，去到

嘅時候房東同緊另一戶人家簽緊合同.....

『鍾生？佢退咗租喇喎』

『請問佢幾時同你講話唔再租落去架？』

『當然係一個月前』





『哦，唔該你』

我轉身離開，一個月....原來一個月前佢已經選擇咗離開我，正正係佢去溫哥華嘅前一個禮拜，上一次佢嘅離開真係因為佢阿媽

病咗嗎？整件事變得撲朔迷離。公司方面，自問私事絕對唔會影響公事，但我確實需要休息一下，而且Katy都批准了。

我選擇到花園街行下，閒日人唔多，清清靜靜正合我心意。由旺角東出閘，走過行人橋，一落到樓梯嘅右手邊就係我最鍾意嘅

小食店，左手一杯楊枝甘露，右手一串我最愛食嘅魚蛋，可惜我只有2隻手，如果唔係我可以買埋咖喱魷魚食。街邊嘅攤檔店

舖，大個咗我都少買了，始終果度賣嘅服裝唔係咁啱我返工著，話雖如此，唔同種類嘅貨物都足以你睇半日。之後，我行到隔

離街睇動物，佢地的確好可愛，每次一睇我都好想帶佢地返屋企，尤其係狗仔，不過始終我長期工作，我唔想養返屋企嘅時候

忽略咗佢。

行行下.... 我竟然撞到著緊西裝嘅Wilson。

『咦，又會咁啱嘅』





『係囉，頭先我先送份野比個客簽名』

『你返公司？』

『無呀，我諗住食番個下午茶先返去』

『哦！你偷懶！』

『打工仔有得偷緊係偷下懶啦，難得老細出咗去工幹』

『咁不如一齊啦，我行咗好耐都肚餓了』

『ok呀』

我地行行下，又行返頭先買小食果度，我望望下，Wilson見狀就問我





『你想食魚蛋？』

『你又知嘅？』

『依間出名魚蛋架嘛，不過上次食好似啲味唔同咗』

『係呀，頭先我買過一串，咸咗啲』

『你想食依啲小食嘅，我帶你去另一間啦，果度啲魚蛋包你食過翻尋味』

『咁犀利？咁我真係要試下啦』

我同Wilson都嗌咗杯豆漿飲，另外嗌咗2串魚蛋2串咖哩魷魚鬚同埋一件西多士share。Wilson佢的確無介紹錯，埋單嘅時候，

我拎出銀包，諗住AA制。

『等我嚟啦』

『唔駛啦，你請我下次飲野咪得囉』

『because I am a gentleman』

『ha，懶型，咁多謝喎』

『It's my pleasure』Wilson作狀擺上單手鞠躬嘅姿勢

『haha，咪玩啦，埋完單你要快啲返公司啦』

『咁我走啦，bye』『嗯，再見』

而我亦返屋企.....夜晚，我收到Wilson send比我嘅whatsapp……...





無遺憾，因為係Kyle佢自己消失得無影無蹤，除咗嬲我無唔開心，因為要多得佢嘅絕情。